Jacques Dingeninu
Dingeninu
Murenditsi
Murenditsi gisangumu gigi gakwedumisi mu dine di «Sake» ne mu dine di «muvige Nyambi ne Fumu Sesu Kirisete.» Sake yiye sandi Sake yi gilumbi yi mwane nguye ne San, mbare yine yi boku ne kanangu Erode gu mipume mirege mi dibundu (Bidyanzu 12.1-2). Dwafigisi re girendu ne Sake yi mwane nguye Sesu (Matye 13.55). Wube givundi gimosi gi dibundu di Serisalem (Bidyanzu 12.17; 15.13-21; 21.18 ne Galate 1.19; 2.9).
Gi rendilu nye, gigumbi gye
Sake garendili «Digumi ne bibeye di bifumbe bi Iserayel bi panzegene» (1.1). Re guvage re bane be Nyambi be Sif berine dikwanu gu gwetsagene ve gari batu be sandi Sif mu melongu me beli ne Serisalem. (Bidyanzu 8.1; 11.19.)
Gisangumu gigi gi rendu gyari gi megumi mane ne ginane gi mipume ve burilu Sesu Kirisete. Vane gisangumu gi Sake gigube gisangumu girege girendu mu musamu pangeni yone.
Disumu di gisangumu
Mu gisangumu gigi Sake gagaremusi batu be garendili re beyadede, begwari mu gitu nesi be mu meguge. Agagwambili gwandi mambu me mutsageninu neve dunangu, dupasu, dyele, gitu, busine ne bukiti, gyambitsi, dulembu. Mambu motsu mane Sake gamekokuni mu gisangumu gi andi, gu gubege batu nonge bekugobise musamu Nyambi.
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES