1 PETULU 2ರಿಂದ ಜನಪ್ರಿಯ ಬೈಬಲ್ ವಚನಗಳು

ಹಂಚಿಕೊಳ್ಳಿ

Alioze yenu nuli akwa munyachi wa kutongola, asasendote a ku wanangana, enya chifuchi chisandu, amwe atu a kwapita Zambi mwene, hanga nukambujole che kuhiana cha yoze hananutambika nukakatuke ku milima ndo ku pangu lienyi lia kukomwesa

Iye mwene wambachile milonga yetu mu mujimba wenyi ha mutondo, hanga yetu se hitunafu ku milonga, tukapwe ni mwono ku ululi; ku mbandu jenyi hinunahinduka. Mumu yenu nwapwile nikupianguka ngwe mapanga, aiioze haliapwila hinunahilukila kuli Kafunga, Kalayi ka mbunge jenu.

Yenu, ha miaka ya kunyima kunwapwile atu aiioze haliapwila nuli atu a Zambi: te kunwawanyine keke, aiioze haliapwila hinunawane keke.

Chizechene ngwe ana-akemba waze anasemuka haliapwila, ivwenu chikolo usona ha yamwa ya uspiritu yize kuyishi kalimbalimba, hanga nukatatuke nayo ndo ku ulamwino

Akwetu a zango, ngunaliumbu kuli yenu ngwe ngeji ni njize nukasúle ku usolo wa musunya uze wakwasa jita ni mbunge. Pwenu ni kwenda chenu ngwe chinate hakachi ka akwa mavungu: hanga chipwe manuhanjika ngwe akwa kulinga yipi, ku yitanga yenu yipema yize akumona, akachichimieke Zambi ha tangwa lia kukala ni lia kwononona.

Ni yenu nawa, ngwe mawe a mwono, kananutungu kupwa zuwo lia uspiritu, kupwa asasendote asandu, mukulambula yitapo ya uspiritu, ya kupemena chikolo kuli Zambi ku tachi ja Yesu Kristu.

Kashika, mbilenu uhuka weswe, ni tulimbalimba eswe, ni ulembekese, ni lufwachinda, ni kuhanjika chipi.

Nwakwiza kuli iye, ngwe ku liwe lia mwono, alitunyinelio chamwenemwene kuli atu, aiioze kuli Zambi Hapwa lia kutongola, lilemu.

Ngwe akwa kutusuka, aiioze kanda nutenga kutusuka chenu chifuko cha uhuka, aiioze ngwe ndungo ja Zambi.

Mumu chocho we upale wa Zambi, ha kulinga yipema, nukakolese kwalajala cha yizuzuke.