Uchokholha 14
14
Naabramu anowookholha Nalutu
1Ikatema amwene Amrafeli o Ushinari ni amwene Naarioko o Uelasari ni amwene Nakedolaomeri o Uelamu ni amwene Natidali o Ugoiimu vaari aya atawarachaka, 2vamoka yahaatakana ikhoto ni amwene Nabera o Usodoma ni amwene Nabirsha o Ugomora ni amwene Nashinabu o Uadma ni amwene Nashemeberi o Seboimu ni amwene o Ubeela, yaani Usoari. 3Yayo manyamwene athanu aromolhiye kaanyuma ayo yaholhutaaniha miphingo chaya unikoote no Usidimu, yaani ibahari yo maakha. 4Wo iyaakha khumi ni piilhi chaavinre, aari yeewelhelhaka amwene Nakedolaomeri nansho iyaakha yo khumi ni ttaru yahorukunuwa nkayaakhota utawariya ni ayo. 5Vaari aya iyaakha yo khumi ni ncheshe amwene Nakedorlameri ni mamwene ashikhunanaya alhe yahowaacha ni waakottolha attu o Urefaimu, Uashtaroth karnaimu, ni attu o Uzuzi o Uhamu ni attu o Uemi o Ushawe kiriathaimu, 6ni attu o Uhori umwaakoni waya Useiri uwo, nkayoomolhacha mpaka Uelparani, umwiinano wo uthakoni. 7Yamalhihekeru, yahohokolhiacha utulhi mpaka Uenmishpati, yaani Ukadeshi, nkayaavara ilhapo yonkhaye ya Amaaleki ni waakottolha Aamori yaakhalha Uhasason tamari.
8Phi vavawo mamwene o Usodoma, o Ugomora, o Uadma, o Useboimu ni o Ubela yaani Usoari, vaarwachilhe aya ni miphingo chaya u nikoote no Usidimu, 9uwaatakanani ikhoto ni mamwene Nakedolaomeri o Uelamu, Natidali o Ugoiimu, Amrafeli o Ushinari ni Naarioko o Uelasari, mamwene acheshe waatakana ni mamwene athanu. 10Nikoote no Usidimu naari ninachanre malhikiti o ilami, paahi mamwene o Usodoma ni o Ugomora vaari aya attawaka ikhoto, yahotumbuchiracha mwommo, nansho akina araru ayo yahottawelha umiakoni. 11Paahi attu akottonlhe alhe yahovara mateeka nhakhu wonkhaye wa attu o Usodoma ni o Ugomora, tho ni choolhia chaya chonkhaye, nkayaarwaacha. 12Nkayaavara mateeka ata Nalutu mwaamwana a nhima aya, Naabramu, yaakhalha Usodoma vamoka ni nhakhu waya, nkayaarwaacha.
13Ntu mmoka aakulhupuwilhe ahorwaa uwaahimeriani Naabramu, Muebraniya aakhalha vakhiviru ni miri chulhupalhe cho Mamre, ntu o Uamori ulhe. Mamre aari nhima aya Naeshkoli ni Naaneri. Onkhaye ayo aari attu yaalhutanne ni Naabramu. 14Naabramu veewilhe aya wiira mwaamwana a nhimaya hokushiya mateeka ni mamwene acheshe alhe, yahokhuma vamoka ni manyaalhopwana o machiri imia ttaru ni khumi ni nane, yaayarelhe wi iwani aya, nkayomolhanihacha mpaka Udani. 15Uhiyu waphiyeke nkayaamianiha attu aya ayo miphingomiphingo. Nkayaakelhelha amalhaponi ayo ni waakottolha, nkayoomolhacha mpaka Uhooba uchulhu wo ilhapo yo Udameski. 16Paahi Naabramu yahookholha nhakhu wonkhaye waavariye mateeka ni amalhaponi ni umwaakiha mwaamwana a nhima aya ni nhakhu awe vamoka ni manyaathiyana ni attu akina yaavarachiye mateeka.
