A-HEPREU 11ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Achi, Ufulielo che kulisela chinyingi cha yuma yize anayitalatala, che kukumika ha yuma yize kuyishi kumoneka. Mumu makulwana azukile nawo Shindakenyo yipema.

Alioze mutu keshi kuhasa kupemena kuli Zambi shina ni Ufulielo; mumu yoze meza kuli Zambi chamutamba kufuliela ngwo, Iye hwali, iye mukwa kwononona waze akumufupa.

Ku Ufulielo chatulumbunuka ngwe atesele miaka ku liji lia Zambi, chocho chize chakumoneka kachitangile ku yuma yize yakusoloka.

Ku Ufulielo Apalahama, muze amutambikile, wononokene kukatuka mukuya kuma kuze matambula ha chihinga; mba wakatukile, chipwe kanyingikine kuze maya. Ku Ufulielo watwamine ngwe chilambala mu chifuchi cha chilakenyo, ngwe mu chifuchi cha mbala, nikutwama mu mbalaka hamwe ni Izake ni Yakomba, maswana hamwe nenyi a chilakenyo chimuwika

Ku Ufulielo Noe wa kufumba kuli Zambi ha kutwala ku yuma yize kanda yichimoneka, se wevwile woma wa Zambi, walulikile ulungu akalamwine akwa zuwo lienyi; chochene wahishile akwa hashi, amupwishile swana ya ululi uze wakulita ni Ufulielo.

Ku Ufulielo atutulwilile Enoke hanga kechi kamona kufwa; mba kamuwanyineko, mumu Zambi wamututulwilile; mumu shimbu kanda amututulwila, amushindakenyene ngwo, Kanapemena kuli Zambi.

Ku Ufulielo Abele walambwile kuli Zambi chitapo chilemu chahiana Kene, ku chize wazukile Shindakenyo ya kupwa mukwa ululi, Zambi se kanashindakenya ha yawana yenyi; ku uze, iye se wafwile, hindu achili nikuhanjika.

Ku Ufulielo chipwe Sara mwene watambwile tachi ja kuseseka ufumba muze te hapalika mwaka, se wamunyongene wamwenemwene yoze walakenyene

mumu wataliletalile limbo lize likwete fundamentu, lize chilangaji, tungi yalio Zambi.

Ku Ufulielo Mose, muze te hakola, katayijileko akamuvuluke ngwo, Mwana wa mwana Falau wa pwo. Watongwele Shinaho kwivwa lamba hamwe ni atu a Zambi, katongwele kuwaha cha shili ha shimbu likepe. Se kananyongo ngwenyi, Luchoko yoze achokele nenyi Kristu, hapwa upite kuhiana yikumba ya Engitu: mumu wahulikilile meso ku kwononona. Ku Ufulielo wehukile Engitu, kuchapwile ngwe wevwile woma wa ufwatulo wa mwanangana: mumu wanyongonwene ndusu ngwe kanamono yoze keshi kumoneka.

Ku Ufulielo Apalahama, muze amwesekele, walambwile Izake, ni yoze watambwile yilakenyo kushi walambwile mwanenyi wa wika

Ku Ufulielo Rahape, chikoi, katokeleko hamwe ni waze kononokeneko, se watambwile ngendeshi ni sambukila.

Ku Ufulielo apalikile ndusu mu Kalunga-lwiji Muchila ngwe hashi homu: chize A-Engitu ha kweseka kuchilinga atokele.

Ku Ufulielo yipanga ya Yeriku yapuzukile, muze te hayijinguluka matangwa shimbiali.

Ku Ufulielo wafungile Chizomboka, ni kusapwila cha manyinga, hanga chenyeki cha atangu a kusemuka kechi kaakwata.

Ku Ufulielo José, muze akundamine ku songo lia mwono wenyi, wavulukile kukatuka cha ana a Izalele; nikuhana shimbi ha kutwala ku yifwaha yenyi.

Ku Ufulielo Yakomba, muze himafwa, wawahishile mweswe wa kuli ana ja José a malunga; Wawayilile nikujamina ha mulumbu wenyi.

Ku Ufulielo Izake wawahishile Yakomba ni Esau, ha kutwala ku yuma yize muyizaho.