Uchokholha 15
15
Nlhuku noweesha malhehano ni Naabramu
1Baada yo uvira yoyo mwaha uyo, nlhove na Apwiiya Nlhuku nahaakhuruwelha Naabramu ntorani, “Naabramu! Nhoove! Mii phi owaakihani. Nttuvo ninyu ninowa ukhalha nulhupalhe, wo nlhatu wo ukirumelhelha!”
2Nansho Naabramu nkayeera, “Inyu Apwiiya Nlhuku, nnohalha ukivaha ittu yaani uno kithepaka ukhalha wo uhikhalha ni mwaana, ni o unhiyera nhakhu aka akhalhaka phi Eliezeri o Udameski? 3Nkoonani! Khannakivaha ashaana, ipotta iyarelhe unupani waka phi nowa ukhalha o uhiyeriya nhakhu aka!”
4Phi vavawo Apwiiya Nlhuku venre aya, “Ulha khanowa aakhalha o uhiyeriya nhakhu inyu! Mwaamwaninyu o ikekhiaye phi nowa ukhalha o uhiyeriya nhakhu inyu!” 5Vavawo Apwiiya Nlhuku nkayaakumiha Naabramu vathe ni weerelha, “Mmweheke wiirimu uwo! Mwaalhakelheke ittotwa chiyo, yakhalhaka nnnowooria waalhakelha! Phi chiichammo iyari inyu chinohalha aya ukhalha enchi!”
6Naabramu nkayaarumelhelha Apwiiya Nlhuku, ni ayo Apwiiya Nlhuku nkayaalhakelhelha Naabramu ukhalha ntu o uvarechesha ikekhiaye.
7Apwiiya Nlhuku nkayeerelha Naabramu, “Miyaano phi mii, Apwiiya Nlhuku kuuwihilheni ukhuma Uuri, iwani ya Akaldayo wiira kiwe koovahani ilha ilhapo ilha ikhalhe yawinyu.”
8Nansho Naabramu nkayeera, “Inyu Apwiiya Nlhuku, kinohalha uchuwelha chani wiira ilhapo ilha inookhalha yawaka?”
9Paahi Apwiiya Nlhuku nkayeera, “Nkiwiihereke mwaang'ope nthiyana o iyaakha ttaru ni mwaapuri nthiyana o iyaakha ttaru ni ikhondoro ilhopwana yo iyaakha ttaru ni nchiya ni ikhunda.” 10Naabramu nkayaawiiha chechiyo chonkhaye chiyo, nkayammianiha kila mwannama velhi nkayaapanga isafu piilhi, cho uwehana, nansho ashinuni ayo khaamianihilhe velhi. 11Iwuku vaawilhe aya vamitemboni vawo wiira athowolhache inama chiyo, Naabramu ahoomolhacha.
12Nchuwa veelha aya, Naabramu ahowolhiya ikhove chinene, ipiphi totoro yo woopiha nkayaakhunelha. 13Apwiiya Nlhuku nkayeerelha Naabramu, “Nchuwelheke wo ikekheene wiira achishaana inyu anowa ukhalha alheto mwiilhaponi nhiri mwawaya, anowa ukhalha ipotta ni uhuvihachiya wo iyaakha imia ncheshe. 14Inakhalhaka chiicho etu, kinoowa kaatwarusha attu o nenno nikosho ninohalha waapanga ipotta nno. Ni yamalhaka vavawo, achishaana inyu ayo anowa ukhuma mwommo mwiilhaponi mmo, anari ni nhakhu mwinchi. 15Nansho inyuva mwaanene va, nnoowa ulhokelha iyaakha chinchi ni nnoowa urimelha wo mpuha ru. 16Achishaana inyu anowa uhokolhia uno iyari yo necheshe, ukhalhawaya uwonya wo attu o Uamori khunatimira mpaka vanohalha aka waatwarusha.”
17Nchuwa venlhe aya ni ipiphi inakenlhe, wo uhipicha ittu thoko nivalhi naatutuma mwiishi ni nthuko waapharelha mooro chahovira variyari isafu yo induri cho inama chilhe. 18Nenno nihuku nno Apwiiya Nlhuku nkayeesha malhehano ni Naabramu yeeraka, “Kinoowa kaavaha iyari inyu ilha ilhapo ilha, toka mwolhoko wo Naili wo Umisri mpaka mwolhoko muulhupalhe wo Yufrati ulhe, 19yaani ilhapo ya Aakeni, Aakenizi, Akadimoni, 20Ahiti, Aperizi, Arefai 21Aamori, Akanaani, Agirgashi ni Ayebusi.”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Uchokholha 15: MOT
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
The Bible Version in Makua @The Word for The World International and Makua Language translators. All rights reserved.
