Mollurolovomato 30
30
Wobeya sudo kuunyokwe tovi iroudapiyo'moneyokwe dukwagupto tovinokwono
1Gooti Yawel toro wuujuno sumaiyokwe aki aro kuudokaikono. “Kevu dukwagupto kula'nyo puruv jakwollulo. Toro sakwollupi tovi wobeya sudo kuunyokwe tov iroudapiyo'moneyokweyokwono. Toro te akesiyo i'buukuu'nolluko puuso maropi jakwollulo. 2Dukwagupto su tovi yakwollo'moneyokwe gamoro ga'bwollo kumiko tomgu 45 sentimita wosupinorekikono. Aki gamoro ga'bwollo supto tomgu 45 sentimita wosupinorekikono. Aki gamoro ido'nyu illumoudapi tomgu 90 sentimita wosupinorekikono. Gamoro bullo aval aval tonyu buulmokau tooravuro koomwo to'busuko ton jokwolludapiyulo. Toro tovi yakwollo'mo toorekul dukwagupto tokwe'aro koomwo togai'aro tonyu judo'no judo'no miyakwollupinono. Toro kuvi kuruv yiuwi'nokai su ton yiuno avalo puru'monodo tovi'aro yakwollupinorekikono. 3Dukwagupto toro sakwollupi tovi gool sugudo kuunodo pugai aiyowomno woso'mowopipinorekikono. Gamoro mido'bwoka toruke'aro imgu amgu deyo togai'aro koomwo togai'aro yiuwi'nokai su tonyu toro woso'mowopipinorekikono. Aki dukwagupto tovuro yiuwi'nokai bullo tonyu yiuno gool tokwe to'no luvomuugutowopipinorekikono.”
************
Suvlato yal'mo'nyo'moneyokwe dis tovinokwono
17Toruda'ai Gooti Yawel Moosesollu kuudokaikono. “Guu a'mwo toorai aro duudono. 18Wonyo yal'mo'nyo'moneyokwe dis puruv aiyon sallukwa'jo tovida'ai jakwollulo. Aki dis su tovi gudupola'mwalono'moneyokwe puruv aiyon sallukwa'jo tokwe jakwollulo. Dis su tov sel ago tokwe'aro romiroudapiyo'moneyokwe dukwagupto tokwe'aro tovallu akuuto toru wosopi wonyo togai iremowosumwalpinokwono. 19Wonyo toro iremowosodopure tonyu Erooneke'aro gami muugunyo toorogai'aro tooro kemi suvlato ton yal'mo'numwalpinokwono.”#Ef. 5:26
© 2022: Ethnos360 Sanford, Florida
