Baverset oyo Eyebani Mpenza ewuti na Kolose 1

Kabola

Kei mutut ir ran keihoen ten mankoli, ka ling revi ir en keihoen onen Natnali koa envatien onen mul ien keke kei helosil kat revi ir suval asuv houlu orer.

Veni, ka en kei, Ahi mumon tounah vasi en out nesa ka en out netan, tounah koa rokilea rovalesi ka tounah keil emun koa rosakras rovalesi. Ka en Natnali, Ahi mumon asuv houlu keil ka kavmen keil koa akur keihoen en out netan, ka angelo keil ka temat keil emun koa akur keihoen en out nesa. Anatin, ka en Natnali, Ahi mumon tounah vasi keke avahouhou mini.

Iesu Kristo mul mulamu en tounah vasi keil ka sakin tounah vasi keil enek amul amusil asa koa Ahi ling kati.

Meatin sakras vales Ahi. Ka navong ales Iesu Kristo, ales Ahi. Veni Iesu vi Ahi en usite vasi keil, ka kei vi houlu en tounah vasi koa Ahi mumoni.

Ven koanik, navong mellong usil sakien onami rokol kosa, komal melromusehtei en hisien onomal ven kami. Melmul melvis Ahi keke hesakin kami miheilea revi asa koa kei en vat kami mivoumoni, ka mihehilelau en meteisauen ka ileilien koa ka ven Ninin Votut onen. Hemukonek, ualien onami hevinvin en koakeil amusil kat Ahi Asuv ka hesan sien mini. Anatin, Ahi hesi kei ven kami navong moulien onami hel heson more heite keil koa vi umen tetahos keil, ka navong ileilien onami en kei hemai hemariso mok.