प्रेरितां रे कम्म परिचय

परिचय
प्रेरितां रे कम्म तिस जगाह् का सुरु हुंदा जित्ते लूका री कताब मुक्की थी। इस कताब बिच चेल्‍लेयां रा सेवकाई जो यरुशलेम सहर का लेई करी पूरे यहूदिया, सामरिया अते सारी दुनिया बिच पूजाया। ये सब किच्‍छ पिन्तेकुस्त रे दिन का सुरु होया। जिय्यां जिय्यां गैर यहूदी लोक्कां ने सुब बसेख पर ध्यान दैणा सुरु कित्तेया तिय्यां तिय्यां इस कताब रा ध्यान पौलुस ते तिसेरी सेवकाई रे सफर पर बदधा गेया। प्रेरितां रे कम्म री कताब सुब बसेख री कताबां जो बाकि रे नौए नियम कने जोड़दी जे इस गल्ल जो जाहिर करदा कि चेल्‍लेयां ने यीशु मसीह री सेवकाई जो अग्गे पूरी दुनिया बिच बधाया। प्रेरितां रे कम्म री कताब लूका री लिख्खे री दुई कताब है। ए कताब लूका ने अपणे इक्क दोस्त थियुफिलुस जो ईस्वी 62 का 64 बिच लिख्खी थी।
इस कताब री रुप-रेखा
यरुशलेम सहर बिच सुब-बसेख रा प्रचार 1:1-8:3
यहूदिया ते सामरिया प्रदेसां बिच सुब-बसेख 8:4-12:25
सुब-बसेख रे प्रचार तांइ प्रेरित पौलुस रा पैल्ला सफर 13:1-14:28
यरुशलेम सहर बिच इक्क जरुरी फैसला लैणा 15: 1-35
सुब-बसेख रे प्रचार तांइ प्रेरित पौलुस रा दूज्जा सफर 15:36-18:22
सुब-बसेख रे प्रचार तांइ प्रेरित पौलुस रा तिज्जा सफर 18:23-21:16
यरुशलेम सहर बिच पौलुस जो गिरफ्तार करणा 21:17-23:22
कैसरिया जिल्ले बिच पौलुस जो लेई जाणा 23:23-26:32
पौलुस जो रोम देस बिच लैणा 27:1-28:31।

ಪ್ರಸ್ತುತ ಆಯ್ಕೆ ಮಾಡಲಾಗಿದೆ:

प्रेरितां रे कम्म परिचय: CDHNT

ಹೈಲೈಟ್ ಮಾಡಿ

ಹಂಚಿಕೊಳ್ಳಿ

ಕಾಪಿ

None

ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