Baverset oyo Eyebani Mpenza ewuti na Santiago 4

Kabola

Méxra̱ ícha jína chrókuitekáonra Díos, la chrókui̱to̱éhyara kixin ti Jínahña chrókꞌue̱tua̱hanra, ndá ti xi̱kaha la ti Jínahña la sáchrokjui.

Chrókóchjinehéra Díos, a̱ndá Díos tso̱chjina ti tjejora. Jahara chojni chónta ijie̱, chrókꞌontira itjára la a̱ntsí chrótjue̱héra Díos, a̱ndá ti chjasintajni la kanhñó.

Ícha jína chrókꞌuejoxi̱nra tóchꞌinra chróchronoéhéra Ìnchéni, a̱ndá jehe chꞌan chaxín chrókjuintañaora chꞌan.

*Kixin Díos la imá tjinki̱tsa chꞌan ti jeheni, méxra̱ ndáchro xroon itén chꞌan: “Díos la nínkakohen ti chojni ihnke, a̱ndá ti chojni nchenkehya la tjinki̱tsa chꞌan.”

A̱ndá ti nkexro nohe ichꞌe ti nkehe jína, ndá chꞌehya, la tjasin sin ijie̱.

A̱ndá ti tjanchehéra Díos la tꞌayéhyara, kixin nduáhya tjánchíára la ko tjinkáonra si̱nchexénhóra.

Jahara titekákuénhñara Díos. ¿Á noahñara kixin ti imá tso̱tjue̱héra ti chjasintajni la tso̱nínkakohénra Díos ní? A̱ndá ti nkojinra a̱ntsí tso̱tjue̱héra ti chjasintajni la tso̱ninkákohénra Díos.

A̱ndá jahara noahñara nkehe tso̱hen ndóye, kixin ti tjejóchóni la éxi ijnko tji̱nonte tuénxín tsꞌitjáña.