Jeremaiya 6
6
Yiuwi'nokai Juudada'ai a'mwo abolo ton ma'no ma'no ingovla'mdupudo tovinokwono
13Yiuwi'nokai Juudada'ai a'mwo abolo yovokweyodeyo oo yovomaiyokweyodeyo ton yiuno ma'no ma'nodo to'no ingovla'mdupu nuugwiyo mallo'mo to'no winodupudogano. Aki proofet toorogai'aro pris toorogai'aro kworo kuruv nuugwiyo mallo'mo to'no kuudo yau'dupu a'mwo abolo tonyu kuunano youkuu'nuudodupudogano. 14Aki toro youkuu'nuudodupudo su tooro moro a'mwo abolo ma'no ma'no ingovla'mdopure tonyu nokwo kwiyo'mwojopujuko kworo kuruv po'dogalo mwiyo'mwojodupudorogano. Aki toro tooro moro a'mwo abolo ma'no ma'no ingovla'mdupudo tonyu aro youkuu'nuudodupudorogano. “Kevu tabunyuwuulo pun mamapinogaikikono. Toro tovino tov kevu kavo nokwo mwalpinogaikikono.” Yiuwi'nokai toga toro youkuu'nuudodupudorogano. Su toro youkuu'nuudodupudo tov aro to'busukokwono. Moro a'mwo abolo ton ma'no ma'no ingovla'mdupu kwa'dalo bwotonyo to'busukokwe imo'nodupudogano. Toro tonyu proofet toorogai'aro pris toorogai'aro tooro nokwo sukulopujuko kworo kuruv kwa'dalo bwotonyokwe to'busuko su tonyu pweyo po'dogalo muuweyodupu mikulodupudorogano. Toro to'busuko yokwerogano.
© 2022: Ethnos360 Sanford, Florida