MAṮṮA 5ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Walla ki ’kwani c̱i’thkina lamba/ mo tani uni kum a’di ’kup̱ ki toŋ’kul bwa mo ’taa? Hili uni ki kar a’di e ṯirkina/ mo dhali a’di ki c̱i moŋkush e gu’bi ’baar mo be. Dhalki moŋkush bum kushi mo mo wakan mbwambori ’kwani mo, ki uni mini p̱ar miim ’boron bum e mo dhali c̱i monyca ka Babam bum jin di’d e momis mo be.

Um ta moŋkush gi ’kwaniny’cesh mo be. ’Peŋkuman bampa/ c̱aan jin ḵa’bkunu mo e ’kuwosh mo tani a’di molu ba’k mo be.

Mom’bor mii gom uni gun dhelel ma du mo ki uni mini p̱ara Arumgimis e mo be.

Mom’bor mii gom uni gwansan kun ’kosha ṯe/ mo dhali kun butha ṯe/ miiŋḵar/e mo ki uni minu kap̱ mo be.

Hili aha/ ṯora um gwo mo ki: Eni uni gun ta ’kup̱ ki um mo ma dhali ’thoyi gom uni gwansan kun ṯoci um bwa mo.

Mom’bor mii gom uni gun hatha’ko’d e shi/in mo, gom bampam buni ta ji gi momis mo be.

Mom’bor mii gom uni gun dhuna dhu ka ḵu’th is mo ki uni minu yuḵ ki iya/ ma Arumgimis mo be.

Mom’bor mii gom uni gwansan kun gwokin mo, ki uni minu malas mo be.

Mom’bor mii gom uni gwansan kun ṯoju bwa mo gom gway gi miiŋḵar/e mo, gom bampam buni jin tana uni mo tani ta ji gi momis mo be.

Mom’bor mii gom uni gun miimii mo ki uni mini gam momiimii mo be.

Mom’bor mii gom um ki ’kwani mini sor um mo dhali ṯo’c um bwa mo dhali wal gwo sora shigga/ ap̱o/ um mo gom gway pem mo be. ’Kunyi bwa mo ma dhali ’bori bwa mo, haali/ tom bum gun tana um gun ish ḵumma/ mo e momis mo tani uni eḵkin mo, haali/ wakan ’kwani ṯoci imanc̱i gwo ma Arumgimis bwa kadhamo/ mo uni gun ’koni ṯwa/a/ ki um mo be.

Mom’bor mii gom uni gun ’thup̱ ma du mo ki uni mini gam mal ma ’cesh mo be.

Um tana ’doŋkoro/ gom mony’cesh mo. Hili waḵka ’doŋkoro/ midi this montaŋkar piti e mo tani a’di midi mish ’bala’th kata mo? A’di diki ha me’d mo doḵ/e gom toŋ kamu/ mo, hili isi ciki/ a’di minu biṯa sho mo dhali minu yap̱ ki sho’k gi ’kwani mo be.

Wakan um mini mii ta unim ’borgaŋ gana/ mo me’da Ababam bum jin di’d e momis jin ta a’dim ’borgaŋ gana/ mo be.

Dhalki gwom pini jin ona /e mo midi ta jasi anynye mo walla yisa mo. Ma e toŋ kamu/ jin mar mii yan is mo tani uni p̱u’dkin ’peni tonthus mo be.

Um ciḵkin a’di jin onu ki: Ki e gom e mo dhali ki she/ gom she/ mo tani hili aha/ ona um gwo mo ki: Dhalku/ ki roc̱ a’di jin ta thus mo. Hili waḵki/ jan ’deŋ kamu/ midi dor /e e ’ban ’peshe/ ma bim poros mo tani ṯu’kki a’di ’bana kamu/ si’da/ mo ma.

Waḵki/ e ma bim poros pini ṯu’c /e mo mmomii miinthus mo tani buḵi a’di ka pije/ mo ma dhali biṯi a’di asho mo haali/ a’di ’boro’d gom /e mo mmothis buŋgwar is gi ’ban is piniŋ kamu/ e mo jin mina buŋgwar is pini ka ’bimpil diki ya mo e mo ma al o’d mo be. Dhali waḵki/ me’da bim poros pini midi ṯu’c /e mo mmomii miinthus mo tani ’ciṯẖi/ a’di mo ma dhali yip̱i a’di asho mo haali/ a’di ’boro’d gom /e mo mmothis buŋgwar is gi ’ban is piniŋ kamu/ e mo jin mina buŋgwar is pini ka ’bimpil diki ya mo e mo ma al o’d mo be.