Baverset oyo Eyebani Mpenza ewuti na Proveps-Knare Nomaniza 4

Kabola

Ana mikazana hugahananagi agatereneazama hananana, antahi zanka'a kvahu so'e huo. Na'ankure e'i tamage asimu eri tinkampui me'ne.

Kagama rentenkama vanana kana kva hu'nenka, kavua kenka nevugeno, mika zamo'a kagritera agafa huno eme hanavetigahie.

Havigema huzana netrenka, krunagema kagipintima atirami'zankura atregeno afete meno.

Knare antahintahi'zana raza me'neanki erio. Hagi makazana erigahananagi agatere'neazana knare antahiza erio.

Hianagi fatgo vahe'mofo manizamo'a, zgemo zahufa nehnatino remsa hume ne-eno, eme remsa huno feru aseankna nehie. Hianagi havi avu'ava ene vahe'mofo mani'zamo'a, hani hiankna hu'neankiza, ana vahe'mo'za na'amo zamazeri tanafa nehie nonkaze.

Knare antahintahimofoma kamage'nama huonte'sankeno'a, kagu nevazina avesima ante'sankeno'a, kegva hugantegahie.

Kagrama hananegu'ma amama kasamua kea otrenka azeri hanavenetinka atregeno ovino. Na'ankure e'i ana kema huoguma rempima hunegamua kemo'a mani'zanka'agna hugahie.

Havi kefo avu'ava hania vahe'mofo kantera ovunka, haviza huno kefoza hu'nenia vahe'mo hania zana ovaririo.

Mofavre naganimote, negafanama rempi hugamisua kavumro kema kagesa antahi ankere'sunka, antahi ama' hu antahintahia erigahane.