လိတ်လုကာ 3
3
အခန်း (၃)
လို့ကု့ငွမ်း မေရှိယ
(လိတ်မဿဲ ၃:၁-၁၂။ လိတ်မာကု ၁:၁-၈။ လိတ်ယောဟန် ၁:၁၉-၂၈)
1နန်းသက် ရောမဧကရာဇ်တိဗေရိ ချန်ဟိုမာ့ကျင်ထွန်နှမ်းနွို့နား ပုန္တိပိလတ်နောင်း ကလုဲင်လို့အုပ်ချုပ် ဖြိုင်ယုဒထာ၊ ဟေရုဒ်အန္တိပ#3:1 ဟေရုဒ်အန္တိပ ဟေရုဒ်အန္တိပ နောင်း ဘာ့ကလုဲင်ကွန်ဖြောက်မန်းဟေရုဒ်၊ ဘာ့ကလုဲင်ဟေရုဒ်အန္တိပ ခေတ်အခို့ ကောင်ဓမ္မသစ်ကျမ်းနွို့ ဘေ့ဘာ့ဗီခံ အာအွူမင်္ဂလာဆာယာယောဟန်န လို့မြို့နာဇရက်ကိုယ်တော်ယေရှုနွို့နု့ ဘာ့ဗီးနဘာ့သက်ဆိုင် ဘာ့ကလုဲင်ဘို့ဘက်နွို့ ကောင်အခန်းလွက်အမ်နွို့ ဘာ့တန်မဲ့မှတ်တမ်းဘို့ဘက်နွို့ခေါင်း လို့ငန်းဘို့ဘက်ပိုနွို့နဲ့။ (မဿဲ ၁၄:၁-၁၂)နောင်း လို့အုပ်ချုပ်ဖြိုင်ဂါလိလဲကိုးနဲ့။ တွေ ဟေရုဒ်အန္တိပ ဖိလိပ္ပုနောင်း ဣတုရန ကလုဲင်လို့အုပ်ချုပ် ဖြိုင်တရာခေါနိတ်ထာ၊ လုသာနိနောင်းလဲဉ်း ဖြိုင်အဘိလင်နွို့ ကလုဲင်လို့အုပ်ချုပ်နဲ့။ 2ချန်နွို့နု့ အန္နန ကာယာဖနွို့နောင်း တန်းဘာ့ကလုဲင်ပုရောဟိတ်ကုန်းထက်ပေ့နွို့ နှုတ်ကပတ်တော်ဖြားနောင်း ဗဟိုကောင်ဗွေကန္တာရ ကွန်ဖြောက်ဇာခရိ တာယောဟန်နွို့ လောက်ပိုကြဘို့နွို့နဲ့။ 3စနွို့နား ယောဟန်နောင်း ဂျော်ဒန်မြစ်နွို့ဇာ့ဘာဟိုနွို့နား လက်လှည့်ရေ့တွို့ထာ လို့နွို့နား အပြစ်ဒုစရိုက်ဘို့ဘက်နွို့ ဗင်တွို့နောင်တသံဝေဂထာ ခံမ်ခံအွေအွူမင်္ဂလာနွို့ ရက်ဟောလေမနကိုးနဲ့။ 4ပရောဖက်ဟေရှာယကျမ်းနွို့ ဘာ့တဲင်းဘို့နွို့အတွိုန်း
“ကောင်ဗွေကန္တာရနွို့ အာ့်ကွက်ကွက်လှည့်လေတွို့ထာ ရက်ဖြိုလေမနနား
ကညွမ်းကိုယ်တော်ဘာ့ကြွပိုနွို့နား အ့်တန်းစေး။
5တောကောင်ဗွေဘာ့ဗုံ့မဲ့နွို့နား ဖော့တွို့ကသေ့ထာ
တောဖွီး၊ တောဗွေဘို့ဘက်နွို့ အ့်ညီညာစေး။
ကညွမ်းဘာ့ကောက်နွို့ အ့်တန်းတွို့ထာ
ကညွမ်းဘာ့ခှမ်းနွို့ အညံညောစေး။
6နွို့ခေါင်း ဖြားမောင်းကယ်တင်နွို့နား လို့မေ့မေ့နွို့ ဗင်ထွိလောက်ဟောက်”
နွို့ကိုးနဲ့။
