Zaburi Sya Daud 36
36
Dixit injustus.
1Kya kuhoka kya wawifu kipwepelela pagati pa mwoyo wangu:
Pangakunng’anamukila Mlungu palongolo pa miho gake.
2Ndawa ilumba waka pa miho gake mwene:
Kukita upulupulu wangu usikumbanganika nu kuwipilika.
3Malowe ga pa ndomo pake gayii ga waka na gakuchenjela:
Watyala pa kukita malango nu kukitisa finofu.
4Aluka fya waka pandu pake pakugona:
Iyimisa pa ndila nakuya nnofu; nakukanila ngani kiwifu.
5Bambo, lukolo lwako Kunani:
Kiyitikiso kyako mpaka ku mafundi.
6Kukita malinga kwako ngati fidunda fya Mlungu fifa upagula mota yamahele:
Waana wa adam ni fyakukwawa ufiyokola Bambo.
7Uwe lukolo lwako lwa uhemesi, Mlungu!
Na waana wa adam wakimbalila pa kifwili kya mapapatilo gako.
8Yawatepetele na mafuta ga nyumba yako:
Na yauwanyese nkuka wa fyakuganila fyako.
9Ndawa pamonga pa wenga kisima kya fyakulama:
Pa lulangalila lwako yatiwone lulangalila.
10Utambalise lukolo lwako kwa wala wawakuma nye:
Nu kukita malinga kwako kwa wala wakugoloka mumioyo.
11Kigulu kya wakwikwisa kisiyicha kunikanila.
Ni ngonje sya wakuwika sisiniyambanisa.
12Baho wagwa wala wa wakiteye fya waka:
Wanyuluka, leka nakuhotola kuyima.
First published in 1913, by the Universities' Mission to Central Africa Mission Press
