Zaburi Sya Daud 108
108
Paratum cor meum.
1Mwoyo wangu guwikike ngani, Mlungu:
Yaniyimbe, ena, yaniyimbe zabur, munu‐munu kukwisika kwangu.
2Wuka, mhawala ni lipango:
Namwene yaniwuke pala kucha.
3Yanikusenguse, Bambo, pagati pa misafi:
Yanikuyimbile zabur pagati pa mihuko.
4Ndawa lukolo lwako lukulungu kulutila Kunani pa Kunani:
Na fya chakaka fyako fifikile mpaka ku mafunde.
5Witutause, Mlungu, panani pa Kunani:
Ni kukwisika kwako panani pa nndima goha.
6Waluhungu wako wafuulike:
Uyokole ni kiwoko kyako kya kigosi, ukatiyange.
7Mlungu ajowite pa kuwalala kwake; yaniyangale:
Yanigawe Shekem, na yanilinge lubonde lwa pa Sukkoth.
8Gilead lyangu; Manasseh lyangu:
Ephraim kawili chakunikwesela mutu; Yehudah nsimbati wangu wa kiwutwa.
9Moab kifulo kyangu:
Panani pa Edom yanitage sapato yangu, panani pa Philist yanikwese.
10Nani yaayingise pa likaya lyene lilinga:
Nani anipelakise kuyingila pa Edom?
11Watitagite lepa, Mlungu?
Ni siupita, Mlungu, pa mabanja gitu.
12Uhichi na matangatiliko kwa tenga kuyokoka pa wamitumba:
Ndawa kwa lekela uyokosi kwa wana wa adam.
13Nu Mlungu yakite fya lipuga:
Nu yuyu yaliwatile‐liwatile wa mitumba witu.
First published in 1913, by the Universities' Mission to Central Africa Mission Press