TITU 2
2
1Alioze yena, hanjika yuma yize yinatela longeso lingunu. 2Makulwana ja malunga akakeyele, keshi lwelia, akwa mana, angunu mu Ufulielo, mu zango, mu uhumikizo. 3Makulwana ja mapwo chizechene akalinge ngwe chatamba asandu, hi yilamikiji ko, hi akwa kunwa vinyu vinji ko, akapwe alongeshi ja yuma yipema; 4hanga akafumbe mapwo, waze apwa twanuke two, kuzanga akwomalunga ni ana jo. 5Akwa mana, akwa kutoma, akwa kufunga mazuwo jo, apema, akwa kuzeyela kuli akwo-malunga, hanga kechi kashililika liji lia Zambi. 6Akweze chizechene ukaashinjile, akapwe ni mana. 7Ha yuma yeswe nikulilweza yena mwene ngwe chilweza cha yitanga yipema; ha kulongesa che ni kulweza ungunu, kushi lwelia, 8kuhanjika chingunu, chize kuchishi kuhasa kuhia; hanga akavwise sonyi mweswe malimika, se keshi chuma chipi nichimwe cha kwamba hali yetu. 9Shinjila ndungo akazeyele kuli miata jo ene, akapemene chikolo ha yuma yeswe, hi nikuhamika ko; 10hi nikwiya ko, aiioze nikusolola kushishika cheswe chipema; hanga akawahise longeso lia Zambi Chilamwina chetu ha yuma yeswe.
11Mumu vumbi lia Zambi hilinasoloka, Unaneha ulamwino kuli atu eswe, 12nikutufumba, ngwo, Chatutamba kwenda ni mana ni ululi ni uwayilo, ni kulikala utanganyanyi ni usolo wa hano hashi, ha mwakono haliapwila; 13nikutwaminyina kutalatala chize chawaha, ni usolokelo wa uhenya wa Zambi yetu munene kanda Chilamwina Yesu Kristu; 14yoze waliechele hali yetu, hanga akatukule ku uhenge weswe, hanga akapemese kuli iye mwene atu a kwapita mwene, a kukaula ni mbunge yeswe yitanga yipema.
15Hanjika yino yuma, ukayishinjile, ukakumike ni chiyulo cheswe. Niumwe kanda akulelesa.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
TITU 2: Csa
ಹೈಲೈಟ್ ಮಾಡಿ
ಕಾಪಿ
ತಾಳೆಮಾಡಿ
ಹಂಚಿಕೊಳ್ಳಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Chokwe Bible © Bible Society in Angola, 1975.