Uchokholha 17
17
Malhehano o wiinelhiya unyawo
1Naabramu vaari aya ni iyaakha tisaini ni tisa Apwiiya Nlhuku ahaakhumelhelha nkayeerelha, “Miyaano phi Nlhuku Nooria. Nttwareke malheheriyo aka ni ukhalha wo uhikhuwachiya. 2Ni mii kinoowa keesha malhehano ni inyu ni wuncherera iyari inyu chinene.” 3Vavawo Naabramu nkayaawulhuwa makukhu. Apwiiya Nlhuku nkayeera, 4“Alha phi malhehano aneesha aka ni inyu. Nnowa ukhalha athumwanaya attu o makosho menchi, 5ni toka vano nna, khanneehaniya tho Abramu nansho nnohalha wiihaniya, Aburahimu. Ukhalhawaya kihoopangani ukhalha athumwanaya attu o makosho menchi. 6Kinouvahani iyari yinchi chinene, uwaninyu anowa ukhuma makosho menchi ni akina anowa ukhalha mamwene.”
7“Kinooshunga malhehano aka ukhalha o mahuku o uhimalha, iyari inyu ni iyari chaya chonkhaye, tho kinookhalha Nlhuku inyu ni Nlhuku o iyari chinyu mahuku o uhimalha. 8Kinouvahani inyuva ni iyari inyu, ilha ilhapo inokhalha inyu thoko nlheto ilha, yaani ilhapo yo Kanaani ikhalhe yawinyu mahuku o uhimalha. Ni mii kinookhalha Nlhuku aya.”
9Yamalhekeru, Apwiiya Nlhuku nkayeerelha Aburahimu, “Ni inyu, nnoovarelha malhehano aka mwaanene, iyari inyu ni iyari chaya chonkhaye. 10Malhehano aka, anohalha inyu uvarelha inyuva ni iyari inyu phi alha. Kila nlhopwana munlhokoni mwinyu hothananiya lazima eenelhiye unyawo. 11Nnowiinelhiya unyawo ukhalha phi iphiro yo wooniha malhehano variyari aka mii ni inyu mwaatti. 12Kila mwaana mwanlhopwana o ijuma imoka munlhokoni mwinyu, lazima eenelhiye unyawo. Kila nlhopwana mu iyari inyu, akhalhe ipotta yareelhe mmanupani mwinyu, ama nlheto hirii iyari inyu, oopolhiye wo nchurukhu inyu, 13eiyo, kila mmoka aya yareelhe unupani winyu ni ata oopolhiye wo nchurukhu inyu lazima eenelhiye unyawo. Yeyo phi iphiro yo wooniha malhehano aka mwiiruttuni mwinyu, malhehano o mahuku o uhimalha. 14Nlhopwana riyoothe hineenelhiya unyawo, noonyaraphiya mwaattuni, kwaani hokhota malhehano aka.”
15Yamalhekeru, Apwiiya Nlhuku nkayeerelha Aburahimu, “Wo ahanu inyu ayo, nheehane tho Asarai nansho vano mweehaneke Asara. 16Kinowaavaha ibarakha ni ayo anouyarelhani mwaana mwanlhopwana. Eiyo, kinowaavaha ibarakha Asara ni ayo anowa ukhalha anumwanaya makosho menchi, ni uwannyaya yayo, anowa ukhuma mamwene o makosho.”
17Vavawo Aburahimu nkayaawulhuwa makukhu, nkayaathia munrimani mwaya opuwelhaka, “Anaa yeyo inowooriacha, ntu o wulhuvalha, o iyaakha imia imoka unnyara mwaana? Ni vavawo chani, Asara o iyaakha tisaini anowooria umpatta mwaana?” 18Paahi Aburahimu nkayaamwaakhulha Nlhuku, “Yakaari nambaya malhehano inyu ayo yakaakhanlhe a Ishmaeli.”
19Nansho Nlhuku nkaakhulha, “Mena! Ahanu inyu Asara anouyarelhani mwaana mwanlhopwana ni ninyu nnoowa umwiihana nchina nawe Isaka. Kinoolhipiha malhehano aka uwannyawe ni wo iyari awe ukhalha malhehano o mahuku o uhimalha. 20Ni mwaha unomwaacha Ishmaeli kiheewa ulhepelha winyu. Kinommaha ibarakha, kinommaha achishaana enchi ni woncherera chinene. Ishmaeli nowa ukhalha athumwanaya atawara khumi ni elhi ni mii kinompanga ukhalha athumwanaya nikosho nulhupalhe. 21Nansho malhehano aka anowa uhimiecheshiya wa Isaka mwaana a Asara, anohalha aya uyarelhani ikatema thoko yelha mwaahiino.” 22Paahi Nlhuku vaamalhinhe awe wulhumacha, ahaahiya Aburahimu.
23Nenno nihuku, Aburahimu nkayaamwiinelha unyawo mwaamwanaya Ishmaeli ni weenelha unyawo ipotta aya onkhaye ashilhopwana ayarelhe unupani waya ni oopolhiye wo nchurukhu waya, thoko Nlhuku chenre awe wo ulhehera. 24Ikatema veenelhiye aya unyawo, Aburahimu aari o iyaakha tisaini ni tisa, 25uno Ishmaeli mwaamwanaya uyo, aari o iyaakha khumi ni ttaru. 26Onkhaye Aburahimu ni mwaamwanaya, Ishmaeli, yeenelhiye unyawo nihuku nimoka nenno, 27vamoka ni ashilhopwana onkhaye o unupani waya, ipotta onkhaye aayarelhe unupani waya ni oopolhiye wo nchurukhu waya onkhaye.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Uchokholha 17: MOT
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
The Bible Version in Makua @The Word for The World International and Makua Language translators. All rights reserved.
