मत्ती 24
24
मन्दिर नास होण की भविष्यबाणी
(मर 13:1,2; लूका 21:5,6)
1अर जब यीशु मन्दिर बटि भैर जाणु छौ, त वेका चेला वेका पास ऐनी, अर ऊंन मन्दिर जनै इसारा कैरी की उ कै तरीके से बणयूं च। 2तब यीशु न ऊंकू बोलि, “जौं चीजों तैं तुम आज इख दिखणा छाँ मि तुम बटि सच्च बोन्नु छौं एक दिन आलु, जब ये मन्दिर को एक ढुंगो भि अपणी जगा पर नि रालु, किलैकि वु सब ढुळै जाला।”
आखिरी का दिनों का बारा मा यीशु की भविष्यबाणी
(मर 13:3-23; लूका 21:7-24)
3अर यू सब होण का बाद जब यीशु जैतून नौ का पाड़ पर बैठयूं छौ, तब चेलों न चुपके से वे बटि पूछी, “गुरुजी, जु बात तुमुन बतैनि वु कब पूरि होलि? अर हमतै इन भि बता कि तुमरा वापस औण को अर ईं दुनियां का विणास को क्या जि चिन्न होलु?” 4तब वेन ऊंतैं जबाब दिनी, “चेतन रा, कुई भि तुमतै भरमै नि सैको। 5किलैकि भौत सरा लोग मेरा नौ से आला अर बुलला कि, #यिर्म 14:14‘मि मसीह छौं,’ अर भौतों तैं भरमै द्याला। 6अर जब तुम लड़ै अर लड़ै की अफवा का बारा मा सुणिल्या, त घबरै नि जयां, किलैकि यों सब बातों को होण जरुरी च, पर वे बगत अन्त नि आलु, 7किलैकि यू होण से पैलि एक देस दुसरा देस पर अर एक राज्य दुसरा राज्य का खिलाप मा खड़ा होला, अर भौत सि जगों पर अकाळ पोड़ला, अर भ्वींचळा भि आला। 8अर जन पीड़ा एक जनानि तैं बच्चा पैदा करण का बगत मा होन्दी, ठिक उन्नि यों सब बातों की शुरुवात होलि। 9अर वे बगत लोग तुमतै दुख देणु खुणि पकड़वै द्याला, अर तुम मि पर बिस्वास करद्यां इलै सब जाति का लोग तुम बटि नफरत करला, इख तक की मरवै भि द्याला। 10अर यू उ बगत होलु, जब भौत सा बिस्वासी लोग बिस्वास से दूर ह्वे जाला, अर एक-दुसरा तैं पकड़वै द्याला, अर एक-दुसरा बटि नफरत भि करला। 11अर भौत सा झूठ्ठा रैबर्या आला, अर भौतों तैं भरमै द्याला। 12अर दुनियां मा बुरै इथगा जादा ह्वे जालि, कि भौत सा लोगु को प्यार एक-दुसरा खुणि ठण्डु पोड़ि जालु। 13पर जु कुई आखिरी तक बिस्वास मा टिक्यूं रालु, वेतैं ही बचयै जालु। 14अर परमेस्वर का राज का ये शुभ समाचार को परचार पूरि दुनियां मा किये जालु, ताकि सब जातियों पर गवै हो, अर येका बाद अन्त ऐ जालु।”
15अर यीशु न ऊंकू इन भि बोलि, #दानि 9:27; 11:31; 12:11“परमेस्वर का रैबर्या दानिय्येलळ न अपणी किताब मा एक खण्डर करण वळी खतरनाक अर भौत बुरी चीज का बारा मा लिख्यूं च। अर एक दिन तुम दिखल्या कि वा बुरी चीज परमेस्वर की पवित्र जगा तैं अशुद्ध करली (जु पढणु च उ ईं बात तैं समझि ल्यो)। 16तब जु यहूदिया मुलक मा हो उ पाड़ो जनै भागी जौ। 17अर जु कुई छत मा हो, उ अपणा घौर बटि समान लेणु कू मूड़ी नि उतरो। 18अर जु पुंगड़ा मा हो, उ अपणु कपड़ा लेणु कू पिछनै नि जौ।
