Pwa̤nophû̌ toǒ 5 - 인기 성경 구절

공유

Petru ta pwa̤nophû̌ toǒ hî̌shǔ, “Wǐ꤮ ta gana̤de kòyòhǎkhû̌phû̌ ayo̤nu, tò̤nò̌ gana̤de Cǒmara ayo̤.

Dě nǒkònu, asî ǒkǔ tò̤. Dě ta̤lṳhtò̌hoakûnu bǎbǎ, dě kòhǐkòphòakûnu bǎbǎ, pṳ̂̌ti̤ni̤꤮ asî sû̌ǐtòwòǐ hè bǎ kò. Asî dǒhtû̌ǐ sělěhèlṳpo̤ bǎ kò ta ta̤sò̌le̤sò̌lò̤ awi̤akè̌. Ta̤sò̌le̤sò̌lò̤ mî̌ Ye̤shǔ htě a ma̤lû̌htò̌ge kòyòhǎkhû̌phû̌ lǒ̤bò tapwa̤nu hǒ.

Dě Petru hî̌ nû̌û, “Ana̤nǐ na cû̌ nopǒǐtǒ̤ nana̤ ta khînǎmo̤pha hǐkǒdû̌ ma̤tè? Na lòhokè Běcǎ sǎcahtǐ hǒ. Na cû̌ bè̌wǒhǔkè tǒ̤ hǔkla pwî̤ htě na shaǎnṳ yǎ aklanu toǒ ma̤tè? Bǎ na shaǎlò̤ nahǔkla hǒtò̤ akhanu, hǔklahtǒo mî̌ nata tû̌ mè̤tò̤ ya? Na shaǎhto yǎ dě wû htě na nî̤bǎ toǒnu mî̌ nata pwǎpwǎ. Hǐnudě na cû̌ bè̌lò̤tǒ̤ na sò̌phlǒ dě na glè ma̤pwǐhè̌o ma̤tè? Htǒomî̌ na lòho kòyò mè̤tò̤, na lòho Cǒmara hǒ.” Ana̤nǐ gana̤de ta̤hî̌bǎ htǒonu ta taplǎpa a lòkhǔsikè. Dě kòyò lǒ̤꤮ bò htě a gana̤de lǒkho ta̤ma̤htûhtò̌ ana̤ htǒotoǒnu a sò̌gònò̤ ǐshabò.

Hǐnudě ta̤wi̤ta̤kè̌ htě a htûhtò̌ khònò̤htǒo bǎbǎ, he sò̌yṳ hî̌ sî ta ma̤pûma̤ asî dǐcǎ꤮ ma̤. Noǒtû̌ asî hǐnu hǒ, ma̤tè̤hî̌dě asî gènè̤ ma̤ta̤ htǒotoǒnu, a dè hèmè̤ pwǎ ta kòyòhǎkhû̌phû̌ a ta̤gènè̤ dèhî̌mî̌ a pî̌kè tû̌ ata pě. Pwǎ̤tadě ta̤ma̤ htǒonu, a ǒ dě Cǒmara a ǒhè dèhî̌numî̌ sî ma̤pè̤ nǒ asî tò̤. Sî shěshǔ cǎkǎ ta Cǒmara, sî kè̌shǐ sana̤ Cǒmara ta sîna̤ pě.”