If you would like a copy of this version please contact info@davaraudiobibles.org

Mam de Huehuetenango Bible © 2022, Bible Society of Guatemala. (Text)
Mam de Huehuetenango Audio Bible ℗ 2026, Davar Partners International. (Audio)

Mam de Huehuetenango Bible

<div class="version vid2278 iso6393mam" data-vid="2278" data-iso6393="mam">
 <div class="book bkGEN">
 <div class="chapter ch7" data-usfm="GEN.7">
 <div class="label">7</div><div class="s">Tej tb'aj naj twitz tx'otx' tu'n a'</div><div class="p"> 1Xi tma'n Qman Dios te No&#233; kyja': Tokxa tuj matij barc kyuk'ix qeju ate' tuj tjaya, tu'nju ma wile o'kx aya tz'aqlxix kyxol xjal ate' tuj tq'ijlalil ja'lo. 2Kyxol kykyaqil wiq txkup saq qe, che okex ti'na wuq tman ex wuq ttxu'; atzun qeju tz'il qe, k'okex ti'na noq o'kx jun tman ex jun ttxu'. 3Ax ikx che okex ti'na wuq tman ex wuq ttxu' ti'j teyle junjun wiq chyu'j ex txqantl txkup in che lipan twitz kya'j, tu'ntzun tkyaj klet kyiyjil twitz tx'otx'. 4Porke tb'ajlenxi wuq q'ij, tzul jb'al wu'ne q'ijl ex qonik'an tuj 40 q'ij. Che najel wu'ne kykyaqil qeju itz', aqeju e kub' nb'incha'ne twitz tx'otx'. 5Tb'inchatzun No&#233; tkyaqilju o tma Qman te.</div><div class="p"> 6Otoq japun No&#233; twi' qaq syent ab'q'i tej ttzaj nimxix a' twitz tx'otx'. 7Okxtzun No&#233; tuj matij barc kyuk'ix qe tky'ajal, tuk'ix t-xu'jil ex qe tlib', tu'ntzun mi'n kynaj tu'n a'. 8Qe txkup saq qe ex qeju tz'il qe, qe chyu'j ex txqantl txkup in che lipan twitz kya'j ex qeju in xi kyjaqu'n kyk'u'j twitz tx'otx', 9e okx tuk'il No&#233; tuj matij barc, jun tman ex jun ttxu', ik tza'nx otoq tma Dios.</div><div class="p"> 10Tujtzun twuqin q'ij tzajtzun nimxix a' twitz tx'otx'. 11Tuj ab'q'i tej tjapun No&#233; twi' qaq syent ab'q'i, tuj wuqlaj tajlal tkab'in xjaw, tujtzun q'ij lu e jaqet kykyaqil qe twi a' t-xe nintz mar, jaqet ttzi kya'j, ex tzaj q'eqab'. 12Q'ijl ex qonik'an tuj 40 q'ij kub' q'eqab' twitz tx'otx'. 13Tujx q'ij lu okx No&#233; tuj matij barc, tuk'ix Sem, Cam ex Jafet, aqeju tky'ajal, tuk'ix t-xu'jil ex qe ox tlib'. 14Ax ikx tkyaqil wiq txkup at tjaq' k'ul, teyle te junjun tiyjil, tkyaqil wiq alumaj, teyle te junjun tiyjil, tkyaqil wiq txkup in xi kyjaqu'n kyk'u'j twitz tx'otx', teyle te junjun tiyjil ex tkyaqil wiq chyu'j ex txqantl txkup in che lipan twitz kya'j, teyle te junjun tiyjil, 15e okx tuk'il No&#233; tuj matij barc, mojmoj kyten. 16Tman ex ttxu' te tkyaqil wiq qeju e okx, ik tza'nx o tma Dios te No&#233;. Kyokxlenxi b'aj qe jlu, oktzun tlamo'n Qman tlamel matij barc.</div><div class="p"> 17Tzajtzun nimxix a' twitz tx'otx' tuj 40 q'ij. O ch'iy a' ex jaw iqan matij barc tu'n. 18Nim jaw ch'iy a' twitz tx'otx' ex jaw laq'e' matij barc tib'aj. 19Nimxix jaw ch'iy a' ex japun b'aj kyib'aj kykyaqil witz mas ma' kywa'l ate' twitz tx'otx'. 20Jaw ch'iy a' wuq var tuk'il mey kyib'aj qe witz mas ma' kywa'l. 21E najtzun kykyaqil qeju najl twitz tx'otx': Qe chyu'j ex txqantl txkup in che lipan twitz kya'j, qe alumaj, qe txkup te tjaq' k'ul, qe txkup in xi kyjaqu'n kyk'u'j twitz tx'otx' ex kykyaqil xjal. 22E kyim kykyaqil qeju ate'toq twitz tx'otx', aqeju itz'toq qe ex in jatz kyxew. 23O'kx te No&#233; kyaj klet kyuk'ix qeju ate'toq tuk'il tuj matij barc; atzun qe txqantl b'i'x e naj: Qe xjal, qe alumaj, qe chyu'j ex txqantl txkup in che lipan twitz kya'j ex qe txkup in xi kyjaqu'n kyk'u'j twitz tx'otx'. 24Atzunte a' kyaj ten 150 q'ij twitz tx'otx'.</div>
 </div>
 </div>
</div>

Mam de Huehuetenango (ortografía reformada): CHIK'B'AB'L TI'J TU'JIL TYOL DIOS TUJ QYOL © Sociedad Bíblica de Guatemala 2011.

