Romanos 14 - 인기 성경 구절

공유

Yey chupa rutakanic ri Dios ri lic chirajawaxic wi na e ta sa' ri wa'im cakatijo o sa' ri kaya' cakakumu; ma e ri cojbin jusuc', ri cojc'oji' chi utzil chomal y ruc' qui'cotemal ruma ruto'bal ri Santowilaj Ruxlabixel ri Dios. Ma e ri jela' caquilok'nimaj ri Cristo, ri quibinic quisilabic cuc'ul uc'u'x ri Dios y chom c'u quilitaj cuma ri ticawex.

We oj c'aslic, ri kac'aslem e re yacbal uk'ij ri Dios; yey we xojcamic, wa' re yacbal uk'ij ri Dios. Jec'ula', we oj c'aslic o we xojcamic, oj chi re ri Kajawal.

E uwari'che, e katakej janipa ri cojuc'am bi chi utzil chomal y cuya kaq'uiyibal chwach ri Dios, cha' jela' cakato' kib chikawach.

E uwari'che maka'an chi oj k'atal tzij chikibil kib; moju'an ne latz'anel o tzakibal che juna hermano.

Ma jewa' ri tz'ibital can chupa Ruch'a'tem ri Dios: Pakatzij wi Ri'in in c'aslic, cacha ri Kajawal, y pakatzij wi, chinuwach Ri'in caquixucuba' na quib conoje ri ticawex, y ruc' ruchi' quikul conoje caquibi'ij panuwi Ri'in, xew Ri'in in Dios cacha'. Jec'uri'la' copon jun k'ij echiri' konoje coje'ela chwach ri Dios y ec'u Rire cak'alajisan re we utz o na utz ta ri ka'anom.

C'ulu alak ri jun c'amaja' cumaj usuc' sa' ri caraj ri Dios chique ri cubul quic'u'x ruc' ri Cristo. Mach'o'jin alak ruc' xa ruma na junam ta runa'oj rire ruc' ri na'oj ralak.

¿Lal china rilal cha' cu'an lal aj k'atal tzij puwi ri raj chac jun chic? Ma e ri rajaw quilowic we utz ri cu'ano o na utz taj. Jec'ula' puk'ab ri Dios c'o wi quebuto' chiquijujunal ri raj chac cha' quetiqui' chi utz chwach yey cu'an wa' ruc' runimal uchuk'ab.