7နွို့ခေါင်း ယောဟန်နား တာ့အမ်နွို့ အာအွူမင်္ဂလာ#3:7 အာအွူမင်္ဂလာ ခံအွေအွူမင်္ဂလာပဒေနောင်း (ဘာ့အခြေခံဘို့နောင်တသံဝေဂ လို့ဆောင့်လှည့်ဘတ်ဖြားဘို့ဘက်နွို့ အဖဖြား၊ ကွန်ဖြားယေရှု၊ မာတ်ဉာဏ်အလင်းတော်တော်နွို့ အစွဲပြုတွို့ထာ) အပြစ်ဒုစရိုက်ဇာ့နွို့နု့ အွူန ကထေဟောက်နွို့ကိုးနဲ့။မောင်းခံအွေ လို့ဘာ့လောက်ပိုဘို့ဘက်နွို့နား “နီးနားလို့ဘာ့လံစွေဘေ့#3:7 လို့ဘာ့လံစွေဘေ့ တာ့လွက်နီးနွို့ ဘာ့ထိန်ဆို့ပဒေ့နောင်း မူရင်းကျမ်းနွို့တဲင်းပလေပွို့။ နွို့၊ ဘာ့မောင်ကလွို့ပိုမဲ့ ဖြားနွက်ဘာဆိုးနွို့နား မောင်းပလက်နွို့ ကွားအာ့ဘို့သတိနွို့နား။ 8ကလို့ကောအပြစ်ခွို့နွို့နား ဘ့စွန်တောဝ်းတွို့နွို့နား ပလေကြဘို့အ့်ယို့သက်သေကိုး။ ပွို့နပွို့နွို့ ကလုဲင်တွိုကမာ့မျိုးဆက် အာဗြဟံ ပဒေနွို့နား လာ့ဖြိုကြနဘွတ်။ ဖြားနား သန်မှုနီးနား ကလုဲင်ကမာ့အာဗြဟံနွို့ ဖန်ဆင်းနိုင်းဟောက်။ 9ချန်အခွပ်နွို့နား ဖြားနောင်း လို့ဘာ့ဗင်ကောနောင်တနွို့နား မောင်းအာမပြစ်နွို့ကိုးနဲ့။ ခွို့နွို့နား ဇာ့တောင်ရီ ဆုပ်ထေ့နု့ လို့ဘာ့မောင်းမောက် ကနေအရန်န ကမွို့ဟောက်နွို့နဲ့။ ဆောင်ကွေကွေ ဘာ့ကလို့ကောပ္လေ့ဘာ့ပ္လေ့ ကော ဆုပ်ထေ့နွို့န တကမွို့ဟောက်နွို့နု့ ဖြားနောင်း လို့နွို့နား မောင်းအာတွို့အပြစ်ထာ လို့နွို့နောင်းလဲဉ်း မောက်ရေ့ယော့ ဘာ့မင်တုတ်မဲ့ညွမ် ဆုပ်ထေ့နို့န ကမွိုးလောက်ဟောက်နွို့နဲ့။”
10ချန်နွို့နု့ လို့လို့ဖုန်ကုန်းနွို့နား ယောဟန်းနား “ဇာ့နွို့နု့ အေ့လိုလ့်ယို့တတ်ထား” နွို့မားကြဘို့နဲ့။
11ယောဟန်နောင်းလဲဉ်း “ကောင်ပွိုနွို့နု့ လို့ဘာ့ဟိုခရိုန်းအံထွန်နွို့နား လို့ခရိုန်းဘာ့ဟိုကောနွို့နား မင်အာအ့်ထွန်ကိုးနဲ့။ တာ့ဘွတ်နွို့နား ခမ်းစွေခမ်းငွမ်တာ့ဟိုနွို့လဲဉ်း လို့ဘာ့ဟိုကောနွို့နား မင်အာပန်းဇာ့နွို့ကိုး” နွို့ဖြေကြဘို့နွို့နဲ့။
12လို့ဘာ့တန်အကောင့်တောင့်ခိုင်နွို့နောင်းလဲဉ်း တာ့ယောဟန်နွို့ မောင်းခံအွေအွူမင်္ဂလာ လောက်ပိုကြယော့ဘွတ်နွို့ ခွို့နွို့နား “ဆာယာ၊ အေ့နားမင်ယော့တတ်ထာ” နွို့မားကြဘို့နွို့နဲ့။
13ချန်နွို့နု့ ယောဟန်နွို့ “ပွို့နွို့နား အခွန်နွို့ ဘာ့သတ်မှတ်ဘွတ်နွို့ သန်လိုလ့်ကောယော့” နွို့ဖြိုကြဘို့နဲ့။
