Rò̌mǎphû̌ 9 - 인기 성경 구절

공유

Hǐnudě pa la̤nǎla̤ǐ pa kòyòhǎkhû̌phû̌ a ta̤sò̌yṳ, mè̤tò̤dě, ata̤ jipwi̤ toǒ numî̌ anî̤ tò̤. Ta̤lǒ̤꤮ bò htě pa la̤nǎla̤ǐ numî̌ pwǎpǒ̤ Cǒmara a ta̤gwèbǎǐ pwǎ.

Ma̤tè̤hî̌dě, taplǎkha a hî̌ Mǒ̤jè, “He gwèbǎǐ kòyò tapwa̤pwa̤ dě jǔ꤮ tû̌ he sò̌phlǒ gwèbǎǐ nû̌ûnu tapwa̤ pě. He ma̤jèko kòyò tapwa̤pwa̤ dě jǔ꤮ tû̌ he sò̌phlǒ sò̌yṳ ma̤jènu tapwa̤ pě.”

Pwǎ̤ta he glè hî̌ na ta, na mî̌ kòyòhǎkhû̌phû̌ pwǎ. Na lo̤bǎ pi̤ji hî̌geshǔ Cǒmara hǐnutò̤. Po̤hǎ tamanu, a dè hî̌ geshǔ pwa̤bǒlò̤nû̌û htǒotapwa̤ ta, “Na cû̌bǒlò̤ he hǐnu ma̤tè?” a hî̌ geshǔ hǐnu numî̌ anî̤ tò̤.

Ma̤hǐnudě Cǒmara gwèbǎǐ kò jǔ꤮ tû̌ a gwèbǎǐnu, a ma̤shò̌ kòyò hǐkǒ dě jǔ꤮ tû̌ a sò̌yṳ ma̤shò̌ kònu toǒ pwǎ.

Hǎpèè̌ tabǒnu, a ǒ dě pwa̤bǒpo̤hǎ htǒotapwa̤ a cǔdekû pwǎ, a glè bǒpo̤hǎnu jǔ꤮ tû̌ pwǐ a sò̌yṳ bǒnu mî̌ anî̤ pwǎ. Hǎpèè̌ tabǒ akûnu, a glè bǒpo̤hǎ dě kò noǎ khǒsǒtû̌ a bǎ pwè akhanu bǎbǎ, mè̤tò̤dě a glè bǒpo̤hǎ dě kò noǎ a lṳmṳhǎlṳmṳlî ayanu bǎbǎ, jǔ꤮ tû̌ asò̌phlǒ sò̌yṳ bǒnumî̌ anî̤ pwǎ.