Baverset oyo Eyebani Mpenza ewuti na Kalesia 6

Kabola

Sakini, avemi namahtei keke mivoumon sakien tetahos keil. Veni, munak reherlokoveintei more umen orer, reheles heite teni hekistal en avong kati teni.

Sakini, en avong vasi koa ir roles ahho tai teni, ir rehoumon asa koa tahos vakataun meatin vasi keil, ka hemarite mok min koakeil koa avi tuer keil en demkatien.

Navong Kristin sav keil avotini keih en moulien one, hetahos keke mihekataun keil. Heka en sakien enek, mihoum vasin asa koa Kristo meng kat ir keke rovoumoni.

Minaluvostei kami eris, Ahi hermaentei kami minandem seseintei hiasuvien onen. Veni vi anatin keke kei helei rahit usite onen meatin vasi ka hesakin keil ian ris heite ten asa koa aluhi en moulien one.

Veni meatin koa luh tisaen musil asa aven en vati, kei hean heite teni koa hehi matien. Ka meatin koa luh tahosien musil asa Ninin Votut en vati, Ninin Votut hesakini hean heite teni koa hehi moulien ten lisenges.

Tuak ka ahinkuli keil, munak mivotini keke tai en tuomi keil mot en tisaen, kami, koa mimusil Ninin Votut keih, miheha mihetalimal eni en sise koa hemerau enges. Ka navong mimumoni, mihelekati keke kami emun minamottei en tisaen.

Ka munak meatin tai mundemi keke kei vi hetetamen imok mulin mesav keil, kei mul luvos kei sasen ka sakras voumon etai tounah koa tahos. Hemal keke tetai en meatin keil ilei rahit sasen en sakien keil onen keke heilea munak tahos vuo tisa. Hesakini, kei kilea valonge vatahos ven sakien keil onen, ka herlei rahittei sakien onen mesav keil. Veni mal keke tetai en kami houm vasin asa koa mul en hen keke voumoni.