Malaki 4
4
1Kigira, henza, lidiku lidzanga, lyaakanga kuli kisambiru; na vosi avoluyai, na vosi avakolanga miyinzi gyobudamano, va la va uluvuva; na lidiku lidzanga li la va samba, Yahova wa mahe a vola, kali li la vula kuvalekera kitinya kinga lusya. 2Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango. 3Na mu la duvaga vadamano; kigira va la va ligoke isi wevirenge venyu mu lidiku lwa nda kola yaga, Yahova wa mahe a vola.
4Mwidzulitse lilaga lya Musa mutumekiri wange, lya nda mu lagira ha Horebu ku Avaisraeli vosi, li veye amegidzo na likalaga. 5Henza, nda tuma Elija muprofeti, yadze ku mwinye ni li kikiri ku duka lidiku linene lyokutihidza lya Yahova. 6Naye a la girunkannya myoyo gya vadada gyi yeke ku avana, na myoyo gya avana gyi yeke ku vadada vavo; gase ndadza ku kuya lirova nevilaamo.
©Bible Society of Kenya, 1967