14စစ်သားတောင်ခိုင့်ဘို့ဘက်လဲဉ်း အမ်နား “အေ့နွို့ မင်ယို့တတ်ထား” နွို့မားနွို့နား
ယောဟန်နွို့ “ပွို့နွို့နောင်းလဲဉ်း ဇာ့တာလို့နွို့နောင်း ပိုက်ဆံနောင်း အထမလာ့ညွှန်းနဘို့။ ဆောင့်ကွေမှ မမှန်မကန်လာ့ယိုစ်နာ့ဘို့။ ဘွတ်ဘာ့ဗင်ခတ်တို့နွို့န ကျေနပ်ကြဘို့” နွို့ဖြေပလောက်စနွို့ကိုးနဲ့။
15လို့မေ့မေ့နောင်းလဲဉ်း ကနို့ကော မေရှိယ#3:15 မေရှိယ မေရှိယပဒေနောင်း (ပနောင်ဟေဘရူး လို့ထန်းဘို့) ပဒေနောင်း မာတ်ဘွဲ့ကိုးနဲ့။ (ပနောင်ဂရိ ခရစ်တော်) နအနုဲင်နုဲင်ကလိုင်နွို့ခေါင်း ကယ်တင်ရှင်နွို့ အစိပ္ပာယ်ဗင်ဟောက်နွို့နဲ့။ မောင်းဗွို့ပိုနွို့နား နွက်တူးတူးန ဆုန့်ကြဘို့နွို့ခေါင်း လို့မေ့မေ့တောင့်ခိုင့်နောင်း မေရှိယနောင်း ကလုဲင်ယောဟန်ဟား ထုန်ကြဘို့နွို့နဲ့။ 16စနွို့နား ယောဟန်နွို့ အို့နား လို့နွို့နု့ အွူန “အိုနွို့အိုပယို့အာလို့ အာအွူမင်္ဂလာနွို့ လဲဉ်းမှန်ပနာ့။ စနွိုလဲဉ်း လို့တန်ခိုးပကုမ်းထပ်အိုနွို အမ်လောက်ပို့တွို့။ အိုနွိုလို့ဖြေအာကညေ့စိနပ်အမ်မားတန်ကား။ အို့နွို့ ဉာဏ်အလင်းတော်အမ်လဲဉ်းနဖုန် ညွမ်းနလဲဖုန် အမ်အမ်းပို့အားပို့အာအွူမင်္ဂလာ။ 17ကောင်သီးအမ်နွို န တောင်ကိုးန ဗါ့ပို့အဖျောင်း နွို့ ခွီးအာလောက်ဟောက်နဲ့။ ကလောင်းဗာ့နွို့နွို့ ကောင်ပလုတ် ထန်းပို့တွို့ထာ အဖျောင်းဇာ့နွို့ကား လညှံနိုင်ကောအမ်ထုလောက်ကောင်ညွမ်စယ်” ဖြိုစနွို့ကိုးနဲ့။ 18ယောဟန်နား နည်းလမ်းနိအတွို့ လို့အပေါင်းနွိုအမ်စိုဗင်တွို နောင်တသံဝေဂထာ အမ်ဆိုလှည့်တွို့ဖက်ဖြားထာ ကတမ်းကလို့စ်မင်္ဂလားကတမ်းအမ်လဲဉ်း အမ်ဟောပလေလို့။
19ယောဟန်နောင်း ဘာ့အုပ်ချုပ်လို့ဟေရုဒ်နောင်း ဘာ့ကလုဲင်တွေဖြိုလ့်မို့ ဟေရောဒိနား ခံမ့်ဘာ့ထန်းနွို့န အခြားဘာ့ကလို့ကောအ့်မှု ဒါအမှုဘို့ဘက်နွို့ ဘာယို့လမဲ့နွို့နု့ ချမဲ့အပြစ်ကိုးနဲ့။ 20စနွိုခမ်း မာန်းဟေရုဒ်နား စစ်သားအမ်ဘို့ဘက်နောင်းလဲဉ်း ယောဟန်နွို့ စက်ထို့ကောင်ထောင်နွို့န အပြစ်ဘာ့ဆို့လွန်းအမာ့နွို့ ယို့မာန့်ပလောက်ခွပ်နွို့နဲ့။
