මීකා 4 - 인기 성경 구절

공유

හැම ජාතියක් ම තමන් අදහන දෙවියන් අනුව යති; එහෙත් අපි: සදහට ම අපගේ දෙවියන්වහන්සේ වන ස්වාමින්වහන්සේගේ නාමය අනුව යන්නෙමු.

බොහෝ ජාතීන් අවුත්, “එමු, අපි ස්වාමින්වහන්සේගේ කන්දට නැග යමු, යාකොබ්ගේ දෙවියන්වහන්සේගේ ගෘහයට යමු. ස්වකීය මාවත්වල අප පියමං කරන පිණිස, උන්වහන්සේ තම මාර්ග අපට උගන්වනු ඇතැ” යි කියනු ඇත. මන්ද ව්‍යවස්ථාව, සියොන වෙතින් ද ස්වාමින්වහන්සේගේ වචනය යෙරුසලම වෙතින් ද පිටත් ව එන්නේ ය.

අවසන් දවස්හි දී, ස්වාමින්වහන්සේගේ ගෘහයේ කන්ද, කඳු අතරේ උසස් ම කන්ද වශයෙන් පිහිටුවනු ලබන්නේ ය. කඳු ගැටවලට ඉහළින් එය ඔසවනු ලැබේ; ජනයෝ ඒ වෙත ගලා එන්නෝ ය.

උන්වහන්සේ බොහෝ ජනයින් අතරේ විනිශ්චය ඉටු කොට, ඈත එපිට බලවත් ජාතීන් අතරේ ආරවුල් සමථය කරන සේක. ඔවුන් තම කඩුපත්වලින්, නඟුල් තල ද තම හෙල්ලවලින්, කප්පාදු කැති ද තලාගනු ඇත. ජාතියකට එරෙහිව ජාතියක් අසිපත් දරන්නේවත්, තවත් ඔවුන් යුද්ධයට පුහුණු වන්නේවත් නැත.