1 Kuuguudo 29
29
Devitol aboloka tovinokwono
26To'no'gwowi Jesiyolluro muugunyo Devitol yiuwi'nokai Isuraiyolda'ai tonyu a'mwo aguto kig wimo'nodowo mido amollomwallajukekono. 27#2Sam. 5:4,5Toro tool Hibroon towai mwalo'no mido mollomwalo yoduke tov 7-pela kworomo kuuwolo'nokaikono. Aki Jeruusalem towai mwalo'no mido mollomwalo yoduke tov 33 kworomo kuuwolo'nokaikono. Devitol Isuraiyolda'ai tonyu mido mollomwalo yoduke tov yiuwi'nokai kworomo tobuul 40-pela kworomo kuuwolo'nokaikono. 28Toro tool a'mwo abolo tonyuro sumdo tovi yovo agutokwe sumo'nyajukekono. Aki kuto ivito bwotonyagokwe sumo'nyajukekono. Aki toro tool kworomo bwotonyago amjomwekovlaiyajukekono. Toro tool yadaiyo kuunodo imo'no'no abolokaikono. Toro aboloka toga gamoro muugunyo Sooloomonol gami ganumiyago toolluro aiko toru'no maro'no a'mwo aguto kig sumo'nokaikono.
© 2022: Ethnos360 Sanford, Florida