Isaías 62
62
1Nike dan nlliera rwe', Sión, bi soa lliteze,
nike dan nlliera rwe', Jerusalén bi waziralla
llinte lla ket yel korchis ko'on wsenin kan llseni willen tziren,
na yel wasra ko'on gaken ka yay da zu yi' llalnin.
2Latj yell-liw ka' re akre yel wasra ko'on,
yoyte be'nn wnebia ka' re akre yelwak ko'on.
Natell su yeto ra'o da kub
da gu'n Xanllo nakse rwe'.
3Rwe' gako to corona da nak nbaraz da llzoa be'nn llnebia
lo tak Xanllo Diozen.
4Bill ye aklle rwe', da nzanlall,
ni latj yell-liw ko'on, da blleyi,
axha ra'on gaken da ba biazralla,
na latj yell-liw ko'on, xhora.
Le rwen ba biazrall Xanllon,
na le'en gake ke to xhiewo raw yell-liw ko'on.
5Le kan llun to bi biew llchoynabe konen bi noren darenben,
kakse Diozen sie'e rwe' ke to nor ke'e,
wayune'e rwe' na soe'e nbaraz konen rwe',
ka nbarazen zu xhiewen konen xhoren.
6Jerusalén, raw ze war ko'o ka' ba bzoa be'nn llap
bi llze ake' lliteze ni tella, ni tllele:
re' llalwillre Xanllon bi sure lliteze,
7bi were latj waziralle
xte kat ba bayull bayunchawe Jerusalén'na
na gune nench yoyte be'nn lla' raw yell-liw werao ake' le'e.
8Xanllon ba bchebe'e
na ba blise xhichje chawen nap yelwaken:
chras bill wa latj
ke be'nn ka' llwiere rwen gaw ake' trigo ko'on,
nike be'nn zit ka' yej ake' zu ke uvan
dan ba beo llin ken,
9axha reksre watupre dan guzre,
gawren na weraore nada',
na watupre uvas ka na yejre zu ke uvan
lia ke lo yodao xhirall kian.
10Le lloj, le lloj lo reij ka',
le gun xnid tnez ke yell kian.
Le gunchaw wen tnez xhen'na
na le gunen yall, le waka yaj ka' sjaniten,
le wlis to sen nench'na gaxhre yell xhen ka'.
11Xanllon yixjwere dani
xte gan llayull yell-li'on:
Le ye yell xhen ke Sión'na
ba bra be'nn wasra ke'en.
Xanllon noxe'e yell ke'en
xte bayull basre le'e.
12Ye ake' be'nn Israelitas ka' Yell xhirall,
Be'nn ka' ba basra Xanllon
na Jerusalén, Yell xhen da zerall ake',
Yell bi bsanlall ake'.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Isaías 62: ZPUPAT
ಹೈಲೈಟ್ ಮಾಡಿ
ಕಾಪಿ
ತಾಳೆಮಾಡಿ
ಹಂಚಿಕೊಳ್ಳಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
Bible Society of Mexico
Be'nnka'be Xti'll Dios ಬಗ್ಗೆ ಇನ್ನಷ್ಟು ತಿಳಿಯಿರಿ