Ovilinga Omuhangu
Omuhangu
Embo lyOvilinga vyOvayapostoli mali hipulula ouhunga naMuhona Jesus, hiaa longekedha ovalanduli ve, himava pewa Ombepo Ondhilikwa okutya va tyee soka hiee ve longa motjikando tjathiinina (1:8).
Ovayapostoli kava tilile okuhipulula eimuko lyaJesus kout̯e moJerusalem. Omatatetho ngaa etwa kOvajuda, a ningitha okutya Evaengeli li teethelwe moJudea atjihe nomoSamaria atjihe katee kodhontyo dhouye.
Ovantu ovatumbalekwa unene mokuteetha, va li ooPaulus naPetrus naJohannes naJakob omunitjaJesus, iya ngwaa li omuteethi omunene, oPaulus. Paulus wa twikila ko okuteetha ondaka ombwa, hiaa uta omaongalo moAsia-Otjinunu nomoGreka nokomeho kut̯a koutokelo. Etompo hendi mali pata novihipululo vyaPaulus ngwaa kutilwe moRoma ngonkwatwa. Paulus wa popya okutya Evaengeli hendi nOmbepo Ondhilikwa kaai kambulwa.
Otjilimo
Okudha Jesus hima i meulu katee okuya kwOmbepo Ondhilikwa (1--2)
Oumbangi nomatatetho moJerusalem (3--7)
Ondaka ombwa moSamaria (8)
Eliteyululo lyaPaulus (9)
Ovatenga mbahave thi Ovajuda mava tambulwa meongalo (10--11)
Jakob ma t̯i, Petrus ma pitithwa mokaliwoso (12)
Ouyenda outenga waPaulus wokuteetha (13--14)
Otjoonganene tjovayapostoli moJerusalem (15)
Ouyenda outyavali waPaulus wokuteetha (16--18)
Ouyenda outyatatu waPaulus wokuteetha (19--21)
Paulus ngonkwatwa (22--26)
Paulus moRoma (27--28)
Dhimba New Testament © Bible Society in Namibia, 2010.