1 A-KORINDU 5
5
1Chinafumana hakachi ka eswe ngwo, Upangala uliko hakachi kenu, upangala umwe kuushiko chipwe hakachi ka akwa mavungu, mutu akapwa ni pwo lia tato. 2Ni yenu nunalifuzu, kunwalinyengene, hanga yoze hanalingi chino, amuchize mukachi kenu.
3Mumu yami chamwenemwene se chishiko mu mujimba, alioze nguli hamwe ni yenu mu Spiritu, chizechene ngwe hamwe ni yenu hingunamupatwila kulu, yoze hanalingi chuma chino. 4Mu jina lia Mwene wetu Yesu Kristu, se nunakunguluka hamwe ni spiritu yami, ni tachi ja Mwene wetu Yesu Kristu, 5nukakunjike umwe ngwe yono kuli Satana akenyeke musunya, hanga akalamwine Spiritu ha tangwa lia Mwene Yesu.
6Kulisamba chenu kuchawahile. Kunwanyingikine futunwiso yikepe muyifutunwisa mwaha weswe, nyi? 7Lipemesenu, kashika futunwiso yikulu, yituhuke, hanga nukapwe mwaha waha, chizechene ngwe yenu nuli kunushi futunwiso. Mumu Chizomboka chetu nawa, iye Kristu, hanamulambula ngwe chitapo; 8kashika tufungenu chiwanyino, hi ni futunwiso yikulu ko chipwe ni futunwiso ya uhuka ni ungulungulu, ka, alioze ni mbolo kuyishi futunwiso ya kutuwika cha mbunge ni umwenemwene.
9Nasonekene kuli yenu mu mukanda wami ngwami, Kanda nuliendela nichimwe ni yitanji; 10chambile ni yitanji a hano hashi, hanji ni akwa kwivwa kuzo, hanji akwa Tututu, hanji ni akwa kukombelela mahamba; nyi chocho, kachi Chanutamba kukatuka hano hashi; 11alioze haliapwila ngunasoneka kuli yenu, ngwami, Kanda nuliendela nenyi, kachi umwe anamuvuluka ngwo, Ndumbu, mapwa chitanji, hanji mukwa kwivwa kuzo, hanji mukwa kukombelela mahamba, hanji mukwa kutukana, hanji mukwa kuzengewa, hanji mukwa #5.11 hanji, Wiji.Tufutu; hamwe ni umwe ngwe yono kanda nulia. 12Mumu chika nguli nacho ha kupatwila waze ali haze? Yenu kunushi kupatwila waze ali muchima, nyi? 13Alioze waze ali haze Zambi kakwapatwila. Chizenu yoze chingulungulu hakachi kenu.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
1 A-KORINDU 5: Csa
ಹೈಲೈಟ್ ಮಾಡಿ
ಕಾಪಿ
ತಾಳೆಮಾಡಿ
ಹಂಚಿಕೊಳ್ಳಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Chokwe Bible © Bible Society in Angola, 1975.