Pwa̤nophû̌ toǒ 4 - 인기 성경 구절

공유

Kòyò htě a ma̤lû̌htò̌gejò pa mî̌ pwǎpǒ̤ Ye̤shǔ tapwǎ̤ pa. Kòyò hǔwa̤ htě Cǒmara ǐ asî ta a ma̤lû̌htò̌ge pa ayanu, bǎ hǎkhû̌ bǎoteběbònu a ǒ dǐpwǎ̤꤮ tò̤.”

Bǎ asî kwisabahto akhanu, gûla̤ bǎ asî la̤ǒplǒhtu nû̌ûnu tò̤glò a guyṳpè̤tè̤htò̌ dě asî lǒbebò ta Běcǎ sǎcahtǐ pṳ̂̌꤮ tapwa̤ dě asî pṳ̂̌꤮ tapwa̤ dǒhtû̌ǐ khuha lǒkho kò ta Cǒmara awi̤akè̌.

Pò̤̌ta, Kǒ꤮ Běcǎ꤮, gana̤de kè̌mò̌ asî hî̌ sò̌gònò̤ ǐsha lǒkho pa khònò̤htǒo toǒnu, htohǒtò̤ ma̤pûhǐ pa htû najûphû̌ toǒ hî̌bǎkhuhabǔ wǒkû̌ nawi̤nakè̌ nudě, ma̤jèpû pa.

Ye̤shǔ mî̌, ‘A sǒsǒta lo̤ tama htě sî bǒhtò̌ hǐ dě sî wîkè yǎ, pò̤̌ta nǒkònu a htûhtò̌ ta lo̤ htě kò noǎ yǎ hǐne̤ dě a lo̤bǎkhlo ta ahǔwa̤ toǒnu.’

Yṳ̌daphû̌ htě a htûdû̌htûpwa̤ toǒnu, a kè̌shǐ Petru ta Jowǎ̤ni̤ sò̌phlǒkhuhè dě a sî̌ya ta asî mî̌ kòyò pwa̤ǎhǐma̤pwǎphû̌ pwǎ dě a jòlî̤jòhta kû̌kò tò̤ akhû̌akhî, a sû̌pi̤sò̌pi̤ lǒkho. Htohǒtò̤ asî sî̌yapo̤ Petru ta Jowǎ̤ni̤ mî̌ kòyò htě a gûbǒsû̌ kû̌ta Ye̤shǔ toǒ.

Pwa̤ htě a yṳǎna̤ǎta̤ toǒnu asî ǒnû̌û ta sò̌phlǒ tama꤮ pa, ta̤gènè̤ tacǎ꤮ pa. Asî ta̤kî̌ta̤kû̌ toǒnu asî dǒkwèǐ lǒkho ata dǐpwǎ̤꤮ tò̤. Ta̤ htě asî ta ǒ toǒnu asî ǎplǒma̤plǒ kè̌khînû̌û.