ကိုယ်တော်ယေရှု အွေပွီးအွူမင်္ဂလာ
(လိတ်မဿဲ ၃:၁၃-၁၇။ လိတ်မာကု ၁:၉-၁၁)
21သမ်းအမ်ပခါဗင်ခမ့်ကားထောင်နွို ယောဟန်နောင်း သာလို့ဗင်ဖုံဖုံနွို့နု့ အာယော့အွူမင်္ဂလာနွို့ ကိုယ်တော်ယေရှုနောင်းလဲဉ်း ခံအွေတွိုအွူမင်္ဂလာထာ တန်းဘာ့ဆုတောင်းနွို့ တအောင်နောင်း ပွင့်လေးတွို့ထာ 22ဉာဏ်အလင်းတော်နောင်း ကရက်စံချိုးန ကွေကိုယ်တော်နွို့ ဆန်းပိုနွို့ကိုးနဲ့။ မို့နောင်း “အို့ဘာ့ခှိက်တော်မူမဲ့ ကွန်ဖြားအို့ကိုးနဲ့။ အို့နား မို့နွို့ ခှိက်လွန်းလန်းအားဗင်ဟောက်” နွို့ကွေတအောင်နွို့ကရက်လေးပိုစနွို့နဲ့။
ကမားလို့ကစာ ကိုယ်တော်ယေရှုဘို့ဘက်
(လိတ်မဿဲ ၁:၁-၁၇)
23ကိုယ်တော်ယေရှုနောင်း စယို့အမှုတော်ချန်နွို့နွို့ ဟိုတွို့ဝါအွီကျင်လောက်နွို့နဲ့။ အမ်နောင်း အပန်အ့်ထုန်လို့ဘာရင်နွို့ ကလုဲင်ကွန်ယောသပ်ထာ ယောသပ်နောင်း ကွန်ဖြောက်ဧလိကိုးနဲ့။
ဧလိနောင်း ကွန်ဖြောက်မဿတ်၊
24မဿတ်နောင်း ကွန်ဖြောက်လေဝိ၊
လေဝိနောင်း ကွန်ဖြောက်မေလခိ၊
မေလခိနောင်း ကွန်ဖြောက်ယန္န၊
ယန္နနောင်း ကွန်ဖြောက်ယောသပ်၊
25ယောသပ်နောင်း ကွန်ဖြောက်မတ္တသိ၊
မတ္တသိနောင်း ကွန်ဖြောက်အာမုတ်၊
အာမုတ်နောင်း ကွန်ဖြောက်နာဟုံ၊
နာဟုံနောင်း ကွန်ဖြောက်ဧသလိ၊
ဧသလိနောင်း ကွန်ဖြောက်နဂ္ဂဲ၊
26နဂ္ဂဲနောင်း ကွန်ဖြောက်မာအတ်၊
မာအတ်နောင်း ကွန်ဖြောက်မတ္တသိ၊
မတ္တသိနောင်း ကွန်ဖြောက်ရှေမိ၊
ရှေမိနောင်း ကွန်ဖြောက်ယောသပ်၊
ယောသပ်နောင်း ကွန်ဖြောက်ယုဒ၊
27ယုဒနောင်း ကွန်ဖြောက်ယောဟန္န၊
ယောဟန္နနောင်း ကွန်ဖြောက်ရေသ၊
ရေသနောင်း ကွန်ဖြောက်ဇေရုဗဗေလ၊
ဇေရုဗဗေလနောင်း ကွန်ဖြောက်ရှာလသေလ၊
ရှာလသေလနောင်း ကွန်ဖြောက်နေရိ၊
28နေရိနောင်း ကွန်ဖြောက်မေလခိ၊
မေလခိနောင်း ကွန်ဖြောက်အဒ္ဒိ၊
အဒ္ဒိနောင်း ကွန်ဖြောက်ကောသံ၊
ကောသံနောင်း ကွန်ဖြောက်ဧလမောဒံ၊
ဧလမောဒံနောင်း ကွန်ဖြောက်ဧရသ၊
29ဧရသနောင်း ကွန်ဖြောက်ယောရှု၊
ယောရှုနောင်း ကွန်ဖြောက်ဧလျေဇာ၊
ဧလျေဇာနောင်း ကွန်ဖြောက်ယောရိမ်၊
ယောရိမ်နောင်း ကွန်ဖြောက်မဿတ်၊
မဿတ်နောင်း ကွန်ဖြောက်လေဝိ၊
