Nahumu 3
3
Ninivu pã ka geren ne
1Koe n ke, Ninivu ganaa,
kiwi mɛn bɛ́ mà n baa sii a nɛ.
A piɛ̃maa nɛ ka soɛ nɛ,
wurumubaa nɛ,
ka mɛnaa kɔn la nɛ
a ná a nyɛɛ wa.
2Á ke, kiwi lɛ gɔ́ɔ̃ nɛ,
sɔsɔrɔ wuu n boe!
Wotoron gòã wuu n boe!
Sùin man paparɛ!
Zia wotoron wuu n boe paparɛ!
3Sùi dabaa-a wolen manə n daɛ kɔn la!
Gɔya san man tɛ pii lon!
Sɛmiɛ̃n man tɛ boe!
Gere la yii ni!
Geren man diɛ-n kɔn la!
Lɛ ba ǹ la wa!
Maǹ nə́ n gòã niɛ̃ gere ganaa bǎã yii ni!
Dɔlɔ n die n boe Ninivu ganaa
4Ninivu sii baraa zɛnaa á la yii ni.
A siĩnbaa taman yii,
a n ka kɔrɔbaali bɛ́ lɔn,
minin yiri sii.
A n ka dagòãdɛnaa bɛ́ lɔn,
minin yiri sii.
Bɛ lɛ taman yii,
tɔrɔ gigiã ná a bɛ̀rɛ baa.
5Dɛnaa Lawa Pàãyiidɛnaa na á kɛ pɛ:
Á ke, ma lɛ nə n li.
Ma á re n mɔnaa lusi ma kɔ ǹ yɔrɔ lɛ,
ma n tontoro nyaa tɔrɔ kɔsɔn manɛ.
Gána kɔsɔn kɛn tá re n sìi yii.
6Man die yisi kiɛ n la,
n bɛbɛnɛ,
má n nyaa sii a kɔnboe lɛa.
7Màn mɛn bɛ́ toɛ, bɛ̀ min mɛn nə́ n yɛ
a baa si, a nə́ n lɛ dii:
«Ninivu ziziɛ̃!
Die n die makara boe a ganaa?»
Die n die yii a gu wɔ la?
Didie n ka a biikoo ne
8Ninivu, ń ta soɛ Tebɛɛsi#3.8 Tebɛɛsi na á goã Ezipti kiwi lɛa Asiiriin kii goã á kũ. kiwi kɛ nɛ?
Ke Niili tà gòã la,
mu ná a lɛnpɛnɛ.
Niili ná a kirisibiɛ ka kungɔn bɛ́ lɔn.
9A foo n doa nɛ Etiopii
laanka Ezipti ganaa,
ǹ pàã gole ke,
a na a ba nyɛɛ wa.
Puutu minin laanka Libii minin
maǹ nə́ goã a koa kun wolen lɛa.
10Sɛnɛ a dɔ a biikoo bɛ́ á dɔ,
ǹ ná a minin goa,
ǹ nə́ woo ǹ ne bɛ̀rɛbaa ǹ bǎã nɛ.
Ǹ ná a nɛnyaanan yɔyɔrɛ
ziin bɔ kɔn-a ǹ bǎã tumaa nɛ,
ǹ nə́ n pã gána lɛ a
nyɛɛnaandɛnan ganaa,
ǹ nə́ fɔlɔbiɛn kaa ǹ min dadaran ganaa.
11Á dɔ n dɔ ganaa kanna Ninivu,
fuu á re liɛ n yii ni.
Bɛ̀ á dɔ n dɔ ganaa,
n tá re giɛ duru ǹ bǎã li,
n zɔ́ɔn nyɛɛnɛ.
Ninivu n die mɛnɛɛ
12N kungɔnɔn lɛn man ka gɔ́rɔ da bɛ́ lɔn
gɔ̀rɔ mərə n la.
Bɛ ǹ nə́ zuzuu lɔn gɔrɔ,
min mɛn bɛ li mà a bii,
a n miɛ̃ bɛ lɛ-n.
13N sɔraasin lɛn man ka lɔn bɛ lɔn,
pàã ba ǹ lon wa.
N gána lɛ a kiɛnlɛn buĩ maa nɛ n zɔ́ɔn nyɛɛnɛ.
Tɛ nə n goo-nɛ daanan lɛn tumaa kũ.
14Ninivu minin lɛn,
zɔ́ɔn tá re die ka lɛnpɛnɛ.
Ka mu si ka koa ka li.
Ka màn da kaa kungɔnɔn pàã li.
Ka gì mà,
ka kaa kungɔnɔn tɔrɔ.
15Tɛ n die ka kuĩ ka gã walan
hinlaa zia n die ka nyin boe.
Kaa zɔ́ɔn man die ka soɛ̃
ka bisin bɛ́ màn soɛ̃ lɔn.
Ninivu a zaman kuturu papaã
Ninivu minin, ka bulubɔ,
ka bulubɔ ka bisin bɛ́ lɔn.
16N pii-kɔlen nə́ mɔnaa
ǹ nə́ la lon a leeren manɛ.
Sɛnɛ maǹ ka bisin bɛ́ lɔn,
basaã koe bɛ̀ ǹ wusoo ǹ woo.
17N bǎã-lɛduəlin kɛn man mɔnaa nɛ
ka kondoonən bɛ́ lɔn.
N dí-nyalin nyɛɛnaandɛnan
kɛn man mɔnaa nɛ
ka bisin kuru bɛ́ lɔn,
kiɛ da la,
nyan biikoo li.
Bɛ̀ wasa bɔ lɔn gɔrɔ,
maǹ yui min ná a ba ǹ woo ǹ bǎã doɛ̃ wa.
Basaã gole n ke, yɔrɔ bɔ ǹ gɔn ná a ba la wa
18Asiiriin kii,
n gánadɛnan lɛn nə nyuù wɔ tɛmɔɔ.
N min kakan lɛn sɛ̀mɔɔdɛnan lɛa,
bɛn kɔn ba bìn diɛ doo wa.
N zaman lɛ sasawa a woo paǹ yii li,
kelen mii ni,
min kɔn banban a die ǹ soekɔn wa.
19Bɔ̀n gole ke á n yɛ,
yɔrɔ bɔ ǹ gɔn ba la wa.
N busulɛn kɛn ba nyɛɛ duduu wa.
Bɛ̀ min nə́ə n sii kɛ ma,
n dɛnaa nə n gɔn dii
n koe kɛ ganaa,
a giala,
dan goã n baraabaa lɛ la wa.
Bɛ n die lɛa kəni, n baraabaa
lɛ ná a dɔ a ganaa wa?
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Nahumu 3: SCE2013
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
San Catholic Edition Bible © Bible Society of Burkina Faso, 2013.