Baverset oyo Eyebani Mpenza ewuti na Matio' 28

Kabola

:Yee' eh-a' dhih, a mu, a 'ye-eh' no, 'de 'dawor'⧾-dlu⧾-a' klehkpeh, on 'ye 'an-a: bo :na-nyor⧾ no. A po-uh 'ni 'dlu, 'de :Baa'-: 'Yu-: 'dekorn: Gban 'i :ne :Zulu-: an-a' 'nyne 'di. :Yee' a torne-uh deh⧾-a' klehkpeh 'on zela: a :gwluhuh', on 'ye 'o en-' 'tele' dih dhe. :Yee' a dhe-eh :gwlii', 'an mu 'o a bo :ne, 'do ti-a' klehkpeh bo, :eh :yeh-dih:-a 'bluhba-a' 'dlu-' :jla 'da ken.

'De :Yusu' 'koan'-dih-uh dih, or 'dae:, 'Kpih-a' klehkpeh, :en :ne-a 'de Nyorsoa 'bli yai'-: 'dekorn: 'noror yao 'zorn-: en 'nyi-eh: 'on 'weh.

:Yee' 'enjor: :dao', or :wlu-' 'de 'nynor⧾-kpao'⧾ :dao' bo, or 'dae:, A 'bor, :fano: :ple-eh. 'On yubo-eh', :Yusu' on :kor-dih:-a 'o tu 'i, or-: 'o, a 'bhorn 'kwla⧾-' dih. Or se :daa :ne. Or :sorn-' 'weh, :ka or no-a eh-a' :za-a'. A 'yle, a 'ye :dha or 'pehn-a dih :dee' 'ye.

'De or :wlu 'de on bo, or 'dae:, A 'bor :fano: :ple-eh. A mu, a 'ye 'an-a: bo :na-nyor⧾ :gwluhuh' zela:, on 'ye 'de :Galali'i-bluhba ken mu. 'Do :wor an mu 'on 'ye-dih:.

:Yee' Nyorsoa-a' 'slaa: :za-nyor:⧾ :klaba'⧾-: 'dekorn: 'bluhba: :korn-nyor⧾-: on 'kpa :dha :due', 'de on pa 'slan-'. :Yeh on pa-a 'slan-', :yee' on 'nyi sorye' :dao' 'wlii: :doru'. :Yee' on 'dae:, Deh a 'ye-a' :za, a 'da, or-a'a: bo :na-nyor:⧾, mo-: 'yle 'mano-', mo-: 'yli or-a' 'ku, ti :a mane:-a 'nyinor-'. :Yee' :mor eh 'dhu, 'gomla-nyor⧾-a' nyor :klaba' 'worn deh :daa, :yee' :a mu-eh 'kpa :po, :a 'ye a zabe ken :za. :Yee' sorye' :dao', on 'duo: 'wlii: :dao'-' 'weh, 'de on no deh on zela-uh-a :gwluhuh'. Eh-: no-eh, 'de :Jueh'-nyor⧾ yubo: dhih :daa 'de on 'nyne-', :eh :yeh-dih:-a 'zean' ken :sloror'.