30လေဝိနောင်း ကွန်ဖြောက်ရှိမောင်၊
ရှိမောင်နောင်း ကွန်ဖြောက်ယုဒ၊
ယုဒနောင်း ကွန်ဖြောက်ယောသပ်၊
ယောသပ်နောင်း ကွန်ဖြောက်ယောနန်၊
ယောနန်နောင်း ကွန်ဖြောက်ဧလျာကိမ်၊
31ဧလျာကိမ်နောင်း ကွန်ဖြောက်မေလေ၊
မေလေနောင်း ကွန်ဖြောက်မဲနန်၊
မဲနန်နောင်း ကွန်ဖြောက်မတ္တသ၊
မတ္တသနောင်း ကွန်ဖြောက်နာသန်၊
နာသန်နောင်း ကွန်ဖြောက်ဒါဝိဒ်
32ဒါဝိဒ်နောင်း ကွန်ဖြောက်ယေရှဲ၊
ယေရှဲနောင်း ကွန်ဖြောက်ဩဗက်၊
ဩဗက်နောင်း ကွန်ဖြောက်ဗောဇ၊
ဗောဇနောင်း ကွန်ဖြောက်စာလမုန်၊
စာလမုန်နောင်း ကွန်ဖြောက်နာရှုန်၊
33နာရှုန်နောင်း ကွန်ဖြောက်အမိနဒပ်၊
အမိနဒပ်နောင်း ကွန်ဖြောက်အဒ်မိန်၊
အဒ်မိန်နောင်း ကွန်ဖြောက်အာရံနိ၊
အာရံနိနောင်း ကွန်ဖြောက်ဟေဇရုံ၊
ဟေဇရုံနောင်း ကွန်ဖြောက်ဖာရက်၊
ဖာရက်နောင်း ကွန်ဖြောက်ယုဒ၊
34ယုဒနောင် ကွန်ဖြောက်ယာကုပ်၊
ယာကုပ်နောင်း ကွန်ဖြောက်ဣဇက်၊
ဣဇက်နောင်း ကွန်ဖြောက်အာဗြဟံ၊
အာဗြဟံနောင်း ကွန်ဖြောက်တေရ၊
တေရနောင်း ကွန်ဖြောက်နာခေါ်၊
35နာခေါ်နောင်း ကွန်ဖြောက်စေရောက်၊
စေရောက်နောင်း ကွန်ဖြောက်ရာဂေါ၊
ရာဂေါနောင်း ကွန်ဖြောက်ဖာလက်၊
ဖာလက်နောင်း ကွန်ဖြောက်ဟေဗာ၊
ဟေဗာနောင်း ကွန်ဖြောက်ရှာလ၊
36ရှာလနောင်း ကွန်ဖြောက်ကာဣနန်၊
ကာဣနန်နောင်း ကွန်ဖြောက်အာဖာဇဒ်၊
အာဖာဇဒ်နောင်း ကွန်ဖြောက်ရှေမ၊
ရှေမနောင်း ကွန်ဖြောက်နောဧ၊
နောဧနောင်း ကွန်ဖြောက်လာမက်၊
37လာမက်နောင်း ကွန်ဖြောက်မသုရှလ၊
မသုရှလနောင်း ကွန်ဖြောက်ဧနောက်၊
ဧနောက်နောင်း ကွန်ဖြောက်ယာရက်၊
ယာရက်နောင်း ကွန်ဖြောက်မဟာလေလ၊
မဟာလေလနောင်း ကွန်ဖြောက်ကာဣနန်၊
38ကာဣနန်နောင်း ကွန်ဖြောက်ဧနုတ်၊
ဧနုတ်နောင်း ကွန်ဖြောက်ရှေသ၊
ရှေသနောင်း ကလုဲင်ကွန်ဖြောက်အာဒံထာ
အာဒံနောင်း ကလုဲင်မဲ့ကွန်ဖြားစနွို့ကိုးနဲ့။
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
လိတ်လုကာ 3: DNU
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Dannau Bible by Beyond Translation is licensed under Creative Commons Attribution-ShareAlike 4.0 License.
