Romanos 15 - 인기 성경 구절

공유

Ri Dios, ri cuya chike cacubi' pan kac'u'x ruc' Rire, chunojisaj ri anima' alak che ronoje qui'cotemal y utzil chomal ruma cubul c'u'x alak ruc' Rire, cha' jela' lic canimar c'u'x alak che ri oye'em alak ruma ruchuk'ab ri Santowilaj Ruxlabixel ri Dios.

Ma ronoje ri xtz'ibax can ojertan chupa Ruch'a'tem ri Dios, xtz'ibaxic re cojupixabaj y cunimarisaj kac'u'x, cha' jela' ruc' unimal kac'u'x cakoy'ej janipa ri bi'tisinic xu'an ri Dios chike chupa Ruch'a'tem.

Ec'u ri Dios, ri aj ya'l unimal c'u'xaj y ri cunimarisaj kac'u'x, chu'ana che alak xa jun c'u'x alak jela' pacha' ri xuc'ut can ri Kanimajawal Jesucristo. Jec'ula', echiri' u'anom chi xa jun c'u'x alak, junam cayac alak uk'ij ri Dios, Rukaw ri Kanimajawal Jesucristo.

E uwari'che, hermanos, jela' pacha' ri Cristo xuc'ul alak, jec'ula' c'ulu ib ralak ruc' rutzil c'u'xaj chiwach alak re yacbal uk'ij ri Dios.

Chikajujunal ri'oj e ka'ana ri cuc'ul quic'u'x ri jujun chic hermanos we wa' e to'bal re ri quic'aslem chwach ri Dios.