19“अर ऊं दिनों मा जु गरवति होलि, या अपणा बच्चों तैं दूद पिलाणि होलि, ऊं खुणि यू दिन भौत खतरनाक होला। 20अर इन प्रार्थना कैरा कि तुमतै ह्यूँद का दिनों मा या सब्त का दिन पर भगण नि पोड़ो। 21किलैकि वे बगत इथगा बड़ु संकट आलु, #दानि 12:1जु कि नऽ त दुनियां की शुरुवात बटि अभि तक ऐ, अर ना ही कभि आलु। 22अर अगर पिता परमेस्वर ऊं दिनों की गिनती कम नि करदु, त कुई भि मनखि नि बचदु, मगर चुण्यां लोगु का खातिर ही ऊं दिनों की गिनती कम किये गै। 23अगर वे बगत लोग तुमकु बुलला कि, ‘देखा मसीह इख च’ या ‘देखा मसीह उख च,’ त तुम यकीन नि कर्यां।
24“किलैकि झूठ्ठा मसीह अर झूठ्ठा रैबर्या ऐ जाला, अर बड़ा-बड़ा चिन्न अर चमत्कार का काम कैरिके दिखाला, इख तक कि जु लोग चुण्यां छिन ऊंतैं भि भरमै द्याला। 25अर सुणा, यू सब कुछ मिन तुमतै पैलि ही बतैयालि। 26इलै सुणा, अगर कुई तुमकु बोललु कि, ‘देखा, मसीह निर्जन जगा मा च,’ त भैर नि जयां, या ‘देखा, मसीह भितर कमरों मा च,’ त तुम ऊं पर बिस्वास नि कर्यां।
27“किलैकि जन बिजली आसमान मा पूरब बटि निकळि के पच्छिम तक चमकदी, ठिक उन्नि मनखि का पुत्र को भि औण होलु। 28अर जख लांश होन्दी, गरुड़ भि उखि जमा होनदिन,#24:28 ये उदारण को मतलब इन च, कि जब तुम दिखल्या कि यू सब बात पूरि होणी छिन, त तुम भि जाणि जैल्या कि यीशु को औण नजदीक ही च। तब सब लोगु तैं पता चलि जान्दु कि उख कुछ मुरयूं च।”
यीशु को फिर से औण
(मर 13:24-27; लूका 21:25-28)
29अर यीशु न चेलों कू इन भि बोलि, #यशा 13:10; 24:23; 34:4 “यों सब मुसीबतों का तुरन्त बाद सूरज अन्धेरु ह्वे जालु, अर चाँद भि अपणु उज्याळु देण बन्द कैरी दयालु, अर गैंणा आसमान बटि धरती मा पोड़ि जाला, अर आसमान की #योए 2:10सब शक्तियाँ इनै-उनै ह्वे जालि। 30अर मनखि का पुत्र को औण को चिन्न आसमान मा दिख्यालु, तब धरती का सब जाति का लोग भौत दुखी ह्वेके रुंण लगि जाला। अर लोग मनखि का पुत्र तैं बादळों मा अपणी बड़ी ताकत अर बड़ा आदर-सम्मान का साथ मा औन्द दिखला। 31अर बिगुले की बड़ी आवाज का दगड़ा मा मनखि को पुत्र अपणा स्वर्गदूतों तैं भेजलु, अर स्वर्गदूत वेका चुण्यां लोगु तैं पूरि दुनियां का हरेक दिसा से इकट्ठा करला।”
32तब यीशु न लोगु तैं एक उदारण सुणै। अर वेन बोलि, “तिमला का डाळा बटि सबक सीखा, जब वे पर फौंका लगदिन, अर कुंगळा पत्ता निकळण शुरु ह्वे जनदिन, त तुमतै पता लगि जान्दु कि रुड़्यूं का दिन नजदीक ऐ गैनी। 33अर ठिक इन्नि जब तुम संकट की यों बातों तैं होन्द दिखल्या, त समझि जयां कि मनखि का पुत्र को वापस औण नजदीक ही च, बल्किन मा #याकू 5:9समणि ही ऐ गै। 34अर मि तुम बटि सच्च बोन्नु छौं कि जब तक यू सब बात पूरि नि ह्वे जालि तब तक ईं पीढ़ी को अन्त नि होलु। 35आसमान अर धरती को नास ह्वे जालु, मगर मेरी बुलिं बात कभि नि टळळि।”
