Rò̌mǎphû̌ 6 - 인기 성경 구절

공유

Ma̤tè̤hî̌dě, ta̤sǔ akhû̌akǎ mî̌ ta̤si. Pwǎ̤ta ta̤bwǐta̤sîrî asû htě Cǒmara ǐlò̤ko pa htǒonumî̌ yolahtûpwa̤ tûjûpwa̤ dě pa Běcǎ Ye̤shǔkhrî̌stu akû htǒonuhǒ.

Sî ǒhtûpwa̤ dě ta̤sû̌ta̤tòwò ala̤ mè̤pe tò̤, sî ǒhtûpwa̤ ta Cǒmara abwǐasîrî ala̤ hǒ. Hǐnudě ta̤sǔ htǒonu a htûpe sîběcǎ mè̤petò̤hǒ.

Hǐnu akhû̌akhî, bǎ pa ploshi akhanu, a lò̤ta pa si kû̌dǒ ta Khrî̌stu hǒ, dě kò lǔlò̤kû̌dǒ pa ta Khrî̌stu dě lṳkû. Dě papha Cǒmara a ta̤bwǐdû̌sîrîhtû po̤phǎ akhû̌akhî, pwǐ a ma̤htûpwa̤gesǒ Khrî̌stu ta ta̤si akûnu, a ǐ htûpwa̤ tû̌ pa htǒotoǒ ta ta̤htûpwa̤ asa pě.

Ǐ pûma̤ sî na̤klû aphwǐaphrû̌ htǒonu ta ta̤phû̌mò̤shî̌hto glè noǎ nû̌û ta a ta̤wè̌ta̤htò la̤ma̤ ta̤sǔ toǒ ayanu ma̤ nî̌꤮. Cǒmara ǐ na ta̤ǒhtûpwa̤ asa akhû̌akhî, ǐ lǒkho sî na̤klû htǒonu dě a ǒnu. Ǐlò̤bò sî na̤klû aphwǐaphrû̌ htǒotoǒ dě Cǒmara a ǒnu, pwǐ sî noǎ ta̤wè̌ta̤htònu, noǎ lǒkho sî na̤klû aphwǐaphrû̌ htǒonu ta sî la̤ma̤ ta̤cǒta̤tè̤ aya nî̌꤮.

Ma̤tè̤hî̌dě, ma̤pûhǐ ta̤sǔ a ta̤po̤ta̤phǎ ashû̌asho htǒo pǒǐpe pû pa tò̤, htohǒtò̤ ma̤pûhǐ pa htûpe pû ta̤sǔ ajû tò̤nu, sî sî̌ya ta pa ta̤ǒhtûpwa̤ ali̤ htǒonu, Cǒmara ma̤sihtò̌ kû̌dǒhto ta Khrî̌stu hǒ.

Sǒsǒta hǐnuakho, sî to hî̌lò̤ lǒkho sîna̤ ta, ta̤sǔ ata toǒnu, pa bǎbè̌kè yǎ pwǐ kòyòsi dě a ma̤jòpe ta̤sǔ tò̤nu. Pò̤̌ta sî ta Ye̤shǔkhrî̌stu mî̌ sî htûhtò̌ nû̌û tacǎ꤮ pa akhû̌akhî, sî tobǎ ǒhtûpwa̤ ma̤lîma̤rakhahtò̌ lǒkho Cǒmara.

Dè ma̤hǐnu hî̌dě, pa bǎ hî̌ hî̌tè? Ma̤pûhǐ sǔ Cǒmara abwǐasîrî ǒdû̌htò̌ ayanudě, pa tobǎ ma̤ sělěpo̤ ta̤sǔ ya? Hǐnu mè̤tò̤. Pa mî̌ asǒsǒta kòyò htě a si dě a ma̤ sělějòpe ta̤sǔ tò̤ htǒonu tapwa̤ hǒ. Hǐnudě pa cû̌ ǒhtûpwa̤ ma̤ sělějòpe ta̤sǔ hî̌tè?

Sî sî̌yanǒtò̤ ya? Bǎ sî ǐlò̤ sîna̤ dě kòyò tapwa̤pwa̤ a cǔdekû dě sî bǎ htû nû̌ûjû akhanu, sî gana̤de kòhǔwa̤ ayo̤ mî̌ a nî̤petò̤ hǒ. Sî bǎ gana̤de pwǎpǒ̤ ayo̤ pwǎ, mè̤tò̤ya? Hǐnudě bǎ sî htû ta̤sǔ ajû akhanu, a sûcû̌kè sî dě ta̤si ǒ pě. Pwǎ̤tadě sî dè gana̤de Cǒmara ayo̤ hî̌dě a noǒhtûpwa̤ sî dě sî ma̤to nû̌û sò̌phlǒ pě.

He hî̌bwǐhî̌sîrî Cǒmara, ma̤tè̤hî̌dě, děwǐkha sî htûbǎhto ta̤sǔ ajû taplǎ pwǎ̤ta khònò̤htǒo sî gana̤de lǒ̤sû̌lǒ̤sò̌ Cǒmara a ta̤sû̌ǐ asa dě sî nî̤bǎ htǒotoǒ hǒ. Cǒmara bòphlǔ plûhǎhtò̌cû̌kè sî ta ta̤sǔta̤plě ajû htǒonu hǒ. Khònò̤htǒo sî htû ta̤cǒta̤tè̤ ajû hǒ.