Zaburi Sya Daud 91
91
Qui habitat.
1Yula atama pasi pakuyuwalika pa yula wa Panani pene.
Yagone nikilo pa mfwili wa Mbafu yene.
2Yanikite ga Bambo, Yula pakuimbilila nenga ni lilinga lyangu:
Mlungu wangu, yula nimhuwalila.
3Ndawa yombe yakufuwule pa ntego ga wa kutega:
Na pa kimpetupetu kya filugu.
4Pa ndetenga syake yakufunakile, na pasi pa mapapatilo gake yaukimbilili baho:
Fya chakaka fyake kikopa ni kya kukingila.
5Yauye nakuyogoopa kya kudigida nikilo:
Haka lihongo liguluka ni musi.
6Haka kimpetupetu kya kugenda uku kuwa:
Haka kitamu kya kumala wandu lijuwa pa mutu.
7Elf yawawe pa kigi pako, wakuyoloka pa kiwoko kyako kya ndilo:
Koma nakukuwandamila wenga.
8Na miho gako gakape yaugelewani:
Nu kuwona kuwalipilila ngani wawifu.
9Ndawa wenga, Bambo, pakukimbilila nenga:
Umbikite yula wa Panani pene pakutamila pako.
10Fiwifu nakukufikila:
Na haka kipumundu nakukuwandamila pa hema yako.
11Ndawa yawakamulise wakamalaika wake lihenga kwa wenga:
Kukugoha pa ndila syako syoha.
12Yawakutugule pa ngonji syawe:
Wisiputa liganga ku lwayo.
13Panani pa lihimba ni limoma yaukite ndila yako:
Yauliwitile mwana wa lihimba ni liyoka.
14Ndawa wiwunga nu nenga, yanikamfuwule pa fiwifu:
Yanimbike pakukwelela, ndawa alimanyite lihina lyangu.
15Yanikemelele, na yaninjitike:
Yanitame pamonga nu yombe pakufinyikisa; yaninjokole, na yaninginikise.
16Yanintupalise nu kutalisa miaka;
Yanindase uyokosi wangu.
First published in 1913, by the Universities' Mission to Central Africa Mission Press