Ubutukilo 2
2
1-2Chenacho ha tangwa lia muchisambano Mukulu Zambi amanunwine kutanga lilu ni hashi, ni yuma yeswe yilimo. Mba ha tangwa lia muchishimbiali yanama. 3Neye yawahisa tangwa lize, yalipwisa lia chijila, mumu ha tangwa lize yanama ku milimo yenyi. 4Chenacho Mukulu Zambi atangile yuma yeswe.
Munda wa Edene
Muze Mwene Zambi atangile lilu ni hashi, 5hashi te kuheshi mutondo niumwe, chibwe chambu, mumu te Mukulu Zambi kanda achinokesa vula hashi, ni mutu niumwe kabwile ko ha kulima hashi. 6Chibwe te vula kanda yinoka, hindu mbundu te yakukakumuka ni kutuchikisa hashi heswe.
7Mba Mwene Zambi yanda mukamo wa mavu, yawumba mutu#2:7 MAVU… MUTU mu hebreu maliji wano aali (adama ni adam) kaanalifu ha kwavuluka., yamuhwimina mwiku wa mwono mu mazulu, mba mutu yabwa ni mwono.
8Mba Mwene Zambi yalima munda ku chivumbuko mu Edene. Yasamo mutu yoze awumbile. 9Mba ha mavu Mwene Zambi yasokesa ho mitondo yeswe yibema ku meso, ni yize yibema ni kulia. Hakachi ka munda yasokesa mutondo uze wakuhana mwono, ni mutondo uze wakuhana mana akunyingika no yibema ni yibi.
10Mu munda wa Edene mwabwile lwiji yoze te wakutuchikisa we munda, yabalika ndoo haze, yalihandununa njiji jiwana. 11Jina lia lwiji mutangu Pishone, mwenawo wajingilikile chifuchi cha Hawila. (12Chifuchi chize chikwete oru yibema, ni mawe a ndando yinji, ni maji a vumba libema.) 13Jina lia lwiji wa muchaali Gihone, mwenawo wajingilika chifuchi cha Kushe. 14Jina lia lwiji wa muchitatu Tigrise, mwenawo wabalikile ku chivumbuko cha chifuchi cha Asuria, ni wa muchiwana Ufrateze.
15Mba Mwene Zambi yanda mutu, yamusa mu munda wa Edene mu kuulima ni kuufunga kanawa. 16Yambila mwe mutu ngwenyi: “Unahase kulia mihuko ya mitondo yeswe yize yili mu munda uno, 17alioze ku mutondo uze wakuhana mana akunyingika no yibema ni yibi kanda ulia ko. Mumu ha tangwa lize muulia ko, muufwa lume.”
18Mba Mwene Zambi yamba nawa ngwenyi: “Kuchabemene mutu kutwama ukawenyi. Mungumulingila chikwashi yoze malifwa nenyi.” 19Chenacho awumbile tushitu eswe ni tujila eswe ni mavu. Yaaneha kuli mutu hanga amone chize maaluka. Kashitu ni kashitu, kajila ni kajila, yabwa ni jina lize amulukile kuli mutu. 20Chenacho mutu alukile majina yimuna yeswe ni tushitu eswe a mu yambu ni tujila. Alioze Samutu#2:20 SAMUTU tala 3:20. kawanyine ko mukachi ko niumwe yoze te malita nenyi.
21Hohene Mwene Zambi yamwaha mwe mutu tulo anji. Muze habomba yamuchiza lupachi umuwika, yasalakanyisa mo musunya. 22Ni mwe lupachi yoze yatanga pwo, mba yamuneha kuli lunga.
23Mba lunga yamba ngwenyi:
“Ewaa! Haliabwila yono kali chifwaha cha yifwaha yami,
musunya wa ku musunya warni.
Jina lienyi pwo#2:23 pwo… LUNGA mu hebreu majina wano aali (isha ni ish) kaanalifu ha kwavuluka., mumu kuli yami lunga#2:23 pwo… LUNGA mu hebreu majina wano aali (isha ni ish) kaanalifu ha kwavuluka. anakatuka.”
24Kashika, lunga makahichika tato ni naye akalinunge ni pwo lienyi, mba ayo aali maabwa mutu umuwika.
25Ayo eswe aali lunga ni pwo yaabwa uselesele, alioze keevwile ko sonyi.
The Bible in Chokwe © Bible Society of the Democratic Republic of Congo and Bible Society of Zambia, 1970, 1991.