Idi Ufa 136
136
Anutuna dufi dufi qimamaqara idi.
1Yaaweefa andeeqarafa marinara dufi dufi qimamaqaaqa.
Mina amuqusirafa naaru naaru marifa maridanoo.
2Aiqama unnaqira anutusa uriqararana dufi dufi qimamaqaaqa.
Mina amuqusirafa naaru naaru marifa maridanoo.
3Aiqama karaambaiqauqa afeeka urinnaaqararana dufi dufi qimamaqaaqa.
Mina amuqusirafa naaru naaru marifa maridanoo.
4Mifa kai firaa naaquqara ainaina auqi marifa maridanoo.
Mina amuqusirafa naaru naaru marifa maridanoo.
5Mifa narí amiqira iriranannai innaaruna auqufa maridanoo.
Mina amuqusirafa naaru naaru marifa maridanoo.
6Mifa maa maqana auqeeqee nammari faruma amuaaqa quqanau.
Mina amuqusirafa naaru naaru marifa maridanoo.
7Mifa suani faqa quqoona faqa auqinau.
Mina amuqusirafa naaru naaru marifa maridanoo.
8Mifa suaniara anee iaqaranasaa rakisiannee qimasee auqinau.
Mina amuqusirafa naaru naaru marifa maridanoo.
9Mifa quqoona faqa fasauqara faqa eendirana saa rakisiaqee qinau.
Mina amuqusirafa naaru naaru marifa maridanoo.
10Mifa Isipa maqannaasa ooqa faiqiuqa narinau.
Mina amuqusirafa naaru naaru marifa maridanoo.
11Mifa Isaraee maqannaasa Isipa maqusaindaraana aana muqunufaqa fiqau.
Mina amuqusirafa naaru naaru marifa maridanoo.
12Mifa misa narí afeeka asaukunnai nifiqee finau.
Mina amuqusirafa naaru naaru marifa maridanoo.
13Mifa Taatuqee nammari qambaana rakeeinau.
Mina amuqusirafa naaru naaru marifa maridanoo.
14Mifa narí faiqí anaasee minaki aana muqunufaqa fiqau.
Mina amuqusirafa naaru naaru marifa maridanoo.
15Fitaqa fufanoo Isipa maqannaasa karaambaiqa narí rakira fasiqauqa faqa oonuroofanoo ukuqnama nimaqanau.
Mina amuqusirafa naaru naaru marifa maridanoo.
16Mifa narí faiqí anaasee nifu uqufaqa aadana maqa maaqaki fiqau.
Mina amuqusirafa naaru naaru marifa maridanoo.
17Mifa maqasaa afeeka faqaa karaambaiqauqa narinau.
Mina amuqusirafa naaru naaru marifa maridanoo.
18Mifa firaa nuqu faqaa karaambaiqauqa narinau.
Mina amuqusirafa naaru naaru marifa maridanoo.
19Amoora maqannaasa karaambaiqa mina auqu Siqoonnana arinau.
Mina amuqusirafa naaru naaru marifa maridanoo.
20Basanna maqannaasa karaambaiqa mina auqu Ookana faqa arinau.
Mina amuqusirafa naaru naaru marifa maridanoo.
21Yaaweefa mi maqannaaqanda maqa maaqa rafieeqeenoo narí faiqí anaasee Isaraee maqannaasa niminau.
Mina amuqusirafa naaru naaru marifa maridanoo.
22Narí ainainira faiqiuqa Isaraee maqannaasa niminau.
Mina amuqusirafa naaru naaru marifa maridanoo.
23Maasa namuqaa rafaaqafu qimaqoofanoo mifa maasara sia qauninau.
Mina amuqusirafa naaru naaru marifa maridanoo.
24Mifa maasa namuqaa rumbaranakinaana idukuqisanau.
Mina amuqusirafa naaru naaru marifa maridanoo.
25Mifa kai faiqí faqa aiqama aandau auqu rarana faqa doodaani auqu rarana faqa narana nimidanoo.
Mina amuqusirafa naaru naaru marifa maridanoo.
26Anutufa innaarunai marina dufi dufi qimamaqaaqa.
Mina amuqusirafa naaru naaru marifa maridanoo.
© 2017 Wycliffe Bible Translators, Inc. All rights reserved.
