Zaburi Sya Daud 57
57
Miserere mei, Deus.
1Uniganili, Mlungu, uniganili, ndawa umi wangu gukukimbilila:
Ena, pasi pa mfwile wa mapapatilo gako yanikimbilili, nipaka filugu ifi yafilute.
2Yaninkemelele Mlungu wa Panani pene:
Kwa Mlungu wakunilinginisila fyoha,
3Yatume kuhumila Kunani, nayaniyokole, baho yula ywakunimila adoga:
Yalupeleke Mlungu lukolo lwake, ni fya chakaka fyake,
4Umi wangu uyii pagati pa mahimba:
Nigona pagati pa wala wakutinyika, wana wa adam, mino gawe nng’oha na mahonga, nu lumilo lwawe upanga wakutema:
5Unyanyamulike panani pa Kunani, Mlungu:
Kukwisika kwako kutame panani pa ndima gwoha.
6Wawikile ngani lipilili kwa njayo syangu; umi wangu guyinamike:
Waligimite liwumba pa kyene kyangu; wagwa pagati pake wene.
7Mwoyo wangu gwiwikile ngani, Mlungu, gwiwikile ngani mwoyo wangu:
Yaniyimbe, ena, yaniyimbe zaburi.
8Wuka, kukwisika kwangu, wuka mhawala ni lipango:
Yaniwuke lukela kela namwene.
9Yanikusenguse, Bambo, pa misafi:
Yanikuyimbile zaburi pa mihuku.
10Ndawa likulungu mpaka Kunani lipyana lyako:
Na mpaka ku mafundi fya chakaka fyako.
11Unyanyamulike panani pa Kunani, Mlungu:
Kukwisika kwako kutame panani pa ndima gwoha.
First published in 1913, by the Universities' Mission to Central Africa Mission Press