Baverset oyo Eyebani Mpenza ewuti na ROM 1

Kabola

Hamba graojma ni khlai hi ang lajiya, asababo bokhe lonyarao khe sogo mani khlai hi Madai ni raothai se. Sagang ha Judarao ni khlai hi, boni yaohon ha Jentailrao ni khlai hibo bo japhin ba.

Hamba graojma ha de Madai ni dormo ragao sisi nujaophai ba, bo jenba ni phrang jamthaoba sosi lonma ni khlai hi se ning. Lonma ni khlai hi subung dormo thanghi dongma se, thihi reb ba lai.

Boni gun khe muthai jang nu phuya, boni thaoglao odehe boni Madai jathai khe habsao sangsai jenba ni phrang bo jinis sangsaiyaba buthu ha ragao sisi nuphuyaba odehe khnaphuyaba bonsi phnu ri bani, asaba subungbo thisingthan giri.

Madai khe tharmai hibo, bokhe Madai lai bonsi man khlaiya, boni ha khajama ni grao khebo bonsi thiya; bonsi haglai baohi, bonsi ni khah baothai gibin de andar jathar kha.

Madai ni balam ha gibi grao khe mosol jang bonsi slai hi, sangsaiyaba khe khlim ba thane, jinis slamyaba khe se khlim hi boni khusi khe se bonsi dang ba. Bokhe slamyaba thaoglao bakhan khlai jayaba se! Amen.

Subung buthu, Madai khe bera khlaiyaba odehe bonsi ni khrip hamyayaba ni khlai hi bonsi hamyayaba ha gibi grao jang nanglairao ni basao ha Madai ni thamsi sorgo ni phrang phnu hi dong.

Bo bubli ha ning, bonsi ni nangjaoma jinis lasisi jadao thaoyaba buthu khe dang mani khlai hi Madai ning bonsi khe dangkhlai kha. Bonsi ni masainjik buthubo, miyah masainjik hamjaothai khe basai-bihih ni hamjaothai nalai lai niya hi bonsi slai ba. Olei jasosi ning miyahraobo, jarni bihihthu jang bonsi ni yaowaithai khe dangkhlai hi, mijingma jang saosi khe saosi bonsi libi lai ba. Miyah jang miyah bo majangya daothaobo dong ba, bonsi ni phap bathai khe bonsi jar ning dukhu ja la kha. Bokhe garhi, Madai khe bonsi tharmai ma nangjaoya bani, baothai yaowai jaya mani odehe dongthai majangya mani khlai hi Madai ning bonsi khe riba se.

Girikbi baolayaba de gibir se jathar kha. Thithaoyayaba ni muima khe, thiphuyaba subung, dao buthu, mih igah gongbriyaba buthu hang gnang hah ha sorbaiyaba buthu, saokhuli buthu jang bonsi slaijao kha.