A-HEPREU 4
4
1Twivwenu woma kashika, kuchina hanji, se hanatuhichikila chilakenyo cha kunjila mu uhwimino wenyi, umwe wa kuli yenu mamumona ngwe kanachihono. 2Mumu yetu hanatwambulwila sango lipema, chizechene ngwe ayo nawa; aiioze liji lia sango kuliaafumbukile se kalichingile ni Ufulielo muli waze evwile. 3Mumu yetu hitunafuliela, tunanjila mu uhwimino uze; nikulita ngwe hanambe iye ngwenyi,
Ngwe nalishingile mu utenu wami, ngwami,
Kechi kanjila mu uhwimino wami:
chipwe yitanga hiyinahu chize ku kusela cha fundamentu ya hashi. 4Mumu hanambe muma mumwe ha kutwala ku tangwa liamuchishimbiali ngwe chino, ngwenyi, Ni Zambi wahwimine ha tangwa liamuchishimbiali ku yitanga yenyi yeswe. 5Ni muno cheka nawa ngwenyi,
Kechi kanjila mu uhwimino wami.
6Se kashika chinasala kuli amwe anjilemo, ni waze aambulwilile sango lipema kushi, kanjilile mumu ha uhulia. 7Cheka nawa kanavuluka limwe tangwa ngwo, Musono, ku kanwa lia David ngwenyi, Kulutwe lia shimbu linene Chichize, ngwe hanachambe ngwo,
Musono, nyi munwivwa liji lienyi,
kanda nukalisa mbunge jenu.
8Mumu kachi Yoshua waahetesele ku uhwimino, kachi kahanjikile kulutwe ha kutwala ku tangwa likwo. 9Kuunasala kashika uhwimino wa Sambata hali atu ja Zambi. 10Mumu yoze hananjila mu uhwimino, hanahwimi nawa ku yitanga yenyi, chizechene ngwe Zambi wahwimine ku yitanga yenyi. 11Tulipupwisenu kashika kunjila mu uhwimino uze, hanga niumwe kechi kalimbuka ni cheseko chimuwika cha uhulia. 12Mumu liji lia Zambi mwono likwete, kuliakulinga ni tachi, linambuka kuhiana mukwale, nikutuwa ndo ku kuhandununa cha alma ni spiritu, ni ku makonekeno ni usongosongo, kuliakusa chinyingi ha manyonga ni kukana cha mu mbunge. 13Ni chuma chize kuchishi kumoneka kuli iye chakuhi nichimwe; aiioze yuma yeswe yapwa ya uselesele, ya kufukuka kumeso ja yoze mutukamulumbunwina yuma yeswe.
14Kashika se sasendote mukwa lutwe munene tuli nenyi, yoze hanapalika ndusu mu malilu, Yesu mwe Mwana Zambi, tulalaminyenu ku kutayiza chetu. 15Mumu sasendote mukwa lutwe kutushi nenyi yoze keshi kuhasa kwivwa keke ha kukokoloka chetu; aiioze yoze hanamweseka ha yuma yeswe chizechene ngwe yetu, hindu shili, ka. 16Tukundamenu kashika ni hamu ku ngunja ya vumbi, hanga tukatambule keke, tukawane vumbi lia kutukwasa ha mwaka wa chikala.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
A-HEPREU 4: Csa
ಹೈಲೈಟ್ ಮಾಡಿ
ಕಾಪಿ
ತಾಳೆಮಾಡಿ
ಹಂಚಿಕೊಳ್ಳಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Chokwe Bible © Bible Society in Angola, 1975.