Baverset oyo Eyebani Mpenza ewuti na Matio' 5

Kabola

'De :mor eh 'dhu, nyor tba 'nape, :yee' or :se-eh' 'de :yabe 'zorn :po i. Jorwor: or dhe-eh :dha eh :korn-a dih, 'de eh 'ye nyor⧾-a' klehkpeh :on :ne-a 'de 'gbu, zorn-pli 'nyi. 'Ka-: 'o eh :ne, a 'nyi a-a' zorn-pli fan 'do :gwlor-nyor⧾ ybei', 'de on 'ye a-a' noo-deh:⧾ 'jeh 'ye, 'de on 'ye a :Baa' :or :ne-a 'de yai'-a' 'nyne dhih-a' 'i 'beh-a' 'nyi.

A :mor 'dhu 'bluhba-a' zorn-pli-'. :Yee' :gwlor :klaba' :ne-a 'o tluh 'dlu, or se 'zile-eh :korn.

:Bhorlie' 'do nyor⧾ :on :korn-a :porluh⧾ :gweh-a :vlehehn'-' bo. Deh no-eh, an mu Nyorsoa-a' 'yuba 'ye-:.

:Bhorlie' 'do nyor⧾ :on :korn-a :porluh⧾-a sin-a 'do 'yi 'sleh-deh⧾-a' no-a' bo 'gabaa. Deh no-eh, Nyorsoa-a mu an-a' :porluh⧾ dih 'pehn-dih:, 'do eh-a' dhih bo.

Jorwor: 'an zela a :gwluhuh', a :ybeh nyor⧾ :on 'nyeh-a a-uh'. :Yee' a :wlu 'de Nyorsoa bo, 'do :yuh :an 'ye-dih-a a 'kle, 'do an-a' dhih bo

:Bhorlie' 'do nyor⧾ :on se-a an-a' 'jeh-a' 'kpih :gwlii' dhe, 'de :on dhe-a Nyorsoa :gwlii'. Deh no-eh, mo-: Nyorsoa :korn wlu 'ken :naa.

:Bhorlie' 'do nyor⧾ :on no-a nyor⧾ 'yi zela-nyor⧾ bo. Deh no-eh, an mu Nyorsoa-a' 'nynuu 'da-dih-eh:.

:Bhorlie' 'do nyor⧾ :an 'zlu-a :naa bo. Deh no-eh, an mu :porluh⧾ 'di dih :dhe-eh:.

:Bhorlie' 'do nyor⧾ an 'ye-dih-a 'kle, 'do Nyorsoa-a' 'yi 'sleh-deh⧾-a' dhih bo. Deh no-eh, mo-: Nyorsoa :korn wlu 'ken :naa.

:Bhorlie' 'do :wehlih: :korn-nyor⧾ bo. Deh no-eh, Nyorsoa-a mu an-a' :wehlih 'ye-:.

:Bhorlie' 'do a bo, :mor nyor⧾ :taa a 'jle-dih, :mor on :taa a 'kle 'ye-dih, 'de :mor on :taa a 'kulu-dhih-a' 'doror: 'dor ken dih 'dhu-dih, 'do 'an dhih bo. :Yee' a 'kpa 'mona-', a 'ye :porluh-a' dih 'pehn-eh 'ble. Deh no-eh, geli' :za-dih-deh: 'kawehn:, eh-: a 'ble, 'de Nyorsoa 'bli yai'. 'Ka-: 'o on no Nyorsoa-a' :zai'-wele-eh: :po-nyor⧾-a' 'kle 'ye-dih-eh :ke.

:Bhorlie' 'do nyor⧾ 'yi 'beh :zulu se-a-' :ne. Deh no-eh, an mu :bhorlie'-a' klehkpeh Nyorsoa 'da-a or mu-a on 'nyi-:, 'ye-:.

:Yee' a :mor 'dhu 'bluhba-a' 'torn-'. Jorwor: :mor 'torn :gweh worn, :yee' :eh mu-or 'torn-' :no :neheh' :eh? :Yee' deh-beh:, eh-: or :se-' 'dhu-eh: :neheh'. Deh :due' on 'ye-or'-' :no-dih:, eh-: 'dhu, or-a' 'bluhbor: :po-eh, nyor⧾ 'ye-or' ken dih :na.

'Do eh-a' dha, a :mor :mloror', a :korn a 'ye 'yi 'sleh-nyor⧾ no, :ka a :Baa' :or :ne-a 'de yai', or :ne-a :ke.

'Do eh-a' dha, a 'nyi a-a' keen' no keen'. :Yee' a 'nyi a-a' 'kei no 'kei. :Mor a :za-dih: 'o deh :neheh', :yee' eh 'wluh 'de 'ku bo.

:Yee' a 'worn-eh' :mloror' :ka eh :za-eh:-', :eh no-a, 'Yli-eh :korn 'de 'yli-eh bo, 'de 'nyne-eh :korn 'de 'nyne-eh bo. Jorwor: 'an zela a :gwluhuh', a-a' :za-' kpa 'do nyor⧾ :an no-a deh⧾-zon⧾ 'do a bo. Jorwor: :mor nyor tba :an-a' :dila-gea 'kpa, :yee' :to 'o 'for-a' 'sororn' nor :ke.

:Yee' :mor eh 'dhu, :an-a' :dila-yli-eh no-eh, 'de :on 'ye deh-zon no, :yee' za-eh 'de, :on 'ye-eh' 'kwla po. Eh :nmor-: 'yi :on 'ye deh :due' 'ma-dih: 'do :on 'bhun, :eh :zi 'o :an-a' yau-a' klehkpeh 'ye 'i gba, 'de :on 'ye 'de 'ku 'bli :po-eh:. :Yee' :mor eh 'dhu, :an-a' :dila-son no-eh, 'de :on 'ye deh-zon no, :yee' chehn-uh 'o, :on 'ye-uh' 'kwla po. Eh :nmor-: 'yi :on 'ye deh :due' 'ma-dih: 'do :on 'bhun, :eh :zi 'o :an-a' yau-a' klehkpeh 'ye 'i gba, 'de on 'ye 'de 'ku 'bli mu.