चौकस रा
(मर 13:28-37; लूका 17:26-30,34-36)
36तब यीशु न ऊंकू इन भि बोलि, “वे दिन अर वे बगत का बारा मा कुई भि नि जणदु, नऽ त स्वर्गदूत अर ना ही मनखि को पुत्र, पर केवल पिता परमेस्वर ही जणदु। 37अर जन #उत्पति 6:5-8नूह का दिनों मा ह्वे छौ, ठिक उन्नि मनखि का पुत्र का वापस औण का दिनों मा भि होलु। 38अर नूह का दिनों मा जब तक जल परलय नि ह्वे गै छौ, अर जबरि तक #उत्पति 7:6-24नूह जाज मा नि चैड़ि छौ, वे दिन तक लोग खाणा-पीणा छा, अर अपणा आपस मा ब्यौ खुणि दिये जाणा छा। 39अर ऊंतैं तबरि तक कुछ पता नि चलि, जबरि तक जल परलय ऊं सभ्यों तैं बुगै के नि लि गै। अर ठिक उन्नि मनखि का पुत्र को वापस औण भि अचानक होलु। 40अर वे बगत दुई मनखि पुंगड़ा मा काम कना होला ऊंमा बटि एक तैं लिये जालु, अर दुसरा तैं छोड़ दिये जालु। 41अर दुई जनानियां जन्दरुन्द पिसणी राली, ऊंमा बटि एक लिये जालि, त दुसरि छोड़ दिये जालि।
42“इलै चौकस रा, किलैकि तुम नि जणद्यां कि तुमरो प्रभु#24:42 इख मा यीशु अपणी ही बात कनु च। कै दिन ऐ जालु। 43अर ईं बात तैं अच्छे से समझि ल्या, अगर घौर का मालिक तैं इन पता हो कि राति चोरळ कब औण, त उ उठयूं रालु अर अपणा घौर मा चोरी नि होण द्यालु। 44इलै तुम लोग भि तयार रा, किलैकि जै बगत का बारा मा तुमुन सोची भि नि होलु, वे बगत मनखि को पुत्र ऐ जालु।”
वफादार अर दुष्ट नौकर
(लूका 12:41-48)
45अर यीशु न उदारण मा ऊंकू बोलि, “उ वफादार अर अकलमन्द नौकर कु च, जैको मालिक वेतैं सब नौकरों को मुखिया बणौ, ताकि उ ऊंतैं बगत-बगत खाणुक को समान द्यो। 46अर धन्य च उ नौकर जब वेको मालिक वापिस अऽ, त उ वेतैं इन्नि काम करदी देखो। 47अर मि तुम बटि सच्चि बोन्नु छौं कि, मालिक वेतैं अपणा पूरि धन-दौलत की देख-रेख करण वळु बणै द्यालु। 48पर अगर कुई दुष्ट नौकर अपणा मन मा सुचण लगि जौ कि मेरा मालिक न वापस देर से लौटण, 49अर तब उ अपणा दगड़ा का दुसरा नौकरों तैं मरण-पिटण लगि जौ, अर दरोळयों का दगड़ा खाण-पीण लगि जौ, 50तब वे नौकर को मालिक एक इन्द्रया दिन पर आलु जै दिन कि वेतैं आस भि नि होलि, बल्किन मा इन्द्रया बगत पर आलु जैका बारा मा उ जणदु भि नि होलु। 51तब वेको मालिक वेतैं कड़क से कड़क सजा दयालु, अर ज्वा जगा ढोंगि लोगु खुणि ठैरैईं च वेतैं भि उखि रखै जालु। अर उख सिरफ रुंण, अर दांतों तैं कड़गिटाण ही होलु।”
© (Active) Wycliffe Bible Translators, Inc. All rights reserved.
