Uchokholha 12
12
Nlhuku noweehana Naabramu
1Paahi Apwiiya Nlhuku nkayeerelha Naabramu, “Nthameke wiilhaponi winyu, mwaahiyeke ashilhoko inyu ni iwani ya athumwaninyu, nrweeke ilhapo inohalha aka uwoonihani. 2Kinokoupangani inyuva ukhalha nikosho no attu enchi, kinokouvahani ibarakha ni urumiha nchina ninyu ni inyu nnookhalha ibarakha.
3Nohalha uvahani ibarakha, kinommaha ibarakha
nohalha uulhavani, kinonlhava.
Wo iphiro inyu kinowaavaha ibarakha makosho onkhaye o velhaponi.”
4Paahi etu, Naabramu yahothama thoko Apwiiya Nlhuku chenre aya wo waalhehera, ni Nalutu yahorwaa vamoka ni ayo. Naabramu aari ntu o iyaakha makhumi saba ni nthanu ikatema vaathamme aya Uharani. 5Naabramu yahaakusha Asarai, ahanu aya, ni Nalutu mwaamwana a ahima aya, ni nhakhu waya wonkhaye ni attu onkhaye yaapantte aya Uharani uwo, nkayaathamacha nkayaarwaa ilhapo yo Ukanaani.
Vaakelha aya ilhapo yo Ukanaani vawo, 6Naabramu ahovira iriyari yo ilhapo mpaka Ushekemu, ilhapo itakatifu, vari miri cho More. Yeyo ikatema iyo Akanaani phi aari anenchi o yeyo ilhapo iyo. 7Phi vavawo Apwiiya Nlhuku vaakhumelhenlhe aya Naabramu, nkayeerelha, “Iyari inyu phi nohalha aka waavaha ilha ilhapo ilha.” Paahi, Naabramu yahothatha malhuku utheka madhubahu, waathekelha Apwiiya Nlhuku yaakhumelhenlhe. 8Kaanyuma aya Naabramu yahothama nkayaarwa umiakoni unosha nchuwa Ubetheli, nkayaatheka nihema variyari, iwani yo Ubetheli nthelha uneelha nchuwa, ni iwani yo Uayi unosha nchuwa. Vavawo tho yahothaha malhuku waathekelha Apwiiya Nlhuku madhubahu ni waalhepelha wo nchina naya. 9Yamalhekeru, Naabramu yahothepa urwaa nkwaha aya alhukamaka ilhapo cho Unegebu.
Naabramu Umisri
10Yeyo ikatema iyo, ikuruna yahokhuruwa velhaponi. Yeyo ikuruna iyo aari yulhupalhe, paahi etu Naabramu aholhakelha urwaa Umisri ukhalhani wowo wo ikatema vakani. 11Vaatameria aya uphiya Umisri, Naabramu yaheerelha ahanu aya, Asarai, “Kihochuwelha inyuva opaani orera ni o uchivelhiha mirima cha attu. 12Attu o Umisri vanohalha aya uwoonani vawo, anoowa yeera, ‘Alha phi ahanu aya.’ Anowa ukiiva nansho inyuva khanowa mweeviya. 13Paahi etu mweereke wiira, inyuva kanhiwe ahanu aka nansho mwanrokoraka, ni mii chittu chikeetelhe rata, paahi chommo khanowa yaakiva.” 14Paahi Naabramu vaaphilhe aya Umisri, anenchi o wowo ayo yahoona Asarai wiira aari oopani orera chinene. 15Anamitheko a Nafarao vonne aya Asarai, yahaashipa wa Nafarao. Paahi Asarai ahorwehiya unupani wa Nafarao. 16Paahi wo nlhatu wa Asarai, Nafarao ahaapangelha moombone Naabramu, nkayaavaha ikhondoro, ing'ope, iphuta, anamitheko ashilhopwana ni ashithiyana ni ingamiya.
17Nansho Apwiiya Nlhuku nkayaatwarusha Nafarao ni attu onkhaye o unupani waya wo waahelha mareta o uweria chinene, wo nlhatu no Asarai, ahanu a Naabramu. 18Nafarao nkayeehana Naabramu, nkayaakoha, “Ama! Phi ittu yaani yelha nkipangenlhe inyu ilha? Chani mbona khamwaakihimenrie wiira Asarai ayo phi ahanu inyu? 19Nlhatu waani etu no wiira yayo arokorinyu, ni mii nkakaakusha ukhalha ahanu aka? Paahi etu ahanu inyu ayo vawo, mwaakusheke nrweeke!” 20Yamalhekeru, Nafarao yahaalhehera anamitheko aya wiira yaavelhelhe Naabramu ni ahanu aya, ni nhakhu waya wonkhaye. Ni ayo yahothama.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
Uchokholha 12: MOT
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
The Bible Version in Makua @The Word for The World International and Makua Language translators. All rights reserved.
Uchokholha 12
12
Nlhuku noweehana Naabramu
1Paahi Apwiiya Nlhuku nkayeerelha Naabramu, “Nthameke wiilhaponi winyu, mwaahiyeke ashilhoko inyu ni iwani ya athumwaninyu, nrweeke ilhapo inohalha aka uwoonihani. 2Kinokoupangani inyuva ukhalha nikosho no attu enchi, kinokouvahani ibarakha ni urumiha nchina ninyu ni inyu nnookhalha ibarakha.