Uchokholha 17
17
Malhehano o wiinelhiya unyawo
1Naabramu vaari aya ni iyaakha tisaini ni tisa Apwiiya Nlhuku ahaakhumelhelha nkayeerelha, “Miyaano phi Nlhuku Nooria. Nttwareke malheheriyo aka ni ukhalha wo uhikhuwachiya. 2Ni mii kinoowa keesha malhehano ni inyu ni wuncherera iyari inyu chinene.” 3Vavawo Naabramu nkayaawulhuwa makukhu. Apwiiya Nlhuku nkayeera, 4“Alha phi malhehano aneesha aka ni inyu. Nnowa ukhalha athumwanaya attu o makosho menchi, 5ni toka vano nna, khanneehaniya tho Abramu nansho nnohalha wiihaniya, Aburahimu. Ukhalhawaya kihoopangani ukhalha athumwanaya attu o makosho menchi. 6Kinouvahani iyari yinchi chinene, uwaninyu anowa ukhuma makosho menchi ni akina anowa ukhalha mamwene.”
7“Kinooshunga malhehano aka ukhalha o mahuku o uhimalha, iyari inyu ni iyari chaya chonkhaye, tho kinookhalha Nlhuku inyu ni Nlhuku o iyari chinyu mahuku o uhimalha. 8Kinouvahani inyuva ni iyari inyu, ilha ilhapo inokhalha inyu thoko nlheto ilha, yaani ilhapo yo Kanaani ikhalhe yawinyu mahuku o uhimalha. Ni mii kinookhalha Nlhuku aya.”
9Yamalhekeru, Apwiiya Nlhuku nkayeerelha Aburahimu, “Ni inyu, nnoovarelha malhehano aka mwaanene, iyari inyu ni iyari chaya chonkhaye. 10Malhehano aka, anohalha inyu uvarelha inyuva ni iyari inyu phi alha. Kila nlhopwana munlhokoni mwinyu hothananiya lazima eenelhiye unyawo. 11Nnowiinelhiya unyawo ukhalha phi iphiro yo wooniha malhehano variyari aka mii ni inyu mwaatti. 12Kila mwaana mwanlhopwana o ijuma imoka munlhokoni mwinyu, lazima eenelhiye unyawo. Kila nlhopwana mu iyari inyu, akhalhe ipotta yareelhe mmanupani mwinyu, ama nlheto hirii iyari inyu, oopolhiye wo nchurukhu inyu, 13eiyo, kila mmoka aya yareelhe unupani winyu ni ata oopolhiye wo nchurukhu inyu lazima eenelhiye unyawo. Yeyo phi iphiro yo wooniha malhehano aka mwiiruttuni mwinyu, malhehano o mahuku o uhimalha. 14Nlhopwana riyoothe hineenelhiya unyawo, noonyaraphiya mwaattuni, kwaani hokhota malhehano aka.”
15Yamalhekeru, Apwiiya Nlhuku nkayeerelha Aburahimu, “Wo ahanu inyu ayo, nheehane tho Asarai nansho vano mweehaneke Asara. 16Kinowaavaha ibarakha ni ayo anouyarelhani mwaana mwanlhopwana. Eiyo, kinowaavaha ibarakha Asara ni ayo anowa ukhalha anumwanaya makosho menchi, ni uwannyaya yayo, anowa ukhuma mamwene o makosho.”
17Vavawo Aburahimu nkayaawulhuwa makukhu, nkayaathia munrimani mwaya opuwelhaka, “Anaa yeyo inowooriacha, ntu o wulhuvalha, o iyaakha imia imoka unnyara mwaana? Ni vavawo chani, Asara o iyaakha tisaini anowooria umpatta mwaana?” 18Paahi Aburahimu nkayaamwaakhulha Nlhuku, “Yakaari nambaya malhehano inyu ayo yakaakhanlhe a Ishmaeli.”
19Nansho Nlhuku nkaakhulha, “Mena! Ahanu inyu Asara anouyarelhani mwaana mwanlhopwana ni ninyu nnoowa umwiihana nchina nawe Isaka. Kinoolhipiha malhehano aka uwannyawe ni wo iyari awe ukhalha malhehano o mahuku o uhimalha. 20Ni mwaha unomwaacha Ishmaeli kiheewa ulhepelha winyu. Kinommaha ibarakha, kinommaha achishaana enchi ni woncherera chinene. Ishmaeli nowa ukhalha athumwanaya atawara khumi ni elhi ni mii kinompanga ukhalha athumwanaya nikosho nulhupalhe. 21Nansho malhehano aka anowa uhimiecheshiya wa Isaka mwaana a Asara, anohalha aya uyarelhani ikatema thoko yelha mwaahiino.” 22Paahi Nlhuku vaamalhinhe awe wulhumacha, ahaahiya Aburahimu.
23Nenno nihuku, Aburahimu nkayaamwiinelha unyawo mwaamwanaya Ishmaeli ni weenelha unyawo ipotta aya onkhaye ashilhopwana ayarelhe unupani waya ni oopolhiye wo nchurukhu waya, thoko Nlhuku chenre awe wo ulhehera. 24Ikatema veenelhiye aya unyawo, Aburahimu aari o iyaakha tisaini ni tisa, 25uno Ishmaeli mwaamwanaya uyo, aari o iyaakha khumi ni ttaru. 26Onkhaye Aburahimu ni mwaamwanaya, Ishmaeli, yeenelhiye unyawo nihuku nimoka nenno, 27vamoka ni ashilhopwana onkhaye o unupani waya, ipotta onkhaye aayarelhe unupani waya ni oopolhiye wo nchurukhu waya onkhaye.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
The Bible Version in Makua @The Word for The World International and Makua Language translators. All rights reserved.