Namelkisedeki anowaavaha ibarakha Naabramu
17Naabramu vaahokolhelhe aya baada yo waakottolha amwene Nakedorlameri ni ashikhunanaya, amwene o Usodoma ahokhuma urwaa uwekamelhani unikote no Ushawe, yaani nikoote no amwene. 18Ni Namelkisedeki, amwene o iwani yo Usalimu, tho akhalhaka opochera ishaani a Nlhuku Mulhupalhe ri uchulhu chinene, yahowiiha nkatte ni idivai, 19nkayaavaha ibarakha Naabramu yiiraka,
“Nlhuku Mulhupalhe
Upilhe irimu ni ilhapo,
aavahe ibarakha Naabramu! 20Ninthimiche Nlhuku Mulhupalhe ri uchulhu,
okavinheni waanyikalhelha amalhaponi inyu!”
Ni ayo Naabramu nkayaavaha Namelkisedeki mpatta wo khumi wo chittu chonkhaye chaarina aya.
21Amwene o Usodoma nkayeerelha Naabramu, “Nkivaheke attu ayo, nansho nhakhu wonkhaye uyo mmwieke mwaanene.” 22Nansho Naabramu nkayeerelha amwene o Usodoma alhe, “Kinoolhupelha wa Apwiiya Nlhuku, Nlhuku Mulhupalhe ri uchulhu, oupilhe irimu ni ilhapo, 23wiira akinokusha ittu iriyoothe irii yawinyu inakhalhaka nttoche mena nripwe wo iratu, nhiwe mweera wiira nhokivaha nhakhu. 24Paahi etu, akinokusha ittu iriyoothe ihikhalhe ittu yaalhilhie aya ashimirawo aka ni mahalha a attu aari vamoka ni mii, yaani Naaneri, Naeshkoli ni Namamre. Yayo mwaavaheke akusheke.”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Uchokholha 14: MOT
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
The Bible Version in Makua @The Word for The World International and Makua Language translators. All rights reserved.
Uchokholha 14
14
Naabramu anowookholha Nalutu
1Ikatema amwene Amrafeli o Ushinari ni amwene Naarioko o Uelasari ni amwene Nakedolaomeri o Uelamu ni amwene Natidali o Ugoiimu vaari aya atawarachaka, 2vamoka yahaatakana ikhoto ni amwene Nabera o Usodoma ni amwene Nabirsha o Ugomora ni amwene Nashinabu o Uadma ni amwene Nashemeberi o Seboimu ni amwene o Ubeela, yaani Usoari. 3Yayo manyamwene athanu aromolhiye kaanyuma ayo yaholhutaaniha miphingo chaya unikoote no Usidimu, yaani ibahari yo maakha. 4Wo iyaakha khumi ni piilhi chaavinre, aari yeewelhelhaka amwene Nakedolaomeri nansho iyaakha yo khumi ni ttaru yahorukunuwa nkayaakhota utawariya ni ayo. 5Vaari aya iyaakha yo khumi ni ncheshe amwene Nakedorlameri ni mamwene ashikhunanaya alhe yahowaacha ni waakottolha attu o Urefaimu, Uashtaroth karnaimu, ni attu o Uzuzi o Uhamu ni attu o Uemi o Ushawe kiriathaimu, 6ni attu o Uhori umwaakoni waya Useiri uwo, nkayoomolhacha mpaka Uelparani, umwiinano wo uthakoni. 7Yamalhihekeru, yahohokolhiacha utulhi mpaka Uenmishpati, yaani Ukadeshi, nkayaavara ilhapo yonkhaye ya Amaaleki ni waakottolha Aamori yaakhalha Uhasason tamari.