3Nohalha uvahani ibarakha, kinommaha ibarakha
nohalha uulhavani, kinonlhava.
Wo iphiro inyu kinowaavaha ibarakha makosho onkhaye o velhaponi.”
4Paahi etu, Naabramu yahothama thoko Apwiiya Nlhuku chenre aya wo waalhehera, ni Nalutu yahorwaa vamoka ni ayo. Naabramu aari ntu o iyaakha makhumi saba ni nthanu ikatema vaathamme aya Uharani. 5Naabramu yahaakusha Asarai, ahanu aya, ni Nalutu mwaamwana a ahima aya, ni nhakhu waya wonkhaye ni attu onkhaye yaapantte aya Uharani uwo, nkayaathamacha nkayaarwaa ilhapo yo Ukanaani.
Vaakelha aya ilhapo yo Ukanaani vawo, 6Naabramu ahovira iriyari yo ilhapo mpaka Ushekemu, ilhapo itakatifu, vari miri cho More. Yeyo ikatema iyo Akanaani phi aari anenchi o yeyo ilhapo iyo. 7Phi vavawo Apwiiya Nlhuku vaakhumelhenlhe aya Naabramu, nkayeerelha, “Iyari inyu phi nohalha aka waavaha ilha ilhapo ilha.” Paahi, Naabramu yahothatha malhuku utheka madhubahu, waathekelha Apwiiya Nlhuku yaakhumelhenlhe. 8Kaanyuma aya Naabramu yahothama nkayaarwa umiakoni unosha nchuwa Ubetheli, nkayaatheka nihema variyari, iwani yo Ubetheli nthelha uneelha nchuwa, ni iwani yo Uayi unosha nchuwa. Vavawo tho yahothaha malhuku waathekelha Apwiiya Nlhuku madhubahu ni waalhepelha wo nchina naya. 9Yamalhekeru, Naabramu yahothepa urwaa nkwaha aya alhukamaka ilhapo cho Unegebu.
Naabramu Umisri
10Yeyo ikatema iyo, ikuruna yahokhuruwa velhaponi. Yeyo ikuruna iyo aari yulhupalhe, paahi etu Naabramu aholhakelha urwaa Umisri ukhalhani wowo wo ikatema vakani. 11Vaatameria aya uphiya Umisri, Naabramu yaheerelha ahanu aya, Asarai, “Kihochuwelha inyuva opaani orera ni o uchivelhiha mirima cha attu. 12Attu o Umisri vanohalha aya uwoonani vawo, anoowa yeera, ‘Alha phi ahanu aya.’ Anowa ukiiva nansho inyuva khanowa mweeviya. 13Paahi etu mweereke wiira, inyuva kanhiwe ahanu aka nansho mwanrokoraka, ni mii chittu chikeetelhe rata, paahi chommo khanowa yaakiva.” 14Paahi Naabramu vaaphilhe aya Umisri, anenchi o wowo ayo yahoona Asarai wiira aari oopani orera chinene. 15Anamitheko a Nafarao vonne aya Asarai, yahaashipa wa Nafarao. Paahi Asarai ahorwehiya unupani wa Nafarao. 16Paahi wo nlhatu wa Asarai, Nafarao ahaapangelha moombone Naabramu, nkayaavaha ikhondoro, ing'ope, iphuta, anamitheko ashilhopwana ni ashithiyana ni ingamiya.
17Nansho Apwiiya Nlhuku nkayaatwarusha Nafarao ni attu onkhaye o unupani waya wo waahelha mareta o uweria chinene, wo nlhatu no Asarai, ahanu a Naabramu. 18Nafarao nkayeehana Naabramu, nkayaakoha, “Ama! Phi ittu yaani yelha nkipangenlhe inyu ilha? Chani mbona khamwaakihimenrie wiira Asarai ayo phi ahanu inyu? 19Nlhatu waani etu no wiira yayo arokorinyu, ni mii nkakaakusha ukhalha ahanu aka? Paahi etu ahanu inyu ayo vawo, mwaakusheke nrweeke!” 20Yamalhekeru, Nafarao yahaalhehera anamitheko aya wiira yaavelhelhe Naabramu ni ahanu aya, ni nhakhu waya wonkhaye. Ni ayo yahothama.
ಪ್ರಸ್ತುತ ಆಯ್ಕೆ ಮಾಡಲಾಗಿದೆ:
:
ಹೈಲೈಟ್ ಮಾಡಿ
ಹಂಚಿಕೊಳ್ಳಿ
ಕಾಪಿ
ನಿಮ್ಮ ಎಲ್ಲಾ ಸಾಧನಗಳಲ್ಲಿ ನಿಮ್ಮ ಮುಖ್ಯಾಂಶಗಳನ್ನು ಉಳಿಸಲು ಬಯಸುವಿರಾ? ಸೈನ್ ಅಪ್ ಮಾಡಿ ಅಥವಾ ಸೈನ್ ಇನ್ ಮಾಡಿ
The Bible Version in Makua @The Word for The World International and Makua Language translators. All rights reserved.