Ihāia 60 - 인기 성경 구절

공유

“E ara, kia mārama; kua tae mai hoki tōu mārama, kua whiti te korōria o Ihowā ki a koe.

Ā, ka haere mai ngā tauiwi ki tōu mārama, ngā kīngi ki ōu hihi, ina whiti mai.

Tērā hoki e hīpokina te whenua e te pōuri, ngā iwi e te pōuri kerekere; ka whiti ia a Ihowā ki a koe, ka kitea hoki ki a koe tōna korōria.

Tō te mea nohinohi putanga ake, he mano, tō te mea iti, he iwi kaha; māku, mā Ihowā, e whakahohoro i tōna wā e rite ai.”

“E kore te rā e waiho i muri hei whakamārama mōu i te awatea; nā, ko te marama e tīaho nei, e kore tērā e whakamārama i a koe; ko Ihowā hoki hei whakamārama mōu ake ake, ko tōu Atua hoki hei whakakorōria i a koe.

Heoi anō hekenga o tōu rā, e kore anō tōu marama e pewa; nō te mea ko Ihowā hei whakamārama pūmau mōu, ā, ka mutu ngā rā o tōu tangihanga.

Ka kite koe i reira, ka whakamāramatia, ka wehi anō tōu ngākau, ka nui; nō te mea ka tahuri ki a koe ngā mea maha o te moana, ka tae anō ki a koe ngā taonga o ngā tauiwi.

“Kia ara ōu kanohi i tētahi taha, i tētahi taha, titiro atu hoki; kei te huihui rātou katoa, e haere mai ana ki a koe; ka haere mai āu tama i tawhiti, ka hikitia hoki āu tamāhine ki ngā ringa.

Ko tōu iwi hoki, tika katoa, ka pūmau tonu ki a rātou te whenua. Te peka whakatō nāku, he mahi nā ōku ringa, kia whai korōria ai ahau.

E kore e rangona i muri te mahi nanakia ki tōu whenua; te whakamōtī, te wāwāhi, ki ōu rohe; engari ka kīia ōu taiepa, ko te Whakaoranga, ōu kūwaha ko te Whakamoemiti.”

Ka tuwhera tonu anō ōu kūwaha; e kore e tūtakina i te ao, i te pō, kia kawea mai ai ngā taonga o ngā tauiwi ki a koe, kia ārahina mai ai hoki ō rātou kīngi me rātou.

Ka kapi koe i te kāmera, he tini; i ngā kāmera tere o Miriana, o Epa. Ka haere mai ērā katoa i Hēpā, me te mau mai anō i te kōura, i te whakakakara; ka kauwhautia anō e rātou ngā whakamoemiti ki a Ihowā.

“Ka hangā anō ōu taiepa e ngā tāngata kē, ko ō rātou kīngi anō hei kaimahi māu. He riri hoki nōku i patu ai ahau i a koe, he manako ia nāku i atawhai ai ahau i a koe.

“He mea whakarere nei koe i mua, he mea i kinongia, kāhore hoki tētahi kia haere i waenganui i a koe, nā, ka meinga koe e ahau hei mea nui e mau tonu ana, he koanga ngākau ki ngā whakatupuranga maha.

Ka ngotea anō e koe te waiū o ngā tauiwi, ka ngotea te ū o ngā kīngi; ā, ka mōhio koe ko ahau, ko Ihowā, tōu kaiwhakaora, tōu kaihoko, te Mea Nui o Hākopa.