Zaburi Sya Daud 112
112
Beatus vir.
1Mundumbaye Bambo. Wakusenga yula anjogopa Bambo:
Wayinamila munu‐munu pa mimbi syake.
2Mbuyu yake yayitame ya kigosi pa nndima:
Kihogosi kyakugoloka yakipate kihomo.
3Kyuma nu ukafi pa nyumba yake:
Nu kukita malinga kwake kumanya kuyima kitamile pela.
4Lupita lulangalila pa lwisi kwa wala wakugoloka:
Wakugana, na wa lukolo, nu wakukita malinga.
5Kinofu kwa mundu ayii ywoha wakugana nu wakuyanisa;
Yayimalile ngani malowe gake pa kupaula.
6Ndawa kitamile mumu pela nakuhegalela lepa:
Yula wakukita malinga yakumbukike mumu pela.
7Nakuyiyogopa mbili mbifu:
Mwoyo wake guwikike ngani, kihuwalile pa Bambo.
8Mwoyo wake ukangamisike, yatame nakuyogopa:
Mpaka yawone umu alondela pa wa mitumba wake.
9Wayambana wawapela wa gaju; kukita malinga kwake kumanya kuyima kitamila pela:
Linyelo lyake yalinyanyamulike pa kukwisika.
10Wakuwipa yawawone, ni yawaniongoneke:
Yang’wenye mino gake na yayengatuke; fyakugana fya wakuwipa yafitagike.
First published in 1913, by the Universities' Mission to Central Africa Mission Press