Xi tma'n Qman Dios te Noé kyja': Tokxa tuj matij barc kyuk'ix qeju ate' tuj tjaya, tu'nju ma wile o'kx aya tz'aqlxix kyxol xjal ate' tuj tq'ijlalil ja'lo. Kyxol kykyaqil wiq txkup saq qe, che okex ti'na wuq tman ex wuq ttxu'; atzun qeju tz'il qe, k'okex ti'na noq o'kx jun tman ex jun ttxu'. Ax ikx che okex ti'na wuq tman ex wuq ttxu' ti'j teyle junjun wiq chyu'j ex txqantl txkup in che lipan twitz kya'j, tu'ntzun tkyaj klet kyiyjil twitz tx'otx'. Porke tb'ajlenxi wuq q'ij, tzul jb'al wu'ne q'ijl ex qonik'an tuj 40 q'ij. Che najel wu'ne kykyaqil qeju itz', aqeju e kub' nb'incha'ne twitz tx'otx'. Tb'inchatzun Noé tkyaqilju o tma Qman te.
Otoq japun Noé twi' qaq syent ab'q'i tej ttzaj nimxix a' twitz tx'otx'. Okxtzun Noé tuj matij barc kyuk'ix qe tky'ajal, tuk'ix t-xu'jil ex qe tlib', tu'ntzun mi'n kynaj tu'n a'. Qe txkup saq qe ex qeju tz'il qe, qe chyu'j ex txqantl txkup in che lipan twitz kya'j ex qeju in xi kyjaqu'n kyk'u'j twitz tx'otx', e okx tuk'il Noé tuj matij barc, jun tman ex jun ttxu', ik tza'nx otoq tma Dios.
Tujtzun twuqin q'ij tzajtzun nimxix a' twitz tx'otx'. Tuj ab'q'i tej tjapun Noé twi' qaq syent ab'q'i, tuj wuqlaj tajlal tkab'in xjaw, tujtzun q'ij lu e jaqet kykyaqil qe twi a' t-xe nintz mar, jaqet ttzi kya'j, ex tzaj q'eqab'. Q'ijl ex qonik'an tuj 40 q'ij kub' q'eqab' twitz tx'otx'. Tujx q'ij lu okx Noé tuj matij barc, tuk'ix Sem, Cam ex Jafet, aqeju tky'ajal, tuk'ix t-xu'jil ex qe ox tlib'. Ax ikx tkyaqil wiq txkup at tjaq' k'ul, teyle te junjun tiyjil, tkyaqil wiq alumaj, teyle te junjun tiyjil, tkyaqil wiq txkup in xi kyjaqu'n kyk'u'j twitz tx'otx', teyle te junjun tiyjil ex tkyaqil wiq chyu'j ex txqantl txkup in che lipan twitz kya'j, teyle te junjun tiyjil, e okx tuk'il Noé tuj matij barc, mojmoj kyten. Tman ex ttxu' te tkyaqil wiq qeju e okx, ik tza'nx o tma Dios te Noé. Kyokxlenxi b'aj qe jlu, oktzun tlamo'n Qman tlamel matij barc.
Tzajtzun nimxix a' twitz tx'otx' tuj 40 q'ij. O ch'iy a' ex jaw iqan matij barc tu'n. Nim jaw ch'iy a' twitz tx'otx' ex jaw laq'e' matij barc tib'aj. Nimxix jaw ch'iy a' ex japun b'aj kyib'aj kykyaqil witz mas ma' kywa'l ate' twitz tx'otx'. Jaw ch'iy a' wuq var tuk'il mey kyib'aj qe witz mas ma' kywa'l. E najtzun kykyaqil qeju najl twitz tx'otx': Qe chyu'j ex txqantl txkup in che lipan twitz kya'j, qe alumaj, qe txkup te tjaq' k'ul, qe txkup in xi kyjaqu'n kyk'u'j twitz tx'otx' ex kykyaqil xjal. E kyim kykyaqil qeju ate'toq twitz tx'otx', aqeju itz'toq qe ex in jatz kyxew. O'kx te Noé kyaj klet kyuk'ix qeju ate'toq tuk'il tuj matij barc; atzun qe txqantl b'i'x e naj: Qe xjal, qe alumaj, qe chyu'j ex txqantl txkup in che lipan twitz kya'j ex qe txkup in xi kyjaqu'n kyk'u'j twitz tx'otx'. Atzunte a' kyaj ten 150 q'ij twitz tx'otx'.

Yoka Génesis 7