Rò̌mǎphû̌ 5 - 인기 성경 구절

공유

Pwǎ̤tadě Cǒmara mo̤ǐ pa pwî̌꤮ tè hî̌dě, bǎ pa htûpe ta̤ma̤sǔphû̌ akhapenu, Khrî̌stu hèlò̤khòsi asò̌ ta paya. Htǒomî̌ Cǒmara dǔlṳ pa ta amo̤ǐ pa hǒ.

Bǎ pa kè̌shuǐ ta Cǒmara ma̤ bǎ pa akhanu, pa sò̌phlǒpî̌ tò̤, ma̤tè̤hî̌dě, bǎ Cǒmara ǐlò̤ pa Běcǎ sǎcahtǐ akhanu, a glolò̤ lò̌lò̤ bǎ pa a ta̤mo̤ǐ dě pa sò̌phlǒkû hǒ.

Pa kè̌shuǐ pwǎpǒ̤ htǒonu mè̤tò̤, bǎ pa kè̌shǐ ta ta̤jîta̤jû, ta̤pò̤ta̤sha akhanu bǎbǎ, pa sò̌le̤sò̌lò̤bò pwǎ, ma̤tè̤hî̌dě pa sî̌ya ta ta̤ htǒotoǒnu a ǐ dû̌htò̌po̤ bǎ pa ta̤khòbǎ ta̤jîta̤jû. Ta̤khòbǎ ta̤jîta̤jûnu a ǐ ǒdû̌htò̌ ta̤ma̤to Cǒmara asò̌phlǒ, ta̤ma̤to Cǒmara asò̌phlǒnu, a ǐ htûhtò̌ dû̌po̤ ta̤kè̌shuǐ.

Hǐnudě Cǒmara bè̌cǒbè̌tè̤ pa ta pa ta̤yṳta̤nǎ akhû̌akhî hǒ. Dě pa ǒpè̤ǒdû mo̤klaǐgesǒ ta Cǒmara hǒ. Pwa̤ma̤ htûhtò̌ bǎ pa pwǐhè̌onumî̌ mî̌pwǎ pa Běcǎ Ye̤shǔkhrî̌stu hǒ. Pa yṳǎ Běcǎ Ye̤shǔkhrî̌stu akhû̌akhî, a noǒhtûpwa̤ pa dě Cǒmara abwǐasîrî akû hǒ. Khònò̤htǒo pa ǒhtûpwa̤ dě abwǐasîrî akû hǒ. Dě pa sò̌le̤ kè̌shuǐ Cǒmara a bwǐdû̌sîrîhtû htǒonu hǒ.

Ma̤tè̤hî̌dě, bǎ pa ma̤jèbò̌jòpe pana̤ tò̤ akhanu, Ye̤shǔkhrî̌stu hèkhòsi tokhîtokha bǎ kòyòjî kòyòjû toǒ aya.

Pa htû kòyòcǒkòyòtè̤ dě Cǒmara a lo̤mo̤ ta Khrî̌stu asǐ khû̌khî hǒ. Hǐnudě Khrî̌stu ma̤lû̌htò̌ge mè̤mè̤̌ pa ta Cǒmara a ta̤cèrò htǒonu pě.

Ma̤tè̤hî̌dě kòyò tapwa̤ gana̤de Cǒmara ayo̤ tò̤ akhû̌akhî, kòyò pṳ̂̌꤮ tapwa̤ htûbò ta̤sǔta̤plě a phû̌mǔphû̌khû toǒ hǒ. Pò̤̌ta kòyò tapwa̤ gana̤de Cǒmara ayo̤ akhû̌akhî, Cǒmara bè̌cǒbè̌tè̤bò kòyò pṳ̂̌꤮ tapwa̤ hǒ.

Pa la̤sò̌le̤sò̌lò̤nu aǒ pwǎpǒ̤ htǒonu mè̤tò̤. Běcǎ Ye̤shǔkhrî̌stu akhû̌akhî, pa sò̌le̤sò̌lò̤ bǒsû̌ǐ ta Cǒmara hǒ. Pwa̤ htě a ma̤ bǒsû̌khǎkho gesǒ bǎ pa ta Cǒmara mî̌ Ye̤shǔkhrî̌stu htǒonu hǒ.