रोमीकु 2

परमेसर आला नेयाय

1 # सं.मत्‍ती 7:1; सं.लुका 6:37 हिना लःअय, ए दोस लालगावी, आम जाहें ताहिन, आम दुबाःड़े एतान होः बहना कनोअ गीआ! एता लःअय ची आम जे बात लःअय एटाअकु के दोसी ठहराव कुआम, हिना बात रेगी आम अपने दोसी ठहराआम, एता लःअय ची आम जे बात रे दोस लगायाम, आम खुदे हिना काम कामीयाम। 2आबु पड़ीआबु ची नोकान-नोकान कामीकु के सचाई रअः मोताबिक परमेसर आला डांड़ भेटाव कोआ। 3आउर ए मनवा, आम नोकान गादुस ककामी कु रे दोस लगायाम आउर खुदे निआँ गादुस काम कामीयाम, दो एतान आम समझाआम ची परमेसर आला डांड़ तरअः बंचाव कुईंग? 4एतान आम हुनी आला माया, आउर सासहाव दाड़ी आउर धीरज रेनअः धन के घिंड़ोआम? आउर नोःआँ काम पाड़ीआ ची परमेसर आला माया आम के मन रूवाड़ पखी इदीमेआय?

5आम अपन निठुर आउर ढिंठाई मन रेनअः चलते परमेसर आला खीस हिला लःअय अपन रअः बिरुध खीस के जवार दाम, जे बेरा परमेसर आला सचा नेयाय दिसतार कोआ। 6#सिरिंग 62:12; बेव 24:12आउर परमेसर जामे मनवा के हुंकू आला कामी रेनअः मोताबिक बानी एमा किकुआय। 7जे होड़ खतिर केते, बेस कामी यअते बड़ाई, आदर, का-अन्तोः वाला जिनगी रेनअः खोजाईर रे लगाव ताही नोआकु, परमेसर हुंकू के का-अन्तोः जिनगी एमा किकुआय। 8आउर जे अपन लःअय भाईर सोंचायाकु आउर सचाई के काकु मनाआ आउर अधरम रे चलाआकु, हुंकू रे परमेसर आला खीस आउर मुरुक जादे खीस पड़ाव कोआ। 9गादुस ककामी वाला जामे मनवाकु रे पहिल रे जाहुदी आउर फिन एटाअ जाईतकु रे दुख आउर बिपाईत हीःग कोआ। 10आउर बेस ककामी वाला जामे मनवा के पहिल रे जाहुदी, आउर एटाअ जाईतकु के बड़ाई, आदर आउर सानती भेटाव कोआ। 11#कन 10:17एता लःअय ची परमेसर जाहें के होड़ चिनहा-चिनहा काय नेयायेआ।

12हिना लःअय एटाअ जाईत मुसा आला कनहुन बेगर नामते पाप तदाकु, हुंकू बेगर कनहुन नामते गी नास कोआकु, आउर जे जाहुदी ताही नेनाकु, मुसा आला कनहुन नाम केते पाप तदाकु, हुंकू आला डांड़ कनहुन रेनअः मोताबिक हुयाव कोआ। 13एता लःअय ची परमेसर आला नजाईर रे धरमी हुंकू नालगे, जे कनहुन के अआयुम वाला हेके, बकिर कनहुन रे चलाअकु धरमी ठहराव कोआकु।

14फिन जब एटाअ जाईत रिनकु होड़ जेकर दुबाःड़े कनहुन कनोआँ, जदि अपन धाचाईर तरअः गी हुंकू कनहुन रेनअः बात रे चलाआकु, दो हुंकू दुबाःड़े कनहुन का ताहिन रे होः गी हुंकू अपन लःअय खुदे कनहुन हेके। 15हुंकू चाईल-चलन तरअः दो कनहुन रेनअः बात अपन मन रे लिखा लअः देखायाकु, आउर हुंकू आला भितरी मन होः गोवाही एमेआय, आउर हुंकू आला भितरी मन हुंकू के कहियो दोसी दो कहियो बेकासुर ठहराव कुआय।

