1 Begyu-dɩrɛ 19 - 인기 성경 구절

공유

Gɛtʋnkwaa gii gekpenti fɔ gɩɩ gama fɔ, ɔtan na ba, mɔ Yahwe ɛn ma ɔtan fɔ waanɩ. Ɔtan fɔ wʋʋ gama fɔ gɩta pɩɩ gɩkɩ gɩ ba.

Mɔ ɛwɔ gbagba bɩrɛ ɛ san duwi-kɩlɩn diisele ɛ san otonkuma waanɩ. Ɛ ma sara oyon gɛtɛ bee kpèlè alɛ ɔfɩya wuuyon fɔ wʋʋ gatɩn gɛ ee tiri onyun diku daà bɛ ka wɔ. Ɛ dɔ̀ alan, <<Wʋ kʋtɩ gɛlɛ! Oo, Yahwe, nkele to mɩɩn nkpa, mɩɩn kɔlɔ da miintu ɛbɛ.>>

Ɛwʋ gɛ Yahwe ɛ dɔ̀ alan, <<Ye dɩtaa-fwe fɔ daanɩ, àà ma yela odon fɔ wuu koro, mɩɩn bʋnʋn, yema nmɩ, Yahwe ǹ bɛ̀ da ma dʋkɔ.>> Gɛ gifiye-dɩrɛ ma ɔkɛma gɩkɩ gɩ gbɛrɛ idon fɔ yii koro, gɛ ɩ tɛrɛ-tɛrɛ idon fɔ, gɛ gi gbena ataa buru-buru. Mɔ Yahwe ɛn ma gifiye-dɩrɛ fɔ gaanɩ. Gifiye fɔ gɩɩ gama fɔ, gɛtʋnkwaa gi kpenti, mɔ Yahwe ɛn ma gɛtʋnkwaa gii gekpenti fɔ gaanɩ.

Gɛtɛ Eliya ɛ nʋn gɩta fɔ, e gye wɔ gɛgba e tin wɔ bʋnʋn, gɛ e ye e be yela difwe fɔ diinyun. Gɛ gɩta gɩkɩ gɩ dɔ̀ wɔ alan, <<Eliya, anʋn gɛ aa mɛ nfan?>>

Dʋkɔ gɛ ɛ dʋrɔ dɩtaa-fwe dɩkɩ daanɩ e kpa kere. Ɛwʋ gɛ Yahwe ɛ tabʋrʋ ma ɛwɔ e lila wɔ alan, <<Eliya, anʋn gɛ aa mɛ nfan?>>

Okoro ɛ tɔ ɛ sara, gɛ e di, gɛ ɛ nyʋn. Anyan-dilɛ fɔ ɩ tɛ wɔ ɔkɛma gɛ ɛ san osele fɔ awi akpilin anyɔɔ, odon ma ofilibon gɛlɛɛ ma gyu Horebi, Wurubwarɛ wodon fɔ wuu koro.

Ɛwʋ gɛ ɛ waran ɛ dʋrɔ oyon fɔ wʋʋ gatɩn gɛ ɛ fwa bʋda. Disere-kɩlɩn fɔ, Wurubwarɛ wɔsalɛ ɛ kya wɔ, gɛ ɛ dɔ̀ wɔ alan, <<Tɔ sara àà di!>>

Yahwe wɔsalɛ fɔ e biri ɛ ba dɩnyɔɔfɛ, gɛ ɛ kya wɔ ɛ dɔ̀ alan, <<Tɔ sara fɔ àà di, yema osele wʋ̀ sangba wʋ̀ dɔ tɛ wɔ.>>

Gɛ Eliya e tiri wuunyun alan, <<Na kpà na tɛ Yahwe, Wurubwarɛ-Kpatakpɩrɩ. Mɔ Isareli bete be furu dikola gɛtɛ a tà ma ɛbɛ fɔ gɛ be gbena aa gedi gɩɩ gaatɛ̀kʋn fɔ. Be wolo aa bɛtabʋrʋlɛ fɔ powu, miinko na kuruma, gɛ nkele bee bugiti bàà wolo nmɩ mɔ.>>

Ɛ nya fɔ, e we boroboro ma ɔtan, ma butu gubun gɛtɛ ɩ̀ dɔ wayu yaanɩ. E di, gɛ ɛ nyʋn, gɛ e biri ɛ waran ɛ dʋrɔ.

Okoro Yesebeli ɛ sa Eliya ɔtʋn alan, <<Gɩsa ɔya nyawʋ wʋʋkʋna, gengyi mɩn mɛ wɔ̀ anlɛ gɛtɛ a mɛ Baali bekpente fɔ, bekpen be wolo mɩ.>>

Mɔ nan kere bɛnɩ ɩgbaa isiyee ma nkpɩn ton (7,000) n ya Isareli gɩfɩɩ gaanɩ. Bɛnɩ powu gɛtɛ ben kura ekpen Baali, gɛ bɛn kyʋkyʋ wɔ fɔ.>>

Okoro Eliya e ye dʋkɔ, gɛ ɛ ma we Safati wobi Elisa gɛtɛ ɛ sa bɛkwɔ-teni gigyen ɩŋʋʋ bɛnyɔɔ-bɛnyɔɔ akpen fwo anyɔɔ bè de bɛɛ mɛ gʋtʋn. Gɛ ɛwɔ gbagba è de dikpen fwo-nyɔɔfɛ fɔ. Eliya ɛ bʋn ɛ san wakʋn, gɛ e fun wɔ gɛgba ɛ gyaga Elisa wo koro.

Ɛwʋ gɛ Elisa e kpe e ye wakʋn ɛ da, ɛ ma wolo bɛkwɔ-teni fɔ. Ɛ ka iyonbi gɛtɛ ɛ ka sa bɛkwɔ fɔ gigyen gɛ bè de bɛɛ mɛ gʋtʋn fɔ ɛ sa ɔtan ɛ gyaga gɩnan fɔ, gɛ ɛ ka gɩ e yo bɛnɩ fɔ, gɛ bɛ kɔrɔ. Gɛ ɛ tɔ ɛ tɛrɛma Eliya, gɛ ɛ mɛ wɔsaranyan.

Okoro Elisa e kere wɔ bɛkwɔ-teni fɔ ɛ ya, gɛ e serenti ɛ tɛrɛma Eliya, gɛ ɛ dɔ̀ wɔ alan, <<Yɛ mɩ nan ma mù miinte, ma mɩɩnna n kala, fɔ nan bɛ tɛrɛma wɔ̀.>> Gɛ Eliya e tiri wuunyun ɛ tɛ wɔ alan, <<Yoo! Biri san, Mɩn sʋn wɔ̀!>>