К Титу 3
3
Ухпықат Кияҳта̄лъыҳқа̄т
1Нықаңуҳтики ухпықат малиҳқутақысқылъюки кавымым иглыӷутистыңитнун, умӣлўа̄ӷнунлъю. Қа̄ткутңаяҳқа̄гут, апыӷӣӷңаяҳқа̄гут тамаҳа̄нун аныӷныҳқилъыӷнун. 2Уңипа̄тики кина алңунак сыӷлытун акузиткыфқа̄н, а̄ҳтӣра̄фқа̄н писқылъюку. Итупилъ ныкыхмытулъюки, қусывыгңатулъюки писқылъюки тамаңанун. 3Хўаңкуталъю сивунӷани налъюяҳтукут, қа̄ткусигасяҳтукут, пӯҳтыңъаяҳтукутлъю. Югусимта пиюкылъҳа айӷӣлъюку, итагнаҳқусиқлъюку аюқсяӷаҳпут. Уңувалъыпут кияӷусиқсяӷапут сыӷлыпыста̄ӷмун, ақиналъыӷмунлъю. Югыт угумиксяӷӣлъю, угумикусяҳтукутлъю. 4Иўырңа Кияӷныӷым Югулиӷистымта лӣсимакыстыкақӣлъю наңлъыхталъыӷминың, пиниқылъыӷминыңлъю. 5Югуликақӣлъю апалъюқлъюку наңлъыхталъыни, нака̄н аныӷныҳқилъымтыхун. Аглыӷналӷӣгныкун Таӷныӷагныкун уӷвуқақӣ сыӷлыҳқылъыпут, нутаӷамыңлъю, уңувалъылиткақӣлъю. 6Кияӷныӷым кӯвыхкақа̄к Аглыӷналӷӣк Таӷныӷак кымнапихлъюкык хўаңкунъун Иисус Христосыкун, Югулиӷистымтыхун. 7Кияӷнық таўатын пика̄гуқ пиниқилъыӷмикун налъҳусяӷналюта ылъқуӷутңалъыӷминун. Ынка̄м сиӷималъылгӯкут хўаңкута пилӣнъалюку кынлыңилңуқ уңувалъық. 8Тама̄кут пилъҳыт ипаңӯт. Тама̄кут апыҳтӯсят лъпынун сягиқутысқысюганка югнун қа̄ткысқылъюки. Та̄хкын ухпылъылгыт Кияӷныҳқун аныӷныҳқипыста̄ҳлъықут. Тама̄кут аныӷныҳқилъҳыт пинилӷӣңӯтлъю, каютңӯтлъю тамаңанун.
9Иўырңа лъпык иқитңалютын тама̄куның тымңи қаниқулъҳӣның, а̄ҳтӣра̄ӷулъҳӣның сивуныӷмың а̄тҳитның, Лӣлиҳтӯсяныңлъю. Тама̄на сясӣнӷитуқ, каютңуна̄нӷитуқ китумун алңунак. 10Кина алңунак а̄фқӯтыстилӷӣ кылыңася̄ӷнакын ата̄симың налиӷмың алӷиӷлюку. Наганъыӷилъкан пыхнакын. 11Лӣсимакан таўатылңӯм югым иҳсякыхкақа̄ ипапилъық, сыӷлыҳқыстыңӯқлъю. Ынка̄м лъңан катам сыӷлыҳқылъҳан нанқихсяҳқа̄ҳтыслъықа̄ аӷью̄ӷьяҳқа̄люку.
Та̄қнӣтыт Апыҳтуӷалъҳыт
12Агляҳтыстыкумкун Артема налиӷмың Тихик лъпынун, Никополынъақыҳлъяха̄тын, қаюҳлъяк уксюҳсюгақуңа тама̄ни. 13Каюсиӷнақыҳлъягнакыхкын законник Зина, Аполлослъю иглыӷалъыҳқахкынун. Ўатаҳлъяк ята̄ҳқунъакыхкын кылъқысяҳқамың сямың аклъюкыхкахкының. 14Ухпықа̄лгутымта пыҳқихся̄ткылъитху аныӷныҳқуткаҳқақ ынка̄м каюсиӷьяқлъыгуҳнакаңит аклъюкыхкапилгыт. Тымңи кияҳта̄фқа̄мың пилит. 15Қамахлъютың хўаңамнилңӯт пиниқӣсиңуқ. Пиниқылъыҳпут а̄пқаӷнакын ухпықа̄лгутымнъун пиниқистымнъун. Кияӷныӷым қуяслъиси қамахлъюси.
© 2022, Wycliffe Bible Translators, Inc. All rights reserved.