16होना हिला जे बेरा परमेसर, ईङ तरअः परचार लआ बेस खभाईर रअः मोताबिक, ईसु ख्रीस्त तरअः मनवाकु आला उकू उना बात रअः नेयाय केआय।

जाहुदी आउर कनहुन

17जदि आम जाहुदी कहलाआम, आउर मुसा आला कनहुन रे भरसा दोहोयाम आउर परमेसर आला बारे रे घमंडेआम, 18आउर हुनी आला इकछा पाड़ी आम आउर कनहुन रअः सिकछा नाम केते बेस बात के सही मनाआम, 19-20लूर आउर सचाई रेनअः नमुना, जे कनहुन रे एदनाआ, आम दुबाःड़े एदनाआ, हिना लःअय आम अपन तेंग रे भरसा दोहोयाम, ची ईङ अंधराकु लःअय अगुवा आउर अंधार रे पड़ाव उनकु लःअय मरसाल, आउर बेलुराकु के सि-सिखाव वाला, आउर चेंगाकु आली उपदेस एमोअ वाला हेके। 21दो आम जे एटाअ के सिखाव कुआम, अपन के एता लःअय काम सिखाईया? “आम का चोचोर रेनअः परचारेआम,” अपन गी चोरेआम एतान? 22आम जे कंहड़ीयाम “ब्यबिचार आलपे कामी के”, आम गी ब्यबिचार याम एतान? आम जे मुरती तरअः घिंड़ोआम, एतान आम गी मंदिर के रेगेआम एतान? 23आम जे कनहुन रेनअः बारे घमांडेआम, एतान कनहुन के तोड़ाव केते, परमेसर के लाजिम चियाम एतान? 24#जसा 52:5एता लःअय ची जे लकान धरम पुथी रे लिखा लअः एदनाआ। “आपे रेनअः चलते एटाअ जाईतकु रे परमेसर आला नुमू रेनअः निन्दा हुयाअः ताना।”

25जदि आम कनहुन के मनाव केते चलाआम, दो खतना तरअः फयदा दो एदनाआ, बकिर आम जदि कनहुन के तोड़ायाम, दो आम आला खतना बे खतना रेनअः बराबईर ठहराव नेना। 26हिना लःअय जदि एटाअ जाईत जेकर खतना का हुयाव ताना, आउर कनहुन रेनअः रिती रे चलाआय, दो हुनी आला बे खतना रेनअः दसा रे खतना रेनअः बराबईर एरे लेखायोआ एतान? 27आउर जे एटाअ जाईतकु, होड़ो रे खतना का हुयाव ताना जदि हुंकू कनहुन के पुरायाकु, दो मुसा आला लिखा लअः कनहुन नाम केते आउर खतना केते होः गी कनहुन के तो-तोड़ाव वाला, आम के दोसी एरे ठहराव मेआ एतान?

28एता लःअय ची असली जाहुदी हुनी नलागे जे बाहरी भेस तरअः जाहुदी नेलोआय, आउर असली खतना होना नलागे जे होड़ो रे एदनाआ आउर बाहरी भेस रे नेलोआ। 29#कन 30:6असली जाहुदी हुंकू हेके जे भीतरी मन तरअः एदान कुआ आउर असली खतना दो आतमा आउर हिरदाय रेनअः खतना हेके, ना ची लिखा लअः कनहुन तरअः, नोकान होड़ आला बड़ाई होड़ तरअः कोवान बकिर परमेसर पखी तरअः भेटाआ।

선택된 구절:

रोमीकु 2: ASR

하이라이트

복사

비교

모든 기기에 하이라이트를 저장하고 싶으신가요? 회원가입 혹은 로그인하세요

Asuri - 더 알아보기