Uchokholha 15
15
Nlhuku noweesha malhehano ni Naabramu
1Baada yo uvira yoyo mwaha uyo, nlhove na Apwiiya Nlhuku nahaakhuruwelha Naabramu ntorani, “Naabramu! Nhoove! Mii phi owaakihani. Nttuvo ninyu ninowa ukhalha nulhupalhe, wo nlhatu wo ukirumelhelha!”
2Nansho Naabramu nkayeera, “Inyu Apwiiya Nlhuku, nnohalha ukivaha ittu yaani uno kithepaka ukhalha wo uhikhalha ni mwaana, ni o unhiyera nhakhu aka akhalhaka phi Eliezeri o Udameski? 3Nkoonani! Khannakivaha ashaana, ipotta iyarelhe unupani waka phi nowa ukhalha o uhiyeriya nhakhu aka!”
4Phi vavawo Apwiiya Nlhuku venre aya, “Ulha khanowa aakhalha o uhiyeriya nhakhu inyu! Mwaamwaninyu o ikekhiaye phi nowa ukhalha o uhiyeriya nhakhu inyu!” 5Vavawo Apwiiya Nlhuku nkayaakumiha Naabramu vathe ni weerelha, “Mmweheke wiirimu uwo! Mwaalhakelheke ittotwa chiyo, yakhalhaka nnnowooria waalhakelha! Phi chiichammo iyari inyu chinohalha aya ukhalha enchi!”
6Naabramu nkayaarumelhelha Apwiiya Nlhuku, ni ayo Apwiiya Nlhuku nkayaalhakelhelha Naabramu ukhalha ntu o uvarechesha ikekhiaye.
7Apwiiya Nlhuku nkayeerelha Naabramu, “Miyaano phi mii, Apwiiya Nlhuku kuuwihilheni ukhuma Uuri, iwani ya Akaldayo wiira kiwe koovahani ilha ilhapo ilha ikhalhe yawinyu.”
8Nansho Naabramu nkayeera, “Inyu Apwiiya Nlhuku, kinohalha uchuwelha chani wiira ilhapo ilha inookhalha yawaka?”
9Paahi Apwiiya Nlhuku nkayeera, “Nkiwiihereke mwaang'ope nthiyana o iyaakha ttaru ni mwaapuri nthiyana o iyaakha ttaru ni ikhondoro ilhopwana yo iyaakha ttaru ni nchiya ni ikhunda.” 10Naabramu nkayaawiiha chechiyo chonkhaye chiyo, nkayammianiha kila mwannama velhi nkayaapanga isafu piilhi, cho uwehana, nansho ashinuni ayo khaamianihilhe velhi. 11Iwuku vaawilhe aya vamitemboni vawo wiira athowolhache inama chiyo, Naabramu ahoomolhacha.
12Nchuwa veelha aya, Naabramu ahowolhiya ikhove chinene, ipiphi totoro yo woopiha nkayaakhunelha. 13Apwiiya Nlhuku nkayeerelha Naabramu, “Nchuwelheke wo ikekheene wiira achishaana inyu anowa ukhalha alheto mwiilhaponi nhiri mwawaya, anowa ukhalha ipotta ni uhuvihachiya wo iyaakha imia ncheshe. 14Inakhalhaka chiicho etu, kinoowa kaatwarusha attu o nenno nikosho ninohalha waapanga ipotta nno. Ni yamalhaka vavawo, achishaana inyu ayo anowa ukhuma mwommo mwiilhaponi mmo, anari ni nhakhu mwinchi. 15Nansho inyuva mwaanene va, nnoowa ulhokelha iyaakha chinchi ni nnoowa urimelha wo mpuha ru. 16Achishaana inyu anowa uhokolhia uno iyari yo necheshe, ukhalhawaya uwonya wo attu o Uamori khunatimira mpaka vanohalha aka waatwarusha.”
17Nchuwa venlhe aya ni ipiphi inakenlhe, wo uhipicha ittu thoko nivalhi naatutuma mwiishi ni nthuko waapharelha mooro chahovira variyari isafu yo induri cho inama chilhe. 18Nenno nihuku nno Apwiiya Nlhuku nkayeesha malhehano ni Naabramu yeeraka, “Kinoowa kaavaha iyari inyu ilha ilhapo ilha, toka mwolhoko wo Naili wo Umisri mpaka mwolhoko muulhupalhe wo Yufrati ulhe, 19yaani ilhapo ya Aakeni, Aakenizi, Akadimoni, 20Ahiti, Aperizi, Arefai 21Aamori, Akanaani, Agirgashi ni Ayebusi.”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
The Bible Version in Makua @The Word for The World International and Makua Language translators. All rights reserved.