Da'buukiyo 22
22
A'mwo abolo ton mino biyekuu'nyogalo danuu'mwojodupudo tovinokwono
6Mino tov, A'mwoldeyo, kuudo miyanuu'dupudekwonyugono. Toro kuvi kuruv yiuwi'nokai a'mwo abolo ton avluko pwekwonyubusuko mebweyogalo nyudodupu suroguudo yanuu'dupudonyugono.
7 #
Mt. 27:39; Mk. 15:29; Lk. 23:35 Toro tekwonyu yiuwi'nokai ton nuwonodupudo toga kaiyako mollugolanumeyo'moneyokwe burekakwo me'nanuwopiyodupudekwonyugono. Aki toro tekwonyu molluburojuburoju yonbwasodupu milgulgulo yonbwasodupudekwonyugono.
8 #
Mt. 27:43
Aki toro ton mi biyekuu'yogalo aro danuu'mwojodupudekwonyugono. “Gumi gujo'mwojo'moneyokwe Gooti Yawellu kuudo uubweyodumdo kwekuji kuruv magujo'mwojadopiyo. Gooti su tool gumino ilaiyo mollogumarowo'jujukolno'juki gumi nokwo agujo'mwojowo'jujukekugono.” Danuu'mwojodupudonyugono.
************
A'mwo kirovanyuvanyu kuumwiyo tooro moro suvlato tonyu airo'muulanbweyadokwopo tovinokwono
16A'mwo kirovanyuvanyu kuumwiyo tooro juluko toorobusuko mi aiyowomno abomwodovonuma'mwakoporogano. Toro bomwodovonuma'dupu juluko tooro tuko do'mdupudo to'busuko kubalno moro suvlato tonyu airo'muulanbweyadokwoporogano.
************
Ikomago tooro moro youro tonyu mallo'mo sadokwopo tovinokwono
18 #
Mt. 27:35; Mk. 15:24; Lk. 23:34; Jn. 19:24 Aki toro tooro moro youro tonyu mallo'moneyokwe satuu sumwonyo yodupu amomuudeyomwora'mwakoporogano.
© 2022: Ethnos360 Sanford, Florida