Baverset oyo Eyebani Mpenza ewuti na Proveps-Knare Nomaniza 11

Kabola

Muse hu'za vahe'ma vevama nehaza vahe'mo'za, zmagra'a rama'aza erigahaze. Vahe'ma zmazahu vahe'mo'za, ana nona'a erigahaze.

Zamagragu'ma ontahiza vahe'ma zamaza nehaza vahe'mo'za, zamagra mago'ane eri avitegahaze. Hianagi rumofo amiga zama omisnazana, maka zankura eme atupa hugahaze.

Kavufga atarezamo'a, kagaze'za erigamigahie. Hianagi kavufga anteramizamo'a, knare antahintahiza erino egahie.

Ama' antahizane kva vahe'ma omanisigeno'a, kumamo'a haviza hugahie. Hianagi knare antahizama ami vahe'ma rama'ama mani'nenageno'a, kumamo'a hankvetino knare hugahie.

Fatgo vahe'mofo avu'avamo'a, asimu eri zafagna hu'ne. Hagi iza'o vahe'ma agu'mavazimo'a ama' antahi'zane vahe mani'ne.

Iza'o vahe amefi kema huno vanoma hanimo'a, oku'a fraki'nesia zana hu'ama hugahie. Hianagi tamage kema hu vahe'mo'a, nefuma hu'nenia zana huama huontegosie.

Vahe'mofo asuraginteno so'e avu'avama hunte ne'mo'a, agra'a azeri so'e nehie. Hianagi vahe'mokizmi havizama huzmantea ne'mo'a, agra'a azeri haviza nehie.

Iza'o rama'a fenoma ante'nesia zanku'ma antahintahima hanimo'a, evuramigahie. Hianagi fatgo vahe'mo'za zafamo amu eri mareankna hu'za, tre tre hugahaze.

Refkoma hugantesia knarera, feno zankamo'a kaza osugosie. Hianagi fatgoma huno manizamo'a frizampintira kagu'vazigahie.

Maka zampima tamage huno fatgo avu'avama hanimofona, ana avu'avazamo kegva huntegahie. Hianagi hazenke vahe'mofo akrehe akrehe'zamo'a, zamagrira zamahe fanane hugahie.

Hentofa agi agonane a'mo'ma fatgo osu avu'avama nehia a'mo'a, agra afu'mofo kolire tro hunte rinima agonafi antanintaza kna hu'ne.

Havizama huno avamente'ma refkohu so'ema nosia vahera, Ra Anumzamo'a agoteno avesra hunente. Hianagi avamente'ma fatgo huno mizama asea vaheku avesinente.