8Phi vavawo mamwene o Usodoma, o Ugomora, o Uadma, o Useboimu ni o Ubela yaani Usoari, vaarwachilhe aya ni miphingo chaya u nikoote no Usidimu, 9uwaatakanani ikhoto ni mamwene Nakedolaomeri o Uelamu, Natidali o Ugoiimu, Amrafeli o Ushinari ni Naarioko o Uelasari, mamwene acheshe waatakana ni mamwene athanu. 10Nikoote no Usidimu naari ninachanre malhikiti o ilami, paahi mamwene o Usodoma ni o Ugomora vaari aya attawaka ikhoto, yahotumbuchiracha mwommo, nansho akina araru ayo yahottawelha umiakoni. 11Paahi attu akottonlhe alhe yahovara mateeka nhakhu wonkhaye wa attu o Usodoma ni o Ugomora, tho ni choolhia chaya chonkhaye, nkayaarwaacha. 12Nkayaavara mateeka ata Nalutu mwaamwana a nhima aya, Naabramu, yaakhalha Usodoma vamoka ni nhakhu waya, nkayaarwaacha.
13Ntu mmoka aakulhupuwilhe ahorwaa uwaahimeriani Naabramu, Muebraniya aakhalha vakhiviru ni miri chulhupalhe cho Mamre, ntu o Uamori ulhe. Mamre aari nhima aya Naeshkoli ni Naaneri. Onkhaye ayo aari attu yaalhutanne ni Naabramu. 14Naabramu veewilhe aya wiira mwaamwana a nhimaya hokushiya mateeka ni mamwene acheshe alhe, yahokhuma vamoka ni manyaalhopwana o machiri imia ttaru ni khumi ni nane, yaayarelhe wi iwani aya, nkayomolhanihacha mpaka Udani. 15Uhiyu waphiyeke nkayaamianiha attu aya ayo miphingomiphingo. Nkayaakelhelha amalhaponi ayo ni waakottolha, nkayoomolhacha mpaka Uhooba uchulhu wo ilhapo yo Udameski. 16Paahi Naabramu yahookholha nhakhu wonkhaye waavariye mateeka ni amalhaponi ni umwaakiha mwaamwana a nhima aya ni nhakhu awe vamoka ni manyaathiyana ni attu akina yaavarachiye mateeka.
Namelkisedeki anowaavaha ibarakha Naabramu
17Naabramu vaahokolhelhe aya baada yo waakottolha amwene Nakedorlameri ni ashikhunanaya, amwene o Usodoma ahokhuma urwaa uwekamelhani unikote no Ushawe, yaani nikoote no amwene. 18Ni Namelkisedeki, amwene o iwani yo Usalimu, tho akhalhaka opochera ishaani a Nlhuku Mulhupalhe ri uchulhu chinene, yahowiiha nkatte ni idivai, 19nkayaavaha ibarakha Naabramu yiiraka,
“Nlhuku Mulhupalhe
Upilhe irimu ni ilhapo,
aavahe ibarakha Naabramu! 20Ninthimiche Nlhuku Mulhupalhe ri uchulhu,
okavinheni waanyikalhelha amalhaponi inyu!”
Ni ayo Naabramu nkayaavaha Namelkisedeki mpatta wo khumi wo chittu chonkhaye chaarina aya.
21Amwene o Usodoma nkayeerelha Naabramu, “Nkivaheke attu ayo, nansho nhakhu wonkhaye uyo mmwieke mwaanene.” 22Nansho Naabramu nkayeerelha amwene o Usodoma alhe, “Kinoolhupelha wa Apwiiya Nlhuku, Nlhuku Mulhupalhe ri uchulhu, oupilhe irimu ni ilhapo, 23wiira akinokusha ittu iriyoothe irii yawinyu inakhalhaka nttoche mena nripwe wo iratu, nhiwe mweera wiira nhokivaha nhakhu. 24Paahi etu, akinokusha ittu iriyoothe ihikhalhe ittu yaalhilhie aya ashimirawo aka ni mahalha a attu aari vamoka ni mii, yaani Naaneri, Naeshkoli ni Namamre. Yayo mwaavaheke akusheke.”
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
The Bible Version in Makua @The Word for The World International and Makua Language